ମୟୂରଭଞ୍ଜ ଜିଲ୍ଲାର ବେତନଟୀ ଲାର୍ଜ ସାଇଜ୍ଡ ଆଦିବାସୀ ମଲ୍ଟିପର୍ପୋଜ୍ କୋ-ଅପରେଟିଭ୍ ସୋସାଇଟି (LAMPCS)ରେ ବହୁଚର୍ଚ୍ଚିତ ଆର୍ଥିକ ଦୁର୍ନୀତି ମାମଲାରେ ବଡ଼ କାର୍ଯ୍ୟାନୁଷ୍ଠାନ ନେଇଛି ଓଡ଼ିଶା ଭିଜିଲାନ୍ସ। ସୋସାଇଟିର ପୂର୍ବତନ ପରିଚାଳନା ନିର୍ଦ୍ଦେଶକ (Managing Director) ହିମାଂଶୁ ଦାସଙ୍କୁ ୪୦ ଲକ୍ଷ ୯୪ ହଜାର ୩୦୬ ଟଙ୍କା ଆତ୍ମସାତ୍ ଅଭିଯୋଗରେ ଗିରଫ କରାଯାଇଛି।
ଭିଜିଲାନ୍ସ ତଦନ୍ତରୁ ଜଣାପଡ଼ିଛି ଯେ, ୨୦୧୭-୧୮ ଆର୍ଥିକ ବର୍ଷରେ ହିମାଂଶୁ ଦାସ ବେତନଟୀ LAMPCSର ପରିଚାଳନା ନିର୍ଦ୍ଦେଶକ ଥିବା ସମୟରେ ଋଣଗ୍ରସ୍ତ ଚାଷୀମାନଙ୍କଠାରୁ କୃଷି ଋଣ ପରିଶୋଧ, ଫସଲ ଋଣ, ସଦସ୍ୟ ଶେୟାର ପୁଞ୍ଜି, ଆବେଦନପତ୍ର ଶୁଳ୍କ ଓ ପ୍ରଶାସନିକ ଖର୍ଚ୍ଚ ବାବଦରେ ବିପୁଳ ପରିମାଣର ଅର୍ଥ ସଂଗ୍ରହ କରିଥିଲେ। ଚାଷୀଙ୍କୁ ସରକାରୀ ରସିଦ ଦିଆଯାଇଥିଲେ ମଧ୍ୟ ସେହି ଅର୍ଥ ସୋସାଇଟିର ଆକାଉଣ୍ଟରେ ଜମା କରାଯାଇନଥିଲା।
ତଦନ୍ତରେ ଆହୁରି ସାମ୍ନାକୁ ଆସିଛି ଯେ, ସଂଗୃହୀତ ଟଙ୍କାର ହିସାବ ସୋସାଇଟିର ଡେ-ବୁକ୍ରେ ଇଚ୍ଛାକୃତ ଭାବେ ଲିପିବଦ୍ଧ କରାଯାଇନଥିଲା। ବରଂ ସେହି ଅର୍ଥକୁ ବ୍ୟକ୍ତିଗତ ସ୍ୱାର୍ଥରେ ବ୍ୟବହାର କରାଯାଇଥିବାରୁ ସରକାରୀ ଓ ସମବାୟ ପାଣ୍ଠିର ୪୦,୯୪,୩୦୬ ଟଙ୍କାର ଆତ୍ମସାତ୍ ଘଟଣା ସାମ୍ନାକୁ ଆସିଛି।
ଏହି ଘଟଣାକୁ ନେଇ ବାଲେଶ୍ୱର ଭିଜିଲାନ୍ସ ଥାନାରେ ମାମଲା ରୁଜୁ ହେବା ପରେ ତଦନ୍ତ ଜୋରଦାର କରାଯାଇଥିଲା। ପ୍ରମାଣ ମିଳିବା ପରେ ଭିଜିଲାନ୍ସ ହିମାଂଶୁ ଦାସଙ୍କୁ ଗିରଫ କରି ବାରିପଦା ଭିଜିଲାନ୍ସ ସ୍ୱତନ୍ତ୍ର ବିଚାରପତିଙ୍କ ଅଦାଲତରେ ହାଜର କରିଛି।
ସୂଚନାଯୋଗ୍ୟ ଯେ, ଏହି ଆର୍ଥିକ ଅନିୟମିତତା ଘଟଣା ପରେ ହିମାଂଶୁ ଦାସଙ୍କୁ ୪ ଏପ୍ରିଲ ୨୦୨୨ରେ ସରକାରୀ ଚାକିରିରୁ ବରଖାସ୍ତ କରାଯାଇଥିଲା। ଏବେ ତାଙ୍କ ଗିରଫ ପରେ ମାମଲାର ତଦନ୍ତ ଆହୁରି ବ୍ୟାପକ ହେବା ସହ ଅନ୍ୟ କୌଣସି ବ୍ୟକ୍ତିଙ୍କ ସମ୍ପୃକ୍ତି ରହିଛି କି ନାହିଁ, ସେନେଇ ମଧ୍ୟ ଭିଜିଲାନ୍ସ ଖୋଳତାଡ଼ ଜାରି ରଖିଛି।
ଇଣ୍ଡିଆନ୍ ଅଏଲ୍ କର୍ପୋରେସନ୍ ଲିମିଟେଡ୍ (IOCL) ପାରାଦୀପରେ...
ସୁନା-ରୁପା କିଣିବାକୁ ଅପେକ୍ଷା କରିଥିବା ଗ୍ରାହକଙ୍କ ପାଇଁ...
ଅଗଷ୍ଟ ମାସରୁ ସାଧାରଣ ଲୋକଙ୍କ ଉପରେ ପୁଣି ମହଙ୍ଗା ମାଡ଼ ପଡ...
ନିଟ୍ ପ୍ରଶ୍ନପତ୍ର ଲିକ୍କୁ ନେଇ ଦେଶବ୍ୟାପୀ ଚର୍ଚ୍ଚା ଚାଲିଥ...
ରାଜ୍ୟରେ ଲଗାତାର ବର୍ଷା ଓ ବନ୍ୟା ପରିସ୍ଥିତି ଯୋଗୁଁ ଜନଜୀବ...
ଓଡ଼ିଶା ସରକାରଫୁଲବାଣୀ ମେଡିକାଲ କଲେଜର ନାମ ପରିବର୍ତ୍ତନ କ...
ଓଡ଼ିଶାରେ ପିଜି ମେଡିକାଲ୍ ପରୀକ୍ଷାର ପ୍ରଶ୍ନପତ୍ର ଲିକ୍ ଅଭ...
ନିଜ ଶୌକକୁ ପେଶାରେ ପରିଣତ କରିବା ସମସ୍ତଙ୍କ ପାଇଁ ସମ୍ଭବ ହ...
