ଗତ କିଛି ଦିନ ଧରି ଲଗାଣ ବର୍ଷାରେ ଭିଜିଥିବା ଓଡ଼ିଶାରେ ଏବେ ପାଗରେ ସୁଧାର ଦେଖାଦେଇଛି। ମଙ୍ଗଳବାରଠାରୁ ରାଜ୍ୟର ଅଧିକାଂଶ ଅଞ୍ଚଳରେ ବର୍ଷାର ତୀବ୍ରତା କମିଛି। ଏହାର କାରଣ ହେଉଛି ରାଜ୍ୟରେ ପ୍ରଭାବ ପକାଇଥିବା ଡିପ୍ରେସନ୍ ବର୍ତ୍ତମାନ ଓଡ଼ିଶା ଛାଡ଼ି ଅନ୍ୟ ଅଞ୍ଚଳକୁ ସରିଯାଇଛି।

ଭାରତୀୟ ପାଣିପାଗ ବିଭାଗ (IMD)ର ସୂଚନା ଅନୁଯାୟୀ, ଏହି ପାଣିପାଗ ପ୍ରଣାଳୀ ବର୍ତ୍ତମାନଉତ୍ତର ଛତିଶଗଡ଼, ଦକ୍ଷିଣ-ପୂର୍ବ ଉତ୍ତରପ୍ରଦେଶ ଓ ଉତ୍ତର-ପଶ୍ଚିମ ମଧ୍ୟପ୍ରଦେଶଉପରେ କେନ୍ଦ୍ରୀଭୂତ ରହିଛି। ଆସନ୍ତା ୧୨ ଘଣ୍ଟା ମଧ୍ୟରେ ଏହା ପଶ୍ଚିମ-ଉତ୍ତରପଶ୍ଚିମ ଦିଗକୁ ଗତି କରି ଦୁର୍ବଳ ହୋଇ ଲଘୁଚାପ କ୍ଷେତ୍ରରେ ପରିଣତ ହେବାର ସମ୍ଭାବନା ରହିଛି।

ଦୁଇ ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ

ଡିପ୍ରେସନ୍ ଦୁର୍ବଳ ହେବା ପରେ ରାଜ୍ୟରେ ଆଉ ବ୍ୟାପକ ବର୍ଷାର ସମ୍ଭାବନା ନାହିଁ। ତେବେମୟୂରଭଞ୍ଜଓକେନ୍ଦୁଝରଜିଲ୍ଲାର କେତେକ ସ୍ଥାନରେ ପ୍ରବଳ ବର୍ଷା ହୋଇପାରେ। ଏହାକୁ ଦୃଷ୍ଟିରେ ରଖି IMD ପକ୍ଷରୁ ଉଭୟ ଜିଲ୍ଲା ପାଇଁୟେଲୋ ୱାର୍ଣ୍ଣିଂଜାରି କରାଯାଇଛି।

ରାଜ୍ୟର ଅନ୍ୟାନ୍ୟ ଅଞ୍ଚଳରେ ବର୍ଷାର ପରିମାଣ ଯଥେଷ୍ଟ କମିବା ସହ ଲଗାଣ ବର୍ଷାରୁ ଲୋକମାନେ ଆଶ୍ୱସ୍ତି ପାଇବେ ବୋଲି ପାଣିପାଗ ବିଭାଗ କହିଛି।

ଉତ୍ତର ଉପକୂଳରେ ପବନର ବେଗ ବଢ଼ିବ

IMD ପୂର୍ବାନୁମାନ ଅନୁଯାୟୀ, ଉତ୍ତର ଉପକୂଳ ଓଡ଼ିଶାର କେତେକ ଅଞ୍ଚଳରେଘଣ୍ଟାପ୍ରତି ୩୫ରୁ ୪୫ କିଲୋମିଟର ବେଗରେ ଦମକା ପବନବହିପାରେ। ତେଣୁ ସମ୍ବେଦନଶୀଳ ଅଞ୍ଚଳର ଲୋକମାନଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି।

ଏହାଛଡ଼ା ରାଜ୍ୟର କେତେକ ସ୍ଥାନରେବଜ୍ରପାତ ସହ କାଳବୈଶାଖୀ ସଦୃଶ ପାଗଦେଖାଦେଇପାରେ। ପାଣିପାଗ ବିଭାଗ କହିଛି ଯେ, ଆଗାମୀ କିଛି ଦିନ ମଧ୍ୟରେ ବର୍ଷା କମିବା ସହ ଦିନର ତାପମାତ୍ରା ଧୀରେ ଧୀରେ ବୃଦ୍ଧି ପାଇବ।

ଏହା ମଧ୍ୟ ପଢନ୍ତୁ:ଲଗାଣ ବର୍ଷାରେ ଭାସିଗଲା ସେତୁ, ଏମ୍ଆଇପି ଓଭରଫ୍ଲୋ ହୋଇ ଗାଁ ଓ ଚାଷଜମି ଜଳମଗ୍ନ।