ମୁମ୍ବାଇ: ଆଇପିଏଲ୍ ୨୦୨୭ ପାଇଁ ଏବେଠାରୁ ପ୍ରସ୍ତୁତି ଆରମ୍ଭ କରିଦେଇଛି ପଞ୍ଜାବ କିଙ୍ଗ୍ସ। ଦଳର କୋଚିଂ ଷ୍ଟାଫ୍ରେ ଏକ ବଡ଼ ପରିବର୍ତ୍ତନ ହୋଇଛି। ଭାରତୀୟ ଦଳର ପୂର୍ବତନ ବୋଲିଂ କୋଚ୍ ପାରସ ମାମ୍ବ୍ରେ ଏବେ ପଞ୍ଜାବ କିଙ୍ଗ୍ସର ବୋଲିଂ କୋଚ୍ ଦାୟିତ୍ୱ ସମ୍ଭାଳିବେ। ଏନେଇ ତାଙ୍କର ଚୁକ୍ତି ସ୍ୱାକ୍ଷର ହୋଇଥିବା ରିପୋର୍ଟ ଆସିଛି।
ପଞ୍ଜାବ କିଙ୍ଗ୍ସ ନିକଟରେ ନିଜର ପୂର୍ବତନ ବୋଲିଂ କୋଚ୍ ଜେମ୍ସ ହୋପ୍ସଙ୍କ ସହ ସମ୍ପର୍କ ଛିନ୍ନ କରିଥିଲା। ଫଳରେ ଏହି ପଦବୀ ଖାଲି ପଡ଼ିଥିଲା। ଏବେ ମାମ୍ବ୍ରେ ଏହି ଦାୟିତ୍ୱ ନେବାକୁ ଯାଉଛନ୍ତି।
ସେ ପଞ୍ଜାବ କିଙ୍ଗ୍ସର ମୁଖ୍ୟ କୋଚ୍ ରିକି ପଣ୍ଟିଂ ଓ ଅଧିନାୟକ ଶ୍ରେୟସ ଆୟରଙ୍କ ସହ ମିଶି ଦଳର ବୋଲିଂ ରଣନୀତି ପ୍ରସ୍ତୁତ କରିବେ। ମୁମ୍ବାଇ ଇଣ୍ଡିଆନ୍ସରୁ ପଞ୍ଜାବ କିଙ୍ଗ୍ସକୁ ଯୋଗଦେବାରେ ହାର୍ଦ୍ଦିକ ପାଣ୍ଡ୍ୟାଙ୍କ ପରେ ମାମ୍ବ୍ରେ ଦ୍ୱିତୀୟ ବ୍ୟକ୍ତି ହେବେ।
ପାରସ ମାମ୍ବ୍ରେ ରାହୁଲ ଦ୍ରାବିଡ୍ଙ୍କ ମୁଖ୍ୟ କୋଚ୍ କାର୍ଯ୍ୟକାଳରେ ୨୦୨୨ରୁ ୨୦୨୪ ପର୍ଯ୍ୟନ୍ତ ଭାରତୀୟ ଦଳର ବୋଲିଂ କୋଚ୍ ଥିଲେ। ତାଙ୍କ କାର୍ଯ୍ୟକାଳରେ ଭାରତ ୨୦୨୪ ଟି-୨୦ ବିଶ୍ୱକପ୍ ଚାମ୍ପିୟନ ହୋଇଥିଲା।
ଏହାସହ ୨୦୨୩ ଦିନିକିଆ ବିଶ୍ୱକପ୍ରେ ମଧ୍ୟ ଭାରତୀୟ ବୋଲରଙ୍କ ପ୍ରଦର୍ଶନ ପ୍ରଶଂସନୀୟ ରହିଥିଲା। ଏହି ସମୟରେ ମହମ୍ମଦ ଶାମିଙ୍କ ସମେତ ଅନେକ ବୋଲରଙ୍କ ସହ ସେ କାମ କରିଥିଲେ।
