ରେଳ ଇଞ୍ଜିନିୟରମାନଙ୍କ କ୍ୟାରିୟର ସ୍ଥବିରତା ଓ ବେତନ ବୈଷମ୍ୟକୁ ନେଇ ଭୁବନେଶ୍ୱରରେ ୮ମ କେନ୍ଦ୍ରୀୟ ବେତନ କମିଶନ (CPC) ସମ୍ମୁଖରେ ଗୁରୁତ୍ୱପୂର୍ଣ୍ଣ ଦାବି ଉପସ୍ଥାପନ କରିଛିଅଲ୍ ଇଣ୍ଡିଆ ରେଳୱେ ଇଞ୍ଜିନିୟର୍ସ ଫେଡେରେସନ୍ (AIREF)ଏବଂଇଷ୍ଟ କୋଷ୍ଟ ରେଳୱେ ଇଞ୍ଜିନିୟର୍ସ ଆସୋସିଏସନ୍ (ECoREA)।
ପ୍ରତିନିଧି ଦଳରେ AIREFର ପରାମର୍ଶଦାତା ବବିନ୍ ମହାନ୍ତି ଏବଂ ECoREAର ସଭାପତି ଆଇ.ଏ. ଖାନ୍ ଉପସ୍ଥିତ ଥିଲେ।
ଆଲୋଚନା ସମୟରେ AIREFର ସଂଗଠନ ସାଧାରଣ ସମ୍ପାଦକ ଶିବକାନ୍ତ ସିଂହ କହିଥିଲେ ଯେ, ରେଳ ଇଞ୍ଜିନିୟରମାନେ ଦୀର୍ଘ ଦିନ ଧରି ପଦୋନ୍ନତିରେ ସ୍ଥବିରତାର ସମ୍ମୁଖୀନ ହେଉଛନ୍ତି।
ଫେଡେରେସନ୍ ପକ୍ଷରୁ ରେଳବାଇରେGroup-B ପଦବୀର ସଂଖ୍ୟା ବୃଦ୍ଧିକରି ଦେଶର ହାର ୭.୫ ପ୍ରତିଶତରେ ପହଞ୍ଚାଇବାକୁ ଦାବି କରାଯାଇଛି। ବର୍ତ୍ତମାନ ରେଳବାଇରେ ଏହା କେବଳ୦.୨୯ ପ୍ରତିଶତଥିବାରୁ ଇଞ୍ଜିନିୟରମାନଙ୍କ ପଦୋନ୍ନତି ସୁଯୋଗ ସୀମିତ ହେଉଥିବା ଅଭିଯୋଗ କରାଯାଇଛି।
ଏହା ସହ ଅନ୍ୟ କେନ୍ଦ୍ରୀୟ ମନ୍ତ୍ରଣାଳୟଗୁଡ଼ିକ ଭଳି ରେଳ ଇଞ୍ଜିନିୟରମାନଙ୍କୁ ମଧ୍ୟGroup-B ମାନ୍ୟତାପ୍ରଦାନ କରିବାକୁ ଫେଡେରେସନ୍ ଦାବି କରିଛି।
AIREFର ସାଧାରଣ ସମ୍ପାଦକ ବି.ପି. ଦାସ ୮ମ ବେତନ କମିଶନର ସଦସ୍ୟ ସଚିବ ପଙ୍କଜ ଜୈନଙ୍କ ନେତୃତ୍ୱାଧୀନ ପ୍ୟାନେଲ୍ ସମ୍ମୁଖରେ ବେତନ ବୈଷମ୍ୟ ସମ୍ପର୍କିତ ମୁଖ୍ୟ ପ୍ରସଙ୍ଗ ଉଠାଇଥିଲେ।
ତାଙ୍କ ଅଭିଯୋଗ ଅନୁସାରେ,୬ଷ୍ଠ ବେତନ କମିଶନପରଠାରୁ ରେଳ ଇଞ୍ଜିନିୟରମାନଙ୍କ ବେତନ ସଂରଚନାରେ ଅବନତି ଘଟିଛି। ସୁରକ୍ଷାବିହୀନ ଓ ଅଣ-ବୈଷୟିକ ବିଭାଗର କର୍ମଚାରୀମାନଙ୍କୁ ଅଧିକ ବେତନ ସୁବିଧା ଦିଆଯାଉଥିବାବେଳେ ରେଳ ବ୍ୟବସ୍ଥାର ମୂଳ ଭିତ୍ତି ଭାବେ କାମ କରୁଥିବା ଇଞ୍ଜିନିୟରମାନେ ବଞ୍ଚିତ ହେଉଥିବା ସେ କହିଛନ୍ତି।
ଫେଡେରେସନ୍ ଦାବି କରିଛି ଯେ, ରେଳ ଇଞ୍ଜିନିୟରମାନଙ୍କ ବେତନ ସଂରଚନାକୁ୫ମ ବେତନ କମିଶନସମୟର ସ୍ତରକୁ ପୁନଃସ୍ଥାପନ କରାଯାଉ, ଯାହା ଦ୍ୱାରା ଦୀର୍ଘ ଦିନର ବେତନ ବୈଷମ୍ୟ ଦୂର ହୋଇପାରିବ।
ବଲିଉଡ୍ ସୁପରଷ୍ଟାର ଆମିର ଖାନ ସମ୍ପ୍ରତି ତାଙ୍କ ଦୀର୍ଘଦିନର...
ଦେଶରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ ସକ୍ରିୟ ରହିବା ସହ ପ୍...
ମୌସୁମୀର ପ୍ରଭାବରେ ଉତ୍ତର ଭାରତରେ ଲଗାତାର ବର୍ଷା ଜାରି ରହ...
ଭାରତୀୟ କ୍ରିକେଟର ଅନ୍ୟତମ ସଫଳ ଅଧିନାୟକ ସୌରଭ ଗାଙ୍ଗୁଲିଙ୍...
ଭାରତୀୟ ସିନେମାର ବହୁ ପ୍ରତୀକ୍ଷିତ ପୌରାଣିକ ଚଳଚ୍ଚିତ୍ର **...
ଜୟପୁରରେ ଆୟୋଜିତ ନ୍ୟାସନାଲ୍ ୟୁଥ୍ ପାର୍ଲାମେଣ୍ଟ-୨୦୨୬ରେ ଜ...
ଓଡ଼ିଶାରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ ସକ୍ରିୟ ରହିଥିବାର...
ଓଡ଼ିଶାର ସମ୍ବଲପୁରସ୍ଥିତହୀରାକୁଦ ବନ୍ଧର ୪ଟି ସ୍ଲୁଇସ୍ ଗେଟ...
