ରାଉରକେଲା ବିମାନବନ୍ଦରକୁ ଆଧୁନିକ ଓ ବଡ଼ ମାନକରେ ଉନ୍ନତ କରିବା ପାଇଁ ଓଡ଼ିଶା ସରକାର ତାହାର ପ୍ରୟାସକୁ ତେଜ କରିଛନ୍ତି। ବର୍ତ୍ତମାନ ଏହି ବିମାନବନ୍ଦରଟି SAIL ର ରାଉରକେଲା ଷ୍ଟିଲ ପ୍ଲାଣ୍ଟ (RSP) ନିୟନ୍ତ୍ରଣରେ ରହିଥିବାବେଳେ, ଏହାକୁ ଏୟାରପୋର୍ଟସ୍ ଅଥରିଟି ଅଫ ଇଣ୍ଡିଆ (AAI) କୁ ହସ୍ତାନ୍ତର କରିବା ଯୋଜନା ଆଗକୁ ବଢ଼ୁଛି।
ଭୁବନେଶ୍ୱରରେ ହୋଇଥିବା ଏକ ଉଚ୍ଚସ୍ତରୀୟ ବୈଠକରେ ଏହି ବିସ୍ତାର ପ୍ରସଙ୍ଗରେ ଆଲୋଚନା ହୋଇଥିଲା। ଏଥିରେ କେନ୍ଦ୍ର ଓ ରାଜ୍ୟ ସରକାରର ବରିଷ୍ଠ ଅଧିକାରୀମାନେ ଓ SAIL ପ୍ରତିନିଧିମାନେ ଯୋଗଦେଇଥିଲେ। ଜମି ସମସ୍ୟା ଓ ଅନ୍ୟାନ୍ୟ ବାଧାକୁ ଶୀଘ୍ର ସମାଧାନ କରିବା ଉପରେ ଭିଷେଷ ଗୁରୁତ୍ୱ ଦିଆଯାଇଥିଲା।
ବର୍ତ୍ତମାନ ପ୍ରାୟ ୧୪୦ ଏକର ଜମିରେ ବିସ୍ତାରିତ ଏହି ବିମାନବନ୍ଦର Code 2C ମାନକରେ ଚାଲୁଛି, ଯାହାରେ ATR-72 ପରି ଛୋଟ ବିମାନ ଚଳାଚଳ କରିପାରେ। Code 4C ମାନକରେ ଉନ୍ନତ ହେଲେ ବଡ଼ ବିମାନ ଚଳାଚଳ ସମ୍ଭବ ହେବ।
ଏହି ବିସ୍ତାର ପାଇଁ ଅତିରିକ୍ତ ୨୭୮ ଏକର RSP ଜମି ଓ ୪୪ ଏକର ବ୍ୟକ୍ତିଗତ ଜମି ଆବଶ୍ୟକ ହେବ। ପ୍ରସ୍ତାବିତ ନୂତନ ଆକୃତି କ୍ରିକେଟ ବ୍ୟାଟ ଆକାରର ହେବ, ଯାହା ଛେଣ୍ଡ କଲୋନୀ ଠାରୁ ସେକ୍ଟର-୧୭ ପର୍ଯ୍ୟନ୍ତ ବିସ୍ତାରିତ ହେବ।
ଏହି ପ୍ରକଳ୍ପ ପାଇଁ ପ୍ରାୟ ୧୫୦୦ଟି ଘର ଓ ଅନ୍ୟାନ୍ୟ ସଂରଚନା ଭଙ୍ଗାଯିବା ସମ୍ଭାବନା ରହିଛି। ଏଥିରେ ଦିଲ୍ଲୀ ପବ୍ଲିକ ସ୍କୁଲ, ସେକ୍ଟର-୧୫ ପୋଲିସ ଥାନା ଓ ଚାରିଟି ଧାର୍ମିକ ସ୍ଥଳ ମଧ୍ୟ ଅନ୍ତର୍ଭୁକ୍ତ। ପ୍ରାୟ ୨୫,୦୦୦ ଗଛ କାଟାଯିବା ଆଶଙ୍କା ରହିଛି।
ସୁନ୍ଦରଗଡ଼ ଜିଲ୍ଲାପାଳ ଶୁଭଙ୍କର ମହାପାତ୍ର କହିଛନ୍ତି ଯେ ବିମାନବନ୍ଦରର ମୂଲ୍ୟାୟନ ସମ୍ପୂର୍ଣ୍ଣ ହୋଇଛି ଓ AAI କୁ ହସ୍ତାନ୍ତର ପରେ ପରବର୍ତ୍ତୀ ପଦକ୍ଷେପ ନିଆଯିବ।
ଚଳିତ ବର୍ଷ ଆରମ୍ଭରେ ରେକର୍ଡ ସ୍ତରକୁ ପହଞ୍ଚିଥିବା ସୁନା ଦର...
ବଲିଉଡ୍‌ର ସବୁଠୁ ଲୋକପ୍ରିୟ କମେଡି ଫ୍ରାଞ୍ଚାଇଜ୍ &ls...
କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀଜଗତ ପ୍ରକା...
ଦକ୍ଷିଣ ଭାରତୀୟ ସିନେମାର ଲୋକପ୍ରିୟ ସଙ୍ଗୀତ ନିର୍ଦ୍ଦେଶକ ଅ...
ବଲିଉଡ୍ ଓ ଟେଲିଭିଜନ ଜଗତରେ ପ୍ରେମ, ବିବାହ ଓ ସମ୍ପର୍କକୁ ନ...
ଭାରତୀୟ କ୍ରିକେଟ ତାରକାହାର୍ଦ୍ଦିକ ପାଣ୍ଡ୍ୟାଏବଂ ମଡେଲ୍ମାହ...
ଦେଶରେ ପୁନର୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି। ପେ...
ଓଡ଼ିଶାର ଗଣପର୍ବ ରଜ ଆସିଲେ ଘରେ ଘରେ ଦୋଳି ଖେଳର ଉତ୍ସାହ ଦ...