ମାମ୍ବ୍ରେଙ୍କର ମୁମ୍ବାଇ ଇଣ୍ଡିଆନ୍ସ ସହ ଦୀର୍ଘଦିନର ସମ୍ପର୍କ ରହିଛି। ଭାରତୀୟ ଦଳରେ କୋଚ୍ ଭାବେ କାର୍ଯ୍ୟକାଳ ଶେଷ ହେବା ପରେ ସେ ପୁଣି ମୁମ୍ବାଇ ଇଣ୍ଡିଆନ୍ସର କୋଚିଂ ଷ୍ଟାଫ୍ରେ ଯୋଗଦେଇଥିଲେ। କିନ୍ତୁ ୨୦୨୬ ଆଇପିଏଲ୍ ପରେ ଦଳର କୋଚିଂ ଷ୍ଟାଫ୍ରେ ପରିବର୍ତ୍ତନ ହେବାରୁ ତାଙ୍କର ମୁମ୍ବାଇ ଇଣ୍ଡିଆନ୍ସ ସହ ଯାତ୍ରା ଶେଷ ହୋଇଥିଲା।
ବର୍ତ୍ତମାନ ସେ ଦୁବାଇରେ ILT20 ଲିଗ୍ରେ MI Emirates ଦଳର ବୋଲିଂ କୋଚ୍ ଭାବେ କାମ କରୁଛନ୍ତି।
ଆଇପିଏଲ୍ ୨୦୨୭ ପୂର୍ବରୁ ପଞ୍ଜାବ କିଙ୍ଗ୍ସ ନିଜର ସପୋର୍ଟ ଷ୍ଟାଫ୍ରେ ପରିବର୍ତ୍ତନ କରୁଛି। ଅଭିଜ୍ଞ ମାମ୍ବ୍ରେଙ୍କ ଯୋଗଦାନ ଦଳର ବୋଲିଂ ବିଭାଗକୁ ନୂଆ ଦିଗ ଦେବ ବୋଲି ଆଶା କରାଯାଉଛି। ତାଙ୍କ ଅନ୍ତର୍ଜାତୀୟ ଓ ଆଇପିଏଲ୍ ଅଭିଜ୍ଞତାକୁ ଦଳ କିପରି ଉପଯୋଗ କରୁଛି, ତାହା ଆଗାମୀ ସିଜନ୍ରେ ଦେଖିବାକୁ ମିଳିବ।
ଭୁବନେଶ୍ୱର: ଓଡ଼ିଶାରେ ସରକାରୀ ଚାକିରି ଖୋଜୁଥିବା ଆଶାୟୀଙ୍...
ଖଡ଼ଗପୁର: ଭାରତକୁ ଆତ୍ମନିର୍ଭର କରିବା ଦିଗରେ ଯୁବପିଢ଼ି ଓ...
କେରଳ: ସ୍କୁଲ୍‌ ଛାତ୍ରଛାତ୍ରୀଙ୍କ ପାଇଁ ଶିକ୍ଷା କ୍ଷେ...
ହୃଦୟ ଅସ୍ତ୍ରୋପଚାରରେ ଆସୁଛି ବଡ଼ ପରିବର୍ତ୍ତନ ଚିକିତ୍ସ...
ବାୟୁ ପ୍ରଦୂଷଣ ବଢ଼ୁଥିବା ସମୟରେ ଅନେକ ଲୋକ ଘର ଭିତରର ବାୟୁ...
ଦାମୀ ଫେସିଆଲ୍ ନୁହେଁ, ଘରେ ତିଆରି କରନ୍ତୁ ଏହି ଜୁସ୍! ଗାଜ...
ଅନେକ ସମୟରେ ଭରପେଟ ଖାଇବା ପରେ ମଧ୍ୟ କିଛି ଲୋକଙ୍କୁ ଖୁବ୍...
ଲକ୍ଷ୍ନୌ: ଆଇଆଇଟି ଓ ଆଇଟିଆଇ ଛାତ୍ରଛାତ୍ରୀଙ୍କ ମଧ୍ୟରେ ସମ୍...