ବିଧାନସଭା ଅଧିବେଶନ ପୂର୍ବରୁ ରାଜ୍ୟର ଶିକ୍ଷକ, ଶିକ୍ଷୟିତ୍ରୀ ଓ ଶିକ୍ଷା କର୍ମଚାରୀଙ୍କ ପାଇଁ ଏକାଧିକ ବଡ଼ ନିଷ୍ପତ୍ତି ନେଇଛନ୍ତି ମୋହନ ସରକାର । ବିଭିନ୍ନ ବର୍ଗର ଶିକ୍ଷକଙ୍କ ଦୀର୍ଘଦିନର ସମସ୍ୟାର ସମାଧାନ ଦିଗରେ ସରକାର ଏହି ପଦକ୍ଷେପ ନେଇଛନ୍ତି। ଏହି ଘୋଷଣା ଅନୁଯାୟୀ, ୧୯୪ଟି ଉଚ୍ଚ ବିଦ୍ୟାଳୟ ଅନୁଦାନଭୁକ୍ତ ହେବା ସହ ପାର୍ଟ-ଟାଇମ୍ ଶିକ୍ଷକଙ୍କ ପାରିଶ୍ରମିକରେ ବୃଦ୍ଧି କରାଯାଇଛି।
୧୯୪ଟି ଉଚ୍ଚ ବିଦ୍ୟାଳୟକୁ ମିଳିବ ଅନୁଦାନ
୨୦୧୩ ସରକାରୀ ବ୍ଲକ୍ ଗ୍ରାଣ୍ଟ ଅନୁଦାନରୁ ବଞ୍ଚିତ ହୋଇଥିବା ୧୯୪ଟି ଉଚ୍ଚ ବିଦ୍ୟାଳୟକୁ ଅନୁଦାନଭୁକ୍ତ କରିବାକୁ ନିଷ୍ପତ୍ତି ହୋଇଛି। ଏହାଦ୍ୱାରା ଦୀର୍ଘଦିନ ଧରି ଅନୁଦାନ ଅପେକ୍ଷାରେ ଥିବା ବିଦ୍ୟାଳୟଗୁଡ଼ିକ ଉପକୃତ ହେବେ ।
ପାର୍ଟ-ଟାଇମ୍ ଶିକ୍ଷକଙ୍କ ପାରିଶ୍ରମିକ ବୃଦ୍ଧି
ସରକାରୀ ବିଦ୍ୟାଳୟରେ କାର୍ଯ୍ୟରତ ପାର୍ଟ-ଟାଇମ୍ କଳା, ସଙ୍ଗୀତ ଓ କ୍ରୀଡ଼ା ଶିକ୍ଷକଙ୍କ ମାସିକ ପାରିଶ୍ରମିକ ୧୦ ହଜାର ଟଙ୍କାରୁ ବୃଦ୍ଧି କରାଯାଇ ୧୬ ହଜାର ଟଙ୍କା କରାଯାଇଛି। ଏହି ନିଷ୍ପତ୍ତି ଦ୍ୱାରା ସମ୍ପୃକ୍ତ ଶିକ୍ଷକମାନେ ଆର୍ଥିକ ଭାବେ ଉପକୃତ ହେବେ ।
ଶିକ୍ଷକଙ୍କ ପାଇଁ ଅନ୍ୟାନ୍ୟ ବଡ଼ ନିଷ୍ପତ୍ତି
ରାଜ୍ୟ ସରକାର ଅନ୍ୟାନ୍ୟ କେତେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ମଧ୍ୟ ନେଇଛନ୍ତି। ସେଗୁଡ଼ିକ ହେଲା:
୨୦୨୨ରେ ନିୟମିତ ହୋଇଥିବା ସରକାରୀ ମାଧ୍ୟମିକ ବିଦ୍ୟାଳୟର TGT ଓ PET ଶିକ୍ଷକଙ୍କ ବକେୟା ଦରମା ପ୍ରଦାନ।
ପ୍ରାଥମିକ ଶିକ୍ଷକଙ୍କ ନିୟମିତ ପଦୋନ୍ନତି ବ୍ୟବସ୍ଥା।
୨୦୧୬ରୁ ୨୦୧୮ ମଧ୍ୟରେ ନିଯୁକ୍ତ ଶିକ୍ଷା ସହାୟକଙ୍କୁ ନିୟମିତ କରିବା।
ପ୍ରଥମା ଓ ମଧ୍ୟମା ସଂସ୍କୃତ ଟୋଲ୍ରେ ନିୟମିତ ଶିକ୍ଷକ ନିଯୁକ୍ତି।
ସରକାରୀ ବିଦ୍ୟାଳୟରେ କାର୍ଯ୍ୟରତ କ୍ଲାସିକାଲ୍ ଶିକ୍ଷକଙ୍କୁ ଟ୍ରେନ୍ଡ ଗ୍ରାଜୁଏଟ୍ (TG) ଶିକ୍ଷକ ଯୋଗ୍ୟତା ସାରଣୀରେ ସାମିଲ କରିବା।
