ପଶ୍ଚିମ ଓଡ଼ିଶାର ଯାତାୟାତ ଓ ଆଞ୍ଚଳିକ ବିକାଶକୁ ନୂଆ ଗତି ଦେବା ଲକ୍ଷ୍ୟରେ ବରଗଡ଼, ସମ୍ବଲପୁର ଏବଂ ଝାରସୁଗୁଡ଼ାସ୍ଥିତ ଭୀର ସୁରେନ୍ଦ୍ର ସାଇ (ଭିଏସଏସ୍) ବିମାନବନ୍ଦରକୁ ସଂଯୋଗ କରିବା ପାଇଁ ଏକ ଏଲିଭେଟେଡ୍ରାପିଡ୍ ଟ୍ରାନ୍ସପୋର୍ଟ କରିଡରପ୍ରସ୍ତାବ ବର୍ତ୍ତମାନ ସରକାରଙ୍କ ବିଚାରାଧୀନ ରହିଛି।
ଏହି ପ୍ରସ୍ତାବକୁ ପୂର୍ବତନ ସମ୍ବଲପୁର ସାଂସଦ ଭବାନୀ ଶଙ୍କର ହୋତା ପ୍ରଧାନମନ୍ତ୍ରୀ କାର୍ଯ୍ୟାଳୟ (PMO)କୁ ପଠାଇଥିଲେ। ପରେ PMO ପକ୍ଷରୁ ଏହାକୁ ଓଡ଼ିଶା ସରକାରଙ୍କୁ ପଠାଯିବା ପରେ ଗୃହ ଓ ନଗର ଉନ୍ନୟନ ବିଭାଗ ଏହାର ବୈଷୟିକ ସମୀକ୍ଷା ପାଇଁCRUTଏବଂBhubaneswar Metro Rail Corporation Limited (BMRCL)କୁ ପଠାଇଛି।
ପ୍ରସ୍ତାବ ଅନୁସାରେ ଏହି ରାପିଡ୍ କରିଡର ବରଗଡ଼, ଗୋଶାଳା, ସମ୍ବଲପୁର ବିଶ୍ୱବିଦ୍ୟାଳୟର ଜ୍ୟୋତି ବିହାର, ଭୀମସାର (VIMSAR), ଭିଏସଏସ୍ୟୁଟି (VSSUT), ସମ୍ବଲପୁର ସହର, ଜମାଦାରପାଲି ଏୟାରଷ୍ଟ୍ରିପ୍, ରେଙ୍ଗାଲି ଓ ଭୀର ସୁରେନ୍ଦ୍ର ସାଇ ବିମାନବନ୍ଦରକୁ ସଂଯୋଗ କରିବ।
ଏହି ପ୍ରକଳ୍ପ କାର୍ଯ୍ୟକାରୀ ହେଲେ ଯାତ୍ରା ସମୟ ହ୍ରାସ ପାଇବା ସହ ଶିକ୍ଷା, ସ୍ୱାସ୍ଥ୍ୟ, ଶିଳ୍ପ ଓ ପରିବହନ କ୍ଷେତ୍ରରେ ଉନ୍ନତ ସଂଯୋଗ ସୁବିଧା ମିଳିବ। ବିଶେଷକରିIIM Sambalpur,Odisha State Open University,OUAT College of Agriculture,VIMSAR,VSSUTଏବଂ CRPF ଗ୍ରୁପ୍ ସେଣ୍ଟର ଭଳି ପ୍ରମୁଖ ଅନୁଷ୍ଠାନଗୁଡ଼ିକ ଏଥିରୁ ଉପକୃତ ହେବେ।
ପୂର୍ବତନ ସାଂସଦ ଭବାନୀ ଶଙ୍କର ହୋତା କହିଛନ୍ତି ଯେ, ପଶ୍ଚିମ ଓଡ଼ିଶାରେ ଦ୍ରୁତ ଶିଳ୍ପାୟନ ଓ ଭିତ୍ତିଭୂମି ବିକାଶକୁ ଦୃଷ୍ଟିରେ ରଖି ଏହି ପ୍ରକଳ୍ପ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏହା ଜରୁରୀକାଳୀନ ସମୟରେ ବିଶେଷଜ୍ଞ ଡାକ୍ତରଙ୍କୁ ଶୀଘ୍ର VIMSAR ପହଞ୍ଚିବାରେ ସହାୟକ ହେବା ସହ ଉଚ୍ଚଶିକ୍ଷା, ଗବେଷଣା ଓ ସ୍ୱାସ୍ଥ୍ୟସେବାକୁ ମଧ୍ୟ ସୁଦୃଢ଼ କରିବ।
ବର୍ତ୍ତମାନ ପ୍ରକଳ୍ପଟିର ବୈଷୟିକ ଯାଞ୍ଚ ଚାଲିଥିବା ବେଳେ, ସରକାରଙ୍କ ଚୂଡ଼ାନ୍ତ ଅନୁମୋଦନ ପରେ ପରବର୍ତ୍ତୀ ପଦକ୍ଷେପ ନିଆଯିବ।
ନାବାଳିକା ଦୁଷ୍କର୍ମ ମାମଲାରେ ଆଜୀବନ କାରାଦଣ୍ଡ ଭୋଗୁଥିବା...
CBSEର ଡିଜିଟାଲ୍ ଉତ୍ତରଖାତା ମୂଲ୍ୟାୟନ ଟେଣ୍ଡରକୁ ନେଇ ଚର୍...
ସୁନ୍ଦରଗଡ଼ ଜିଲ୍ଲାରେ ଘଟିଛି ଏକ ଲୋମହର୍ଷଣକାରୀ ହତ୍ୟାକାଣ୍...
ଉଚ୍ଚ ମାଧ୍ୟମିକ ଶିକ୍ଷା ପରିଷଦ (CHSE), ଓଡ଼ିଶା ପକ୍ଷରୁ ପ...
କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (CBSE) ସୋମବାର ସ୍ପଷ...
ଆଇପିଏଲ୍ (IPL) ଅଲରାଉଣ୍ଡରଶଶାଙ୍କ ସିଂହଓ ତାଙ୍କ ବାପା ତଥା...
ଅଯୋଧ୍ୟା ଶ୍ରୀରାମ ଜନ୍ମଭୂମି ମନ୍ଦିରର ଦାନ ପାଣ୍ଠି ହେରଫେର...
ରାମ ମନ୍ଦିର ଦାନ ଅର୍ଥକୁ ନେଇ ଉଠିଥିବା ବିବାଦ ଦିନକୁ ଦିନ...
ପୁଣେର ଚର୍ଚ୍ଚିତ ବ୍ୟବସାୟୀ କେତନ ଅଗ୍ରୱାଲ ହତ୍ୟା ମାମଲା ଏ...
ଦେଶରେ ଚଳିତ ବର୍ଷ ମୌସୁମୀ ବର୍ଷାର ଆରମ୍ଭ ଅତ୍ୟନ୍ତ ଦୁର୍ବଳ...
ରାଜ୍ୟର ସ୍କୁଲ ପାଠ୍ୟପୁସ୍ତକରେ ହୋଇଥିବା ତ୍ରୁଟିକୁ ନେଇ ଓଡ...
ମଧ୍ୟପ୍ରଦେଶର ଅଶୋକନଗର ଜିଲ୍ଲାରେ ଏକ ଚାଞ୍ଚଲ୍ୟକର ଘଟଣା ସା...
