ଓଡ଼ିଶା ଗସ୍ତରେ ଆସି ଖୋର୍ଦ୍ଧାରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ପ୍ରଧାନମନ୍ତ୍ରୀଙ୍କ ଗସ୍ତକୁ ନେଇ ଭୁବନେଶ୍ୱରରୁ ଖୋର୍ଦ୍ଧା ଏବଂ ଜଟଣୀ ପର୍ଯ୍ୟନ୍ତ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି। ଭୁବନେଶ୍ୱରରେ ପହଞ୍ଚିବା ପରେ ସେ ସ୍ୱତନ୍ତ୍ର ହେଲିକପ୍ଟର ଯୋଗେ ଜଟଣୀ ଅଭିମୁଖେ ଯାଇଛନ୍ତି।

ଜଟଣୀରେ ପହଞ୍ଚିବା ପରେ ପ୍ରଧାନମନ୍ତ୍ରୀଙ୍କୁ ବିଜେପି ପକ୍ଷରୁ ସ୍ୱାଗତ କରାଯାଉଛି। ମୁଖ୍ୟମନ୍ତ୍ରୀଙ୍କ ସମେତ ବିଧାୟକ ଓ ସାଂସଦମାନେ ମଧ୍ୟ ତାଙ୍କୁ ସ୍ୱାଗତ କରିବାକୁ ଉପସ୍ଥିତ ରହିଛନ୍ତି। ଏଥିସହ ଦଳୀୟ କର୍ମୀଙ୍କ ଭିଡ଼ ମଧ୍ୟ ଜଟଣୀରେ ଦେଖିବାକୁ ମିଳିଛି।

ପ୍ରଧାନମନ୍ତ୍ରୀ ଜଟଣୀରେ୧୭୦ କୋଟି ଟଙ୍କା ବ୍ୟୟରେ ୧୮ ଏକର ଜମିରେ ନିର୍ମିତ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (RBI) ଡାଟା ସେଣ୍ଟରର ଉଦଘାଟନ କରିବେ। ଏହି ଡାଟା ସେଣ୍ଟରକୁ ଆର୍ଥିକ ତଥ୍ୟ ଓ ଡିଜିଟାଲ୍ ଭିତ୍ତିଭୂମି ସହ ଜଡ଼ିତ ଏକ ଗୁରୁତ୍ୱପୂର୍ଣ୍ଣ କେନ୍ଦ୍ର ଭାବେ ଗଢ଼ାଯାଇଛି।

ଏଠାରେ ସାଇବର ସୁରକ୍ଷା ସମ୍ପର୍କିତ ପ୍ରଶିକ୍ଷଣ ଦିଆଯିବ ବୋଲି ଜଣାପଡ଼ିଛି। ଡିଜିଟାଲ୍ ଆର୍ଥିକ ବ୍ୟବସ୍ଥାରେ ସାଇବର ସୁରକ୍ଷାର ଗୁରୁତ୍ୱ ବଢ଼ୁଥିବା ସମୟରେ ଏହି କେନ୍ଦ୍ରର ଭୂମିକା ଗୁରୁତ୍ୱପୂର୍ଣ୍ଣ ହେବ।

ଅନ୍ୟପଟେ, ଜଟଣୀରେ RBI ଡାଟା ସେଣ୍ଟରକୁ ନେଇ ବିରୋଧ ମଧ୍ୟ ଦେଖାଦେଇଛି। କଂଗ୍ରେସ ନେତାଙ୍କ ସମେତ କିଛି ସ୍ଥାନୀୟ ଲୋକ ଏହି ପ୍ରକଳ୍ପକୁ ବିରୋଧ କରିଥିବା ସୂଚନା ମିଳିଛି।

ପ୍ରଧାନମନ୍ତ୍ରୀଙ୍କ ଗସ୍ତକୁ ନେଇ ଜଟଣୀ ଓ ଖୋର୍ଦ୍ଧା ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ ମଧ୍ୟ କଡ଼ାକଡ଼ି କରାଯାଇଛି। ଏହି ଗସ୍ତ ଅବସରରେ RBI ଡାଟା ସେଣ୍ଟରର ଉଦଘାଟନ ଓ ଏହାକୁ ନେଇ ରାଜନୈତିକ ବିରୋଧ ଉଭୟ ଚର୍ଚ୍ଚାରେ ରହିଛି।