ଓଡ଼ିଶାର ବିଭିନ୍ନ କ୍ଷେତ୍ରରେ ନିଜର ପ୍ରତିଭା ଓ ଅବଦାନ ମାଧ୍ୟମରେ ରାଜ୍ୟର ଗୌରବ ବଢ଼ାଇଥିବା ବ୍ୟକ୍ତିବିଶେଷଙ୍କୁ ସମ୍ମାନିତ କରାଯିବ। ସେପ୍ଟେମ୍ବର ୧୨ ତାରିଖରେ କଟକ ସହିଦ ଭବନରେ ରୁଚି ପ୍ରତିଭା ଫାଉଣ୍ଡେସନ୍ ପକ୍ଷରୁ ରୁଚି ପ୍ରତିଭା ସମ୍ମାନ ସମାରୋହ ଆୟୋଜିତ ହେବ।
ଏହି ସମାରୋହକୁ ଲେଫ୍ଟନାଣ୍ଟ ଜେନେରାଲ ଚଣ୍ଡୀ ପ୍ରସାଦ ମହାନ୍ତି ଉଦ୍ଘାଟନ କରିବେ। ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀ ମୁଖ୍ୟ ଅତିଥି ଭାବେ ଯୋଗଦେବେ। ଏଥିସହ ପୁରୀ ଓଡ଼ିଆ ବିଶ୍ୱବିଦ୍ୟାଳୟର କାର୍ଯ୍ୟକାରୀ କୁଳପତି ପ୍ରଫେସର ଡ. ସତ୍ୟନାରାୟଣ ଆଚାର୍ଯ୍ୟ ସମ୍ମାନିତ ଅତିଥି ଭାବେ ଯୋଗଦେବେ।
ଚଳିତ ବର୍ଷ ପ୍ରଖ୍ୟାତ ଆଦିବାସୀ ଶିକ୍ଷାବିତ୍ ତଥା ପଦ୍ମଶ୍ରୀ ଚରଣ ହେମ୍ବ୍ରମ୍ଙ୍କୁ ରୁଚି ଦେଶ ଗୌରବ ସମ୍ମାନ ପ୍ରଦାନ କରାଯିବ। ସେହିପରି ସାଂସଦ ଦିଲୀପ ରାୟଙ୍କୁ ଡ. ଶରତ କୁମାର ସାହୁ ସ୍ମୃତି ସମ୍ମାନ ପ୍ରଦାନ କରାଯିବ।
ଗାୟିକା ଜ୍ୟୋତିର୍ମୟୀ ନାୟକଙ୍କୁ ମଧ୍ୟ ରୁଚି ଦେଶ ଜ୍ୟୋତି ସମ୍ମାନରେ ସମ୍ମାନିତ କରାଯିବ।
ରୁଚି କମ୍ପାନୀର ପରିଚାଳନା ନିର୍ଦ୍ଦେଶକ ଅରବିନ୍ଦ ସାହୁ କହିଛନ୍ତି ଯେ, ଓଡ଼ିଶାର ପ୍ରତିଭାବାନ ଓ କୃତୀ ବ୍ୟକ୍ତିମାନଙ୍କୁ ସମ୍ମାନ ଜଣାଇବା ପାଇଁ ଏହି ସମାରୋହ ଏକ ମଞ୍ଚ। ଆଗାମୀ ଦିନରେ ଆହୁରି ଭଲ କରିବା ପାଇଁ ସମ୍ମାନିତ ହେବାକୁ ଥିବା ପ୍ରତିଭାମାନଙ୍କୁ ଉତ୍ସାହିତ କରିବା ସହ ସମସ୍ତଙ୍କୁ ଏହି କାର୍ଯ୍ୟକ୍ରମରେ ଯୋଗଦେବାକୁ ସେ ଅନୁରୋଧ କରିଛନ୍ତି।
ଏହି ସମାରୋହରେ IAS ପରୀକ୍ଷାରେ ସଫଳ ହୋଇଥିବା ଓଡ଼ିଆ ଯୁବକ ସାତ୍ତ୍ୱିକ ସତ୍ୟକାମଙ୍କୁ ସମ୍ମାନିତ କରାଯିବ। ଏଥିସହ ଓଡ଼ିଶାର ହକି ତାରକା ଦୀପ୍ ଗ୍ରେସ୍ ଏକ୍କା ଓ ଜୈବିକ କୃଷି କ୍ଷେତ୍ରରେ ଅବଦାନ ପାଇଁ ପଦ୍ମଶ୍ରୀ ସବରମତୀଙ୍କୁ ମଧ୍ୟ ଫେଲିସିଟେଟ୍ କରାଯିବ।
ଏହାବ୍ୟତୀତ ମାଟ୍ରିକ୍ ପରୀକ୍ଷାରେ ଶ୍ରେଷ୍ଠ ପ୍ରଦର୍ଶନ କରିଥିବା ଟପ୍ପରମାନଙ୍କୁ ମଧ୍ୟ ରୁଚି ପ୍ରତିଭା ସମ୍ମାନ ସମାରୋହରେ ସମ୍ମାନିତ କରାଯିବ। ଓଡ଼ିଶାର ଯୁବ ପ୍ରତିଭା, କ୍ରୀଡ଼ାବିତ୍, ଶିକ୍ଷାବିତ୍ ଓ ବିଭିନ୍ନ କ୍ଷେତ୍ରର କୃତୀ ବ୍ୟକ୍ତିଙ୍କୁ ଗୋଟିଏ ମଞ୍ଚରେ ସମ୍ମାନ ଦେବା ଏହି ସମାରୋହର ମୁଖ୍ୟ ଉଦ୍ଦେଶ୍ୟ।
Byju’sର ପ୍ୟାରେଣ୍ଟ କମ୍ପାନୀ **Think and Learn...
କେନ୍ଦ୍ର ବାଣିଜ୍ୟ ଓ ଶିଳ୍ପ ମନ୍ତ୍ରୀ ପୀୟୂଷ ଗୋୟଲ ଶୁକ୍ରବା...
ଭାରତର ନୂଆ GDP ତଥ୍ୟକୁ ନେଇ ଚାଲିଥିବା ବିତର୍କ ଧୀରେ ଧୀରେ...
ଆମେରିକା-ଚୀନ୍ ବାଣିଜ୍ୟ ସମ୍ପର୍କ ମଧ୍ୟରେ ଆଉ ଏକ ବଡ଼ କୂଟନ...
