ଆସନ୍ତା ରଥଯାତ୍ରା ପାଇଁ ପୁରୀକୁ ଆସୁଥିବା ଲକ୍ଷାଧିକ ଭକ୍ତଙ୍କ ସୁରକ୍ଷିତ, ସୁବ୍ୟବସ୍ଥିତ ଓ ସୁଗମ ଯାତାୟାତ ସୁନିଶ୍ଚିତ କରିବାକୁ ଓଡ଼ିଶା ସରକାର ଏକ ସ୍ୱତନ୍ତ୍ର ପରିବହନ ଓ ସୁରକ୍ଷା ଯୋଜନା ପ୍ରସ୍ତୁତ କରିଛନ୍ତି।
ବାଣିଜ୍ୟ ଓ ପରିବହନ ମନ୍ତ୍ରୀ ବିଭୂତି ଭୂଷଣ ଜେନା ପ୍ରସ୍ତୁତି ସମୀକ୍ଷା ବୈଠକରେ କହିଛନ୍ତି ଯେ, ରାଜ୍ୟ ଓ ରାଜ୍ୟ ବାହାରରୁ ଆସୁଥିବା ଶ୍ରଦ୍ଧାଳୁମାନଙ୍କ ଯାତ୍ରାକୁ ସମ୍ପୂର୍ଣ୍ଣ ନିର୍ବିଘ୍ନ କରିବା ପ୍ରଶାସନର ସର୍ବୋଚ୍ଚ ପ୍ରାଥମିକତା। ସେବାରେ ସାମାନ୍ୟ ଅବହେଳାକୁ ମଧ୍ୟ ବରଦାସ୍ତ କରାଯିବ ନାହିଁ ବୋଲି ସେ ସ୍ପଷ୍ଟ କରିଛନ୍ତି।
ରଥଯାତ୍ରା ସମୟରେ ଭକ୍ତଙ୍କ ସଂଖ୍ୟା ବଢ଼ିବାକୁ ଦୃଷ୍ଟିରେ ରଖି ପରିବହନ ବିଭାଗ, ଜିଲ୍ଲା ପ୍ରଶାସନ ଓ ପୁଲିସ ମିଳିତ ଭାବେ ଟ୍ରାଫିକ୍ ନିୟନ୍ତ୍ରଣ, ସଡ଼କ ସୁରକ୍ଷା ଏବଂ ଭିଡ଼ ପରିଚାଳନା ପାଇଁ ବିସ୍ତୃତ ଯୋଜନା କରିଛନ୍ତି। ବିଶେଷକରି ଭୁବନେଶ୍ୱର-ପୁରୀ ଜାତୀୟ ରାଜପଥରେ କଡ଼ା ନଜର ରଖାଯିବ।
ଭକ୍ତଙ୍କ ସୁବିଧା ପାଇଁ ପୁରୀ ରୁଟ୍ରେ ସରକାରୀ ବସ୍ ସେବାର ସଂଖ୍ୟା ବଢ଼ାଯିବ। ଏହା ସହ ବେସରକାରୀ ବସ୍ କିମ୍ବା ଅନ୍ୟ ଯାନବାହନ ସରକାର ନିର୍ଦ୍ଧାରିତ ଭଡ଼ାଠାରୁ ଅଧିକ ଟଙ୍କା ଆଦାୟ କଲେ ସେମାନଙ୍କ ବିରୋଧରେ କଠୋର ଆଇନଗତ କାର୍ଯ୍ୟାନୁଷ୍ଠାନ ନିଆଯିବ ବୋଲି ମନ୍ତ୍ରୀ ଚେତାବନୀ ଦେଇଛନ୍ତି।
ଯାତ୍ରୀଙ୍କ ସୁବିଧା ପାଇଁ ମାଳତୀପାଟପୁରରୁ ଷ୍ଟର୍ଲିଂ ଛକ ପର୍ଯ୍ୟନ୍ତ ମାଗଣା ଅଟୋରିକ୍ସା ସେବା ବ୍ୟବସ୍ଥା କରାଯାଇଛି। ଏହା ସହ ଶଟଲ ବସ୍ ସେବା ମଧ୍ୟ ଉପଲବ୍ଧ ରହିବ, ଯାହାଦ୍ୱାରା ଭକ୍ତମାନେ ସହଜରେ ଗନ୍ତବ୍ୟସ୍ଥଳରେ ପହଞ୍ଚିପାରିବେ।
ରଥଯାତ୍ରା ସମୟରେ ୨୪ ଘଣ୍ଟିଆ ହେଲ୍ପ ଡେସ୍କ, କ୍ରେନ୍ ସେବା ଏବଂ ରାସ୍ତାରେ ଖରାପ ହୋଇଯାଉଥିବା ଗାଡ଼ି ପାଇଁ ବ୍ରେକଡାଉନ୍ ସହାୟତା ବ୍ୟବସ୍ଥା କରାଯାଇଛି। ଏଥିପାଇଁ ଅଶୋକ ଲେଲ୍ୟାଣ୍ଡ, ଟାଟା, ମାରୁତି ଓ ହୋଣ୍ଡା ପରି କମ୍ପାନୀଙ୍କ ସହଯୋଗ ନିଆଯାଇଛି।
ରଥଯାତ୍ରା ସମୟରେ ଭକ୍ତମାନେ କୌଣସି ଅସୁବିଧାର ସମ୍ମୁଖୀନ ନ ହୁଅନ୍ତୁ, ସେଥିପାଇଁ ସମସ୍ତ ବିଭାଗକୁ ସତର୍କ ଓ ସକ୍ରିୟ ରହିବାକୁ ସରକାର ନିର୍ଦ୍ଦେଶ ଦେଇଛନ୍ତି।
ୟୁଟ୍ୟୁବର ଓ ସୋସିଆଲ ମିଡିଆ କଣ୍ଟେଣ୍ଟ କ୍ରିଏଟର ଧ୍ରୁବ ରାଠ...
ଚଳିତ ବର୍ଷ ଆରମ୍ଭରେ ରେକର୍ଡ ସ୍ତରକୁ ପହଞ୍ଚିଥିବା ସୁନା ଦର...
କର୍ମଚାରୀ ଭବିଷ୍ୟ ନିଧି ସଂଗଠନ (ଇପିଏଫ୍‌ଓ) ପିଏଫ୍ ଟ...
'ବିକଶିତ ଭାରତ ୨୦୪୭' ଲକ୍ଷ୍ୟକୁ ଆଗେଇ ନେବା ପାଇଁ...
ସମଗ୍ର ୟୁରୋପ ବର୍ତ୍ତମାନ ଇତିହାସର ଅନ୍ୟତମ ଭୟଙ୍କର ଗ୍ରୀଷ୍...
ଦେଶର ସାମରିକ ପ୍ରସ୍ତୁତିକୁ ଆହୁରି ସୁଦୃଢ଼ କରିବା ଲକ୍ଷ୍ୟର...
