ପବିତ୍ର ଶ୍ରୀକ୍ଷେତ୍ର ପୁରୀରେ ଆଜି ବିଶ୍ୱପ୍ରସିଦ୍ଧ ଘୋଷଯାତ୍ରା ଭକ୍ତିମୟ ପରିବେଶରେ ଆରମ୍ଭ ହୋଇଛି।'ଜୟ ଜଗନ୍ନାଥ'ଧ୍ୱନିରେ ପ୍ରକମ୍ପିତ ବଡ଼ଦାଣ୍ଡରେ ପ୍ରଥମେ ବଡ଼ଠାକୁର ବଳଭଦ୍ରଙ୍କତାଳଧ୍ୱଜ ରଥଗଡ଼ିବା ସହ ରଥଟଣା ଆରମ୍ଭ ହୋଇଥିଲା। ଏହାପରେ ଦେବୀ ସୁଭଦ୍ରାଙ୍କଦର୍ପଦଳନଓ ମହାପ୍ରଭୁ ଶ୍ରୀଜଗନ୍ନାଥଙ୍କନନ୍ଦିଘୋଷ ରଥଗୁଣ୍ଡିଚା ମନ୍ଦିର ଅଭିମୁଖେ ଯାତ୍ରା ଆରମ୍ଭ କରିଛି।
ରଥଟଣା ପୂର୍ବରୁ ମହାପ୍ରଭୁଙ୍କ ପାରମ୍ପରିକପହଣ୍ଡି ବିଜେନୀତି ସମ୍ପନ୍ନ ହୋଇଥିଲା। ପରେ ଗଜପତି ମହାରାଜା ଦିବ୍ୟସିଂହ ଦେବ ରାଜକୀୟ ବେଶରେ ରୂପା ତାମଜାନରେ ଆସି ତିନି ରଥ ଉପରେ ପବିତ୍ରଛେରାପହଁରାନୀତି ପାଳନ କରିଥିଲେ।
ମହାପ୍ରଭୁଙ୍କ ପ୍ରଥମ ସେବକ ଭାବେ ଗଜପତି ମହାରାଜ ସୁବର୍ଣ୍ଣ ଖଡିକାରେ ରଥ ସଫେଇ କରି ସମତା ଓ ସେବାର ବାର୍ତ୍ତା ପ୍ରଦାନ କରିଥିଲେ। ଏହି ନୀତି ରାଜା ଓ ସାଧାରଣ ପ୍ରଜା ସମସ୍ତେ ମହାପ୍ରଭୁଙ୍କ ସମ୍ମୁଖରେ ସମାନ ବୋଲି ପ୍ରତୀକାତ୍ମକ ଭାବେ ପ୍ରକାଶ କରିଥାଏ।
ଛେରାପହଁରା ପରେ ତିନି ରଥରେ କାଠର ଘୋଡ଼ା ସଂଯୋଗ କରାଯାଇଥିଲା ଏବଂଚାରମାଳାହଟାଇବା ପରେ ରଥଟଣା ଆରମ୍ଭ ହୋଇଥିଲା।
ଏହା ପୂର୍ବରୁ ପୁରୀ ଗୋବର୍ଦ୍ଧନ ପୀଠର ଶଙ୍କରାଚାର୍ଯ୍ୟ ସ୍ୱାମୀ ନିଶ୍ଚଳାନନ୍ଦ ସରସ୍ୱତୀ ତିନି ଠାକୁରଙ୍କ ରଥାରୂଢ଼ ଦର୍ଶନ କରି ପ୍ରଣାମ ଜଣାଇଥିଲେ।
ପରମ୍ପରା ଅନୁଯାୟୀ, ଶ୍ରୀମନ୍ଦିର ଗର୍ଭଗୃହରୁ ଶ୍ରୀଜଗନ୍ନାଥ, ବଡ଼ଠାକୁର ବଳଭଦ୍ର, ଦେବୀ ସୁଭଦ୍ରା ଓ ସୁଦର୍ଶନଙ୍କୁଧାଡ଼ି ପହଣ୍ଡିମାଧ୍ୟମରେ ରଥକୁ ଅଣାଯାଇଥିଲା। ଏହି ଧାଡ଼ି ପହଣ୍ଡି କେବଳ ଶ୍ରୀଗୁଣ୍ଡିଚା ଯାତ୍ରା ଦିନରେ ଅନୁଷ୍ଠିତ ହୁଏ। ବାହୁଡ଼ା ଯାତ୍ରାରେଗୋଟି ପହଣ୍ଡିପରମ୍ପରା ପାଳନ କରାଯାଏ।
ଲକ୍ଷ ଲକ୍ଷ ଭକ୍ତଙ୍କ ଉପସ୍ଥିତିରେ ଆରମ୍ଭ ହୋଇଥିବା ଏହି ମହାଯାତ୍ରା ପାଇଁ ସମଗ୍ର ଶ୍ରୀକ୍ଷେତ୍ର ଭକ୍ତି ଓ ଉତ୍ସାହରେ ଉଛୁଳି ପଡ଼ିଛି।
ଓଡ଼ିଶାରେ ଲଗାଣ ବର୍ଷା ଓ ବଙ୍ଗୋପସାଗରରେ ସୃଷ୍ଟି ହୋଇଥିବା...
ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସକ୍ରିୟ ହୋଇଥିବାରୁ ଓଡ...
ମେଷ : ଏହି ସପ୍ତାହରେ ଆପଣଙ୍କ ପରିଶ୍ରମର ଫଳ ମିଳିବା ଆର...
ଉତ୍ତର-ପଶ୍ଚିମ ବଙ୍ଗୋପସାଗର ଓ ସଂଲଗ୍ନ ଉତ୍ତର ଓଡ଼ିଶା-ପଶ୍ଚ...
ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଶନିବାର ଆଦିତ୍ୟ ବିର୍ଲା ଗ୍...
ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ବାଣିଜ୍ୟିକ ସମ୍ପର୍କକୁ ଆହୁର...
ଦେଶର ସାଧାରଣ ଉପଭୋକ୍ତାଙ୍କ ପାଇଁ ମହଙ୍ଗା ମାଡ଼ ଆହୁରି ବଢ଼...
ପରିଷ୍କାର ଏବଂ ନବୀକରଣଯୋଗ୍ୟ ଶକ୍ତି କ୍ଷେତ୍ରରେ ନିଜର ଉପସ୍...
ଲଘୁଚାପ ପ୍ରଭାବରେ ଲାଗିରହିଥିବା ବର୍ଷା ପୁରୀ ସହରର ଜନଜୀ...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମ...
