ଭୋର ପ୍ରାୟ୪ଟାରେ ଖୋଲିବ। ଏହାପରେ ମଙ୍ଗଳ ଆଳତି, ଅବକାଶ ନୀତି ଏବଂ ରାଧାଦାମୋଦର ବେଶ ଅନୁଷ୍ଠିତ ହେବ। ତେବେ ନିର୍ଘଣ୍ଟରେ ଥିବା ସମୟ ଦିନର ନୀତି ଅନୁସାରେ କିଛିଟା ଆଗପଛ ହୋଇପାରେ ବୋଲି ମନ୍ଦିର ପ୍ରଶାସନ ପକ୍ଷରୁ ସ୍ପଷ୍ଟ କରାଯାଇଛି।

ନଭେମ୍ବର ୨୪ ପର୍ଯ୍ୟନ୍ତ ଚାଲିବ କାର୍ତ୍ତିକ ନୀତି

ଚଳିତ ବର୍ଷ ଶ୍ରୀମନ୍ଦିରରେ କାର୍ତ୍ତିକ ନୀତିଅକ୍ଟୋବର ୨୨ରୁ ନଭେମ୍ବର ୨୪ପର୍ଯ୍ୟନ୍ତ ଚାଲିବ। ଏହି ସମୟରେ ହଜାର ହଜାର ଭକ୍ତ ପୁରୀ ଆସି କାର୍ତ୍ତିକ ବ୍ରତ, ମହାପ୍ରଭୁଙ୍କ ଦର୍ଶନ ଓ ବିଭିନ୍ନ ବିଶେଷ ନୀତିରେ ସାମିଲ ହେବେ।

ଏଥର ପଞ୍ଚୁକ ଚାରି ଦିନ, ହେବନି ବାଙ୍କଚୂଡ଼ା ବେଶ

ଚଳିତ ବର୍ଷ ତିଥି କ୍ଷୟ କାରଣରୁ ପଞ୍ଚୁକ ପାଞ୍ଚ ଦିନ ବଦଳରେଚାରି ଦିନପାଳନ ହେବ। ସେହିପରି ଦ୍ୱାଦଶୀ ତିଥି କ୍ଷୟ ଥିବାରୁ ଏଥର ଶ୍ରୀଜଗନ୍ନାଥଙ୍କବାଙ୍କଚୂଡ଼ା ବେଶ ହେବ ନାହିଁବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଛି।

ଅନ୍ୟପକ୍ଷରେ ନଭେମ୍ବର ୧୬ରେ ମହାପ୍ରଭୁଙ୍କ ପ୍ରସିଦ୍ଧହରିହର ବେଶଅନୁଷ୍ଠିତ ହେବାକୁ ଥିବା ବେଳେ ନଭେମ୍ବର ୨୪ରେ କାର୍ତ୍ତିକ ପୂର୍ଣ୍ଣିମା ସହ କାର୍ତ୍ତିକ ନୀତିର ସମାପ୍ତି ହେବ।

କାର୍ତ୍ତିକ ମାସର ଏହି ବିଶେଷ ନୀତି ଓ ବେଶ ଦର୍ଶନ ପାଇଁ ପୁରୀରେ ଭକ୍ତଙ୍କ ଭିଡ଼ ବଢ଼ିବା ଆଶା କରାଯାଉଛି। ମହାପ୍ରଭୁଙ୍କ ରାଧାଦାମୋଦର ବେଶ ଦର୍ଶନ ସହ କାର୍ତ୍ତିକ ବ୍ରତ ପାଳନ ପାଇଁ ଶ୍ରୀକ୍ଷେତ୍ରରେ ଏବେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି। 🙏