ରଥଯାତ୍ରା ଓ ବାହୁଡ଼ା ଯାତ୍ରାକୁ ସୁରକ୍ଷିତ, ସୁଚାରୁ ଏବଂ ଶୃଙ୍ଖଳିତ ଭାବେ ସମ୍ପନ୍ନ କରିବା ପାଇଁ ପ୍ରଶାସନ ପକ୍ଷରୁ ତିନୋଟି ରଥ ପାଇଁ ପୃଥକ ନିର୍ଦ୍ଦେଶକ ଦଳ ଏବଂ ବୈଷୟିକ ଦଳ ଗଠନ କରାଯାଇଛି।
ଏହି ବ୍ୟବସ୍ଥା ଅନୁଯାୟୀ,ତାଳଧ୍ୱଜ ରଥର ଦାୟିତ୍ୱ ଏସ୍ପି ପ୍ରତୀକ ସିଂହଙ୍କୁ ଦିଆଯାଇଥିବା ବେଳେନନ୍ଦିଘୋଷ ରଥର ଦାୟିତ୍ୱ ଜିଲ୍ଲାପାଳ ଦିବ୍ୟଜ୍ୟୋତି ପରିଡ଼ାଙ୍କୁ ଏବଂଦେବଦଳନ ରଥର ଦାୟିତ୍ୱ ଅତିରିକ୍ତ ଜିଲ୍ଲାପାଳ ଶରତ ଚନ୍ଦ୍ର ବେହେରାଙ୍କୁ ପ୍ରଦାନ କରାଯାଇଛି।
ତାଳଧ୍ୱଜ ରଥର ନିର୍ଦ୍ଦେଶକ ଦଳରେ ୧୧ ଜଣ ସଦସ୍ୟ ଏବଂ ବୈଷୟିକ ଦଳରେ ୪ ଜଣ ସଦସ୍ୟ ରହିଛନ୍ତି। ଦେବଦଳନ ରଥର ନିର୍ଦ୍ଦେଶକ ଦଳରେ ୧୨ ଜଣ ଓ ବୈଷୟିକ ଦଳରେ ୪ ଜଣ ସଦସ୍ୟ ରହିଥିବା ବେଳେ ନନ୍ଦିଘୋଷ ରଥର ନିର୍ଦ୍ଦେଶକ ଦଳରେ ୧୩ ଜଣ ଓ ବୈଷୟିକ ଦଳରେ ୪ ଜଣ ସଦସ୍ୟ ନିୟୋଜିତ ହୋଇଛନ୍ତି।
ଶ୍ରୀଗୁଣ୍ଡିଚା ଯାତ୍ରା ଓ ବାହୁଡ଼ା ସମୟରେ ରଥ ଟଣାବେଳେ ଏହି ଦଳଗୁଡ଼ିକ ଆବଶ୍ୟକ ନିର୍ଦ୍ଦେଶ ଦେବେ ଏବଂ ସମନ୍ୱୟ ରକ୍ଷା କରିବେ।
ପରମ୍ପରା ଅନୁଯାୟୀ, ତାଳଧ୍ୱଜ ଓ ଦେବଦଳନ ରଥରେ ସର୍ବାଧିକ ୨୫ ଜଣ ମହାରଣା ସେବକ, ୨ ଜଣ ରୂପକାର ସେବକ ଓ ୨୫ ଜଣ ଭୋଇ ସେବକ ନିୟୋଜିତ ରହିବେ। ନନ୍ଦିଘୋଷ ରଥରେ ସର୍ବାଧିକ ୨୭ ଜଣ ମହାରଣା ସେବକ, ୩ ଜଣ ରୂପକାର ସେବକ ଏବଂ ୨୬ ଜଣ ଭୋଇ ସେବକ ଉପସ୍ଥିତ ରହିବେ।
ଏହାସହ ପୁରୀ ଓ ଭଟ୍ଟାମୁଣ୍ଡାରୁ ଆସିଥିବା ଘଣ୍ଟୁଆ ସେବକମାନେ ପ୍ରତ୍ୟେକ ରଥରେ ନିର୍ଦ୍ଧାରିତ ସଂଖ୍ୟାରେ ରହି ଶୃଙ୍ଖଳିତ ଭାବେ ଘଣ୍ଟ ବାଦନ କରିବେ। ପ୍ରତ୍ୟେକ ରଥରେ ଦୁଇଜଣ ପତାକାଧାରୀ ନିୟୋଜିତ ରହି ରଥର ଗତି ନିୟନ୍ତ୍ରଣ ଏବଂ ଆବଶ୍ୟକ ନିର୍ଦ୍ଦେଶ ପ୍ରଦାନ କରିବେ।
ପ୍ରବଳ ବର୍ଷା ନୂଆପଡ଼ା ଜିଲ୍ଲାବାସୀଙ୍କ ପାଇଁ ଏକ ଅପ୍ରତ୍ୟା...
ଦିଲ୍ଲୀର ଜନ୍ତରମନ୍ତରରେ ଚାଲିଥିବା ପ୍ରତିବାଦ ଆନ୍ଦୋଳନ ମଧ୍...
କେରଳର ୱାୟାନାଡ ଜିଲ୍ଲାରେ ଟନେଲ୍ ନିର୍ମାଣ ପ୍ରକଳ୍ପ ସ୍ଥଳର...
ଅଯୋଧ୍ୟା ରାମ ମନ୍ଦିରରେ ସମ୍ପ୍ରତି ଘଟିଥିବା ଚୋରି ଘଟଣା ପର...
ମହାରାଷ୍ଟ୍ରର ପୁଣେ ଜିଲ୍ଲା ଅନ୍ତର୍ଗତ ପିମ୍ପ୍ରି-ଚିଞ୍ଚୱାଡ...