ପୂର୍ଣ୍ଣ ଅନୁଦାନପ୍ରାପ୍ତ ମଧ୍ୟମା ସଂସ୍କୃତ ଟୋଲ୍ରେ ଶିକ୍ଷକ ନିୟୋଜନ ।
ଧନ୍ଦାମୂଳକ ପ୍ରଶିକ୍ଷକଙ୍କୁ ନିୟମିତ ଭାବେ ବେତନ ପ୍ରଦାନ ।
ଓଡ଼ିଶା କନିଷ୍ଠ ଶିକ୍ଷକ (ସ୍କିମାଟିକ୍)ଙ୍କୁ ଅଧିକ ଯୋଗ୍ୟତା ହାସଲ ପାଇଁ ସୁଯୋଗ ପ୍ରଦାନ ।
ଆଦର୍ଶ ବିଦ୍ୟାଳୟ ପାଇଁ ମଧ୍ୟ ବଡ଼ ପଦକ୍ଷେପ
ଓଡ଼ିଶା ଆଦର୍ଶ ବିଦ୍ୟାଳୟକୁ ନେଇ ମଧ୍ୟ ସରକାର କେତେକ ନିଷ୍ପତ୍ତି ନେଇଛନ୍ତି। ସମସ୍ତ ଆବାସିକ ଛାତ୍ରାବାସର ନିର୍ମାଣ କାମ ସମ୍ପୂର୍ଣ୍ଣ କରି ଏହାକୁ କାର୍ଯ୍ୟକ୍ଷମ କରାଯିବ। ଏଥିସହ ଆଦର୍ଶ ବିଦ୍ୟାଳୟରେ କାର୍ଯ୍ୟରତ କର୍ମଚାରୀଙ୍କୁ ନିୟମିତ ଦରମା ପ୍ରଦାନ, ସେମାନଙ୍କ ପିଲାଙ୍କୁ ସେହି ବିଦ୍ୟାଳୟରେ ପଢ଼ିବାର ସୁଯୋଗ ଏବଂ ନିଯୁକ୍ତ TGT ଶିକ୍ଷକଙ୍କ ପୂର୍ବ ଚାକିରିର ଅବଧି ଗଣନା ସହ ବେତନ ସୁରକ୍ଷା ବ୍ୟବସ୍ଥା କରାଯିବ ।
ଏହାବ୍ୟତୀତ ଓଡ଼ିଶା ଆଦର୍ଶ ବିଦ୍ୟାଳୟଗୁଡ଼ିକରେ ଆଧୁନିକ ଶିକ୍ଷାକୁ ଗୁରୁତ୍ୱ ଦେଇ AI ଓ Robotics ପରୀକ୍ଷାଗାର ଖୋଲିବାକୁ ମଧ୍ୟ ନିଷ୍ପତ୍ତି ନିଆଯାଇଛି।
ସରକାରଙ୍କ ଏହି ନିଷ୍ପତ୍ତିଗୁଡ଼ିକ ଶିକ୍ଷକଙ୍କ ଦୀର୍ଘଦିନର ଦାବି ପୂରଣ ସହ ରାଜ୍ୟର ଶିକ୍ଷା ବ୍ୟବସ୍ଥାକୁ ଆହୁରି ସୁଦୃଢ଼ କରିବାରେ ସହାୟକ ହେବ ବୋଲି ଆଶା କରାଯାଉଛି।
ହାଇଦ୍ରାବାଦ: ଶିକ୍ଷା ବ୍ୟବସ୍ଥାରେ ବଡ଼ ପରିବର୍ତ୍ତନ ଆଣିବା...
ଖଡ଼ଗପୁର: ଦେଶର ଉଚ୍ଚଶିକ୍ଷା ଓ ଡାକ୍ତରୀ ଶିକ୍ଷା କ୍ଷେତ୍ରର...
ପ୍ରଥମ ଓଭରରେ ହିଁ ଭାରତକୁ ବଡ଼ ଝଟ୍କା ନ୍ୟୁଜିଲାଣ୍ଡ ଓ...
ନୂଆଦିଲ୍ଲୀ: ଦେଶର ଶିକ୍ଷା ବ୍ୟବସ୍ଥାକୁ ଆଧୁନିକ ଓ ପ୍ରଯୁକ୍...
କ୍ୟାନସର ଚିକିତ୍ସାରେ ନୂଆ ପ୍ରୟାସ, ଚର୍ଚ୍ଚାରେ ଭାରତୀୟ ଷ୍...
୮୯ ରନ୍ରେ ଭାରତର ଇନିଂସ୍ ଶେଷ, ୨୪୪ ରନ୍ରେ ହାରିଲା ଟିମ୍ ଇ...
ଟିବି ମୃତ୍ୟୁହାର ହ୍ରାସରେ ଭାରତର ବଡ଼ ସଫଳତା ଯକ୍ଷ୍ମା...
ନର୍ସିଂ ଶିକ୍ଷା କ୍ଷେତ୍ରରେ ବଡ଼ ପଦକ୍ଷେପ ନେବାକୁ ଯାଉଛି କ...
