ଶ୍ରୀଜଗନ୍ନାଥ ମନ୍ଦିରରେ ଭିତର ଚନ୍ଦନ ଯାତ୍ରା ଚାଲିଥିବା ବେଳେ ପୁଣିଥରେ ମହାପ୍ରଭୁଙ୍କ ପହୁଡ଼ ନୀତି ବିଳମ୍ବିତ ହୋଇଥିବା ନେଇ ଭକ୍ତମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ଗତ ରାତିରେ ମହାପ୍ରଭୁଙ୍କ ପହୁଡ଼ ନୀତି ସମ୍ପନ୍ନ ହୋଇନଥିବା ବେଳେ ସାରା ରାତି ଅନିଦ୍ରା ରହିଥିବା ସୂଚନା ମିଳିଛି।
ସୂଚନା ଅନୁସାରେ, ଗତକାଲି ମଳମାସ ଏକାଦଶୀ ଅବସରରେ ମହାପ୍ରଭୁଙ୍କ ଜଳକ୍ରୀଡା ନୀତି ଅନୁଷ୍ଠିତ ହୋଇଥିଲା। ଅନ୍ୟାନ୍ୟ ନୀତି ସମାପ୍ତ ହେବା ପରେ ବଡ଼ସିଂହାର ବେଶ ହେବା ବେଳକୁ ଭୋର ୪ଟା ୫୫ ମିନିଟ ହୋଇଯାଇଥିଲା। ଏହା ପରେ ମଧ୍ୟ ପହୁଡ଼ ନୀତି ସମ୍ପନ୍ନ ହୋଇପାରିନଥିଲା।
ଭିତର ଚନ୍ଦନ ଯାତ୍ରା ସମୟରେ ପ୍ରତିଦିନ ପହୁଡ଼ ନୀତି ବିଳମ୍ବରେ ହେଉଥିବା ଦେଖାଯାଉଛି। ଅନେକ ସମୟରେ ଭୋର ୩ଟାରୁ ୪ଟା ମଧ୍ୟରେ ପହୁଡ଼ ନୀତି ସମ୍ପନ୍ନ ହେଉଥିବା ବେଳେ, ଗତ ଦୁଇ ସପ୍ତାହ ମଧ୍ୟରେ ତିନିଥର ମହାପ୍ରଭୁଙ୍କ ପହୁଡ଼ ନୀତି ହୋଇନଥିବା ଜଣାପଡ଼ିଛି।
ଗତ ସାବିତ୍ରୀ ଅମାବାସ୍ୟା ଅର୍ଥାତ୍ ମେ’ ୧୬ ତାରିଖରେ ମଧ୍ୟ ମହାପ୍ରଭୁ ସାରା ରାତି ଅନିଦ୍ରା ରହିଥିଲେ। ପରେ ବନକଲାଗି ନୀତି ଦିନରେ ମଧ୍ୟ ସମାନ ପରିସ୍ଥିତି ସୃଷ୍ଟି ହୋଇଥିଲା। ପୁଣି ଗତ ରାତିରେ ପହୁଡ଼ ନୀତି ନ ହେବାରୁ ସେବାୟତ ଓ ଭକ୍ତମାନଙ୍କ ମଧ୍ୟରେ ଚିନ୍ତା ଓ ଅସନ୍ତୋଷ ବଢ଼ିଛି।
ନୀତି ବିଳମ୍ବ ନେଇ ମନ୍ଦିର ପ୍ରଶାସନ ଓ ସେବାୟତଙ୍କ ମଧ୍ୟରେ ସମନ୍ୱୟ ଆବଶ୍ୟକ ବୋଲି ଭକ୍ତମାନେ ମତ ପ୍ରକାଶ କରୁଛନ୍ତି। ଶ୍ରୀମନ୍ଦିରର ପାରମ୍ପରିକ ନୀତିକାନ୍ତି ସମୟାନୁସାରେ ସମ୍ପନ୍ନ କରାଯାଉ ବୋଲି ଦାବି ଉଠିଛି।
କେରଳର ତିରୁବନନ୍ତପୁରମର କାର୍ଯ୍ୟଭଟ୍ଟମ ଅଞ୍ଚଳରେ ପୋଲିସ ଏକ...
ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ନିଜ ଜୀବନର ଏକ କଷ୍ଟଦାୟ...
ଇରାନ୍ ସହ ସମ୍ଭାବ୍ୟ ଶାନ୍ତି ଚୁକ୍ତିକୁ ନେଇ ଆମେରିକୀୟ ରାଷ...
Nitesh Tiwariଙ୍କ ମହାକାଙ୍କ୍ଷୀ ଚଳଚ୍ଚିତ୍ର ‘Rama...
ଭାରତୀୟ Mixed Martial Arts (MMA) ଜଗତରେ Matrix Fight...
ଭୁବନେଶ୍ୱର ବାଲିଅନ୍ତାରେ GRP କନେଷ୍ଟବଲ ସୌମ୍ୟରଞ୍ଜନ ସ୍ୱା...
ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଭାରତ-ରୁଷ ପ୍ରତିରକ୍ଷା...
ସୋସିଆଲ୍ ମିଡିଆ ମାଧ୍ୟମରେ ବଢ଼ୁଥିବା ସାଇବର ଠକେଇର ଆଉ ଏକ...
ୟଶଙ୍କ ଅପେକ୍ଷିତ ଚଳଚ୍ଚିତ୍ର ‘Toxic: A Fairytale...
ଭେନେଜୁଏଲାର କାର୍ଯ୍ୟବାହକ ରାଷ୍ଟ୍ରପତି ଡେଲସି ରୋଡ୍ରିଗେଜ୍...
ଇସ୍ଲାମ ଧର୍ମର ପାଞ୍ଚଟି ପ୍ରମୁଖ ସ୍ତମ୍ଭ ମଧ୍ୟରୁ ଗୋଟିଏ ପବ...
