ତିରୁପତି: ଆଗାମୀ ଫିଲ୍ମ ‘ରଣବାଲି’ର ରିଲିଜ୍ ପୂର୍ବରୁ ଅଭିନେତା ବିଜୟ ଦେବରକୋଣ୍ଡା ଓ ରଶ୍ମିକା ମନ୍ଦାନା ତିରୁପତିର ପ୍ରସିଦ୍ଧ ଶ୍ରୀ ଭେଙ୍କଟେଶ୍ୱର ମନ୍ଦିର ଦର୍ଶନ କରିଛନ୍ତି। ମଙ୍ଗଳବାର ଭୋର୍‌ରେ ମନ୍ଦିରରେ ପହଞ୍ଚି ଦୁହେଁ ଭଗବାନଙ୍କ ଆଶୀର୍ବାଦ ନେବା ସହ ପ୍ରାର୍ଥନା କରିଥିଲେ। ଏହି ସମୟରେ ସେମାନେ ପ୍ରଶଂସକଙ୍କୁ ଅଭିବାଦନ ଜଣାଇବା ସହ ସେମାନଙ୍କ ସହ କଥା ହୋଇଥିଲେ।

ମନ୍ଦିର ଦର୍ଶନ ସମୟରେ ରଶ୍ମିକା ହଳଦିଆ ରଙ୍ଗର ସିଲ୍କ ଶାଢ଼ି ସହ ଗାଢ଼ ଗୋଲାପୀ ରଙ୍ଗର ବ୍ଲାଉଜ୍ ପିନ୍ଧିଥିଲେ। ସେ କେଶକୁ ଖୋସା କରିଥିଲେ। ଅନ୍ୟପଟେ ବିଜୟ ଦେବରକୋଣ୍ଡା ସିଲ୍କ ସାର୍ଟ ଓ ଧୋତି ପିନ୍ଧିଥିବା ବେଳେ ‘ରଣବାଲି’ ଫିଲ୍ମରେ ତାଙ୍କ ଲୁକ୍‌ରେ ନଜର ଆସିଥିଲେ।

ସାମ୍ନାକୁ ଆସିଥିବା ଆଉ ଏକ ଭିଡିଓରେ ବିଜୟ ଦେବରକୋଣ୍ଡା ରଶ୍ମିକାଙ୍କୁ ସୁରକ୍ଷା ଦେଇ ବଗି ପର୍ଯ୍ୟନ୍ତ ନେଇଯାଉଥିବା ଦେଖାଯାଇଛି। ପ୍ରଶଂସକମାନେ ଫଟୋ ଉଠାଇବାକୁ ଅନୁରୋଧ କରିବାରୁ ରଶ୍ମିକା ମନ୍ଦିର ପରିସର ବାହାରେ ସେମାନଙ୍କ ସହ ଫଟୋ ଉଠାଇବେ ବୋଲି ଇସାରା କରିଥିଲେ।

ଚେନ୍ନାଇରେ ମୁଖ୍ୟମନ୍ତ୍ରୀ ବିଜୟଙ୍କୁ ଭେଟିଥିଲେ

ତିରୁପତି ଯିବା ପୂର୍ବରୁ ସୋମବାର ସନ୍ଧ୍ୟାରେ ବିଜୟ ଦେବରକୋଣ୍ଡା ଓ ରଶ୍ମିକା ଚେନ୍ନାଇରେ ପହଞ୍ଚି ତାମିଲନାଡୁର ମୁଖ୍ୟମନ୍ତ୍ରୀ ତଥା ଅଭିନେତା ବିଜୟଙ୍କୁ ସାକ୍ଷାତ କରିଥିଲେ। ସାକ୍ଷାତ ପରେ ଦେବରକୋଣ୍ଡା ନିଜ ଅନୁଭୂତି ସେୟାର କରି ବିଜୟଙ୍କ ସ୍ନେହପୂର୍ଣ୍ଣ ବ୍ୟବହାରକୁ ପ୍ରଶଂସା କରିଥିଲେ।

ଅକ୍ଟୋବର ୧୬ରେ ରିଲିଜ୍ ହେବ ‘ରଣବାଲି’

ନିର୍ଦ୍ଦେଶକ ରାହୁଲ ସାଙ୍କୃତ୍ୟାୟନଙ୍କ ନିର୍ଦ୍ଦେଶନାରେ ନିର୍ମିତ ‘ରଣବାଲି’ ଏକ ପିରିୟଡ୍ ଡ୍ରାମା। ୧୮୭୬ରୁ ୧୮୭୮ ମଧ୍ୟରେ ହୋଇଥିବା ମହା ମାଡ୍ରାସ ଦୁର୍ଭିକ୍ଷର ପୃଷ୍ଠଭୂମିକୁ ନେଇ ଏହି ଫିଲ୍ମ ନିର୍ମାଣ କରାଯାଇଛି। ଏହି ଫିଲ୍ମରେ ବିଜୟ ଦେବରକୋଣ୍ଡା ଓ ରଶ୍ମିକା ମନ୍ଦାନାଙ୍କ ଯୋଡ଼ି ପୁଣିଥରେ ପରଦାରେ ନଜର ଆସିବେ। ଫିଲ୍ମଟି ଅକ୍ଟୋବର ୧୬, ୨୦୨୬ରେ ସିନେମା ହଲ୍‌ରେ ମୁକ୍ତିଲାଭ କରିବାକୁ ଯୋଜନା ରହିଛି।