ପବିତ୍ର ରଥଯାତ୍ରା ଅବସରରେ ଶ୍ରୀକ୍ଷେତ୍ର ପୁରୀ ପୁଣିଥରେ ଭକ୍ତି ଓ ଆଧ୍ୟାତ୍ମିକତାରେ ଉଛୁଳି ପଡ଼ିଛି। ଆଜି (ଶୁକ୍ରବାର) ସକାଳ ୯ଟା ୩୦ ମିନିଟରୁ ତିନି ରଥର ଟଣା ପୁଣି ଆରମ୍ଭ ହେବ। ରଥଯାତ୍ରାରେ ସାମିଲ ହେବା ପାଇଁ ଭୋରରୁ ହଜାର ହଜାର ଭକ୍ତ ପୁରୀରେ ପହଞ୍ଚିଛନ୍ତି।
ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ, ପ୍ରଥମେ ତିନି ରଥ ଉପରେ ଶ୍ରୀଜୀଉମାନଙ୍କର ସକାଳ ନୀତି ସମ୍ପନ୍ନ ହେବ। ଏହାପରେ ଭକ୍ତମାନେ ମହାପ୍ରଭୁ ଶ୍ରୀଜଗନ୍ନାଥଙ୍କ ନନ୍ଦିଘୋଷ, ବଳଭଦ୍ରଙ୍କ ତାଳଧ୍ୱଜ ଓ ମା' ସୁଭଦ୍ରାଙ୍କ ଦର୍ପଦଳନ ରଥକୁ ଟାଣି ଗୁଣ୍ଡିଚା ମନ୍ଦିର ଅଭିମୁଖେ ନେବେ।
ଗୁରୁବାର ରଥଟଣା ସମୟରେ ବଳଭଦ୍ରଙ୍କ ତାଳଧ୍ୱଜ ରଥ ଫାୟାର ଷ୍ଟେସନ ଛକ ନିକଟରେ ଅଟକି ରହିଥିଲା। ସେହିପରି ମା' ସୁଭଦ୍ରାଙ୍କ ଦର୍ପଦଳନ ରଥ ମରିଚିକୋଟ ଛକ ନିକଟରେ ଅଟକିଥିବାବେଳେ ମହାପ୍ରଭୁଙ୍କ ନନ୍ଦିଘୋଷ ରଥ ସିଂହଦ୍ୱାର ନିକଟରୁ ଅଳ୍ପ ଦୂର ଗଡ଼ିବା ପରେ ଅଟକି ଯାଇଥିଲା।
ଶ୍ରୀଜଗନ୍ନାଥ ମନ୍ଦିର ପ୍ରଶାସନର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀ କହିଛନ୍ତି ଯେ, ମହାପ୍ରଭୁଙ୍କ ପହଣ୍ଡି ନୀତି ଶୃଙ୍ଖଳିତ ଭାବେ ସମ୍ପନ୍ନ ହୋଇଛି। ନନ୍ଦିଘୋଷ ରଥ କାହିଁକି ଅଳ୍ପ ଦୂରତା ଗଡ଼ିବା ପରେ ଅଟକିଲା ତାହା ସ୍ପଷ୍ଟ ନୁହେଁ। ପୂର୍ବରୁ ମଧ୍ୟ ଏଭଳି ଘଟଣା ଘଟିଛି। ଆଜି ସକାଳ ୯ଟା ୩୦ରୁ ରଥଟଣା ପୁଣି ଆରମ୍ଭ ହେବ।
ସେ ଆହୁରି କହିଛନ୍ତି ଯେ, ତିନି ରଥ ଶରଧାବାଲିରେ ପହଞ୍ଚିବା ପରେ ଆସନ୍ତାକାଲି ପାରମ୍ପରିକ ନୀତି ଅନୁଯାୟୀ ଅଡ଼ପ ବିଜେ ଅନୁଷ୍ଠିତ ହେବ।
ରଥଟଣା ପୁଣି ଆରମ୍ଭ ହେବାକୁ ଥିବାରୁ ପୁରୀର ବଡ଼ଦାଣ୍ଡ ପୁଣିଥରେ ଭକ୍ତଙ୍କ ଅପାର ଭିଡ଼ରେ ଉଛୁଳି ପଡ଼ିଛି। ଶ୍ରୀଜୀଉଙ୍କ ଦର୍ଶନ ଏବଂ ରଥ ଟାଣିବା ପାଇଁ ଦେଶର ବିଭିନ୍ନ ପ୍ରାନ୍ତରୁ ଶ୍ରଦ୍ଧାଳୁମାନେ ପୁରୀରେ ପହଞ୍ଚୁଛନ୍ତି।
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ଆମେରିକାରେ ଚାକିରି କରିବା ସହିତ ନିଜ ପ୍ରତିଭାକୁ side bus...
ଭାରତୀୟ ଅର୍ଥନୀତି ପାଇଁ ଆସିଛି ଭଲ ଖବର।୨୦୨୬-୨୭ ଆର୍ଥିକ ବ...
ତାମିଲନାଡୁର ଶାସକ ମେଣ୍ଟ ଏବେ ନିଜର ଏକ ସ୍ୱତନ୍ତ୍ର ରାଜନୈତ...
ଆମେରିକା ଓ କାନାଡା ମଧ୍ୟରେ ଚାଲିଥିବାଟାରିଫ୍ ଯୁଦ୍ଧଏବେ ଏର...
ଘରୋଇ LPG ଗ୍ରାହକଙ୍କ ପାଇଁ ବଡ଼ ଆଶ୍ୱସ୍ତି।ଘରୋଇ LPG refi...
