ପ୍ରଚଣ୍ଡ ଗ୍ରୀଷ୍ମ ପ୍ରବାହ ଓ ଅସହ୍ୟ ଗରମ ମଧ୍ୟରେ ଓଡ଼ିଶାର ବିଭିନ୍ନ ସ୍ଥାନରେ ବାରମ୍ବାର ବିଦ୍ୟୁତ କାଟ ଲୋକମାନଙ୍କ ଦୁର୍ଦ୍ଦଶାକୁ ଚରମ ସୀମାରେ ପହଞ୍ଚାଇଦେଇଛି। ଗରମ ଓ ଗୁଳୁଗୁଳି ପରିସ୍ଥିତିରେ ଲୋକମାନେ ଅତିଷ୍ଠ ହୋଇପଡ଼ିଥିବାବେଳେ ଘନଘନ ବିଦ୍ୟୁତ ବିଭ୍ରାଟ ଯୋଗୁଁ ସାଧାରଣ ଜନଜୀବନ ଅସ୍ତବ୍ୟସ୍ତ ହୋଇଯାଇଛି।
ଗତ କିଛି ଦିନ ଧରି ରାଜ୍ୟର ଅନେକ ଅଞ୍ଚଳରେ ବାରମ୍ବାର ବିଦ୍ୟୁତ କାଟ ହେଉଥିବା ଅଭିଯୋଗ ଆସୁଛି। ସ୍ଥାନୀୟ ଲୋକମାନଙ୍କ କହିବା ଅନୁସାରେ, ଦିନ ଓ ରାତିରେ ପୁନଃପୁନି ବିଦ୍ୟୁତ କାଟ ହେଉଥିବାବେଳେ ଅନେକ ସ୍ଥାନରେ ଘଣ୍ଟା ଘଣ୍ଟା ଧରି ବିଦ୍ୟୁତ ସେବା ବନ୍ଦ ରହୁଛି। ଏନେଇ ବିଭାଗୀୟ କର୍ତ୍ତୃପକ୍ଷଙ୍କୁ ଅଭିଯୋଗ କରାଯାଇଥିଲେ ମଧ୍ୟ କୌଣସି ସ୍ଥାୟୀ ସମାଧାନ ହୋଇନଥିବାରୁ ଲୋକଙ୍କ ମଧ୍ୟରେ ଅସନ୍ତୋଷ ବଢ଼ିଚାଲିଛି।
ଏହି ପରିସ୍ଥିତିକୁ ନେଇ ରାଜ୍ୟର ବିଭିନ୍ନ ସ୍ଥାନରେ ଲୋକମାନେ ରାସ୍ତାକୁ ଓହ୍ଲାଇ ପ୍ରତିବାଦ କରିଛନ୍ତି। କେତେକ ସ୍ଥାନରେ ପ୍ରତିବାଦକାରୀମାନେ ଶାଢ଼ୀ ପିନ୍ଧି ପ୍ରତୀକାତ୍ମକ ଭାବେ ବିକ୍ଷୋଭ ପ୍ରଦର୍ଶନ କରିଥିବା ଦେଖାଯାଇଛି। ଅନ୍ୟ କେତେକ ସ୍ଥାନରେ ରାସ୍ତାରୋକ କରାଯାଇ ଯାତାୟାତ ବାଧାପ୍ରାପ୍ତ ହୋଇଥିଲା।
ଏହି ପରିସ୍ଥିତି ଉପରେ ପ୍ରତିକ୍ରିୟା ଦେଇ ଓଡ଼ିଶାର ଶକ୍ତିମନ୍ତ୍ରୀ କନକ ବର୍ଦ୍ଧନ ସିଂହଦେଓ କହିଛନ୍ତି ଯେ, ଚାଲିଥିବା ପ୍ରଚଣ୍ଡ ଗରମ ପରିସ୍ଥିତି କାହାର ନିୟନ୍ତ୍ରଣରେ ନାହିଁ। ଏସି ଓ ଅନ୍ୟାନ୍ୟ କୁଲିଂ ଉପକରଣର ବ୍ୟବହାର ବଢ଼ିଥିବାରୁ ବିଦ୍ୟୁତ ଚାହିଦା ହଠାତ୍ ବଢ଼ିଯାଇଛି।
ସେ କହିଛନ୍ତି ଯେ, ଅତ୍ୟଧିକ ଚାହିଦା ଯୋଗୁଁ ବିଦ୍ୟୁତ ଢାଞ୍ଚା ଉପରେ ଚାପ ବଢ଼ୁଛି ଏବଂ ବହୁ ସ୍ଥାନରେ ଟ୍ରାନ୍ସଫର୍ମର ପୋଡ଼ିଯାଉଛି। ତଥାପି ସରକାର ଓ ବିଦ୍ୟୁତ ବଣ୍ଟନ ସଂସ୍ଥାମାନେ ଯଥାଶୀଘ୍ର ବିଦ୍ୟୁତ ସେବା ପୁନରୁଦ୍ଧାର ପାଇଁ କାମ କରୁଥିବା ସେ ଆଶ୍ୱାସନ ଦେଇଛନ୍ତି।
“ବିଦ୍ୟୁତ କାଟ ନ କରିବାକୁ ସ୍ପଷ୍ଟ ନିର୍ଦ୍ଦେଶ ଦିଆଯାଇଛି। ଗରମ ପରିସ୍ଥିତି କାହାର ନିୟନ୍ତ୍ରଣରେ ନାହିଁ। ଅଧିକ ବିଦ୍ୟୁତ ଚାହିଦା ଯୋଗୁଁ ବହୁ ସ୍ଥାନରେ ଟ୍ରାନ୍ସଫର୍ମର ପୋଡ଼ିଯାଉଛି। ଲୋକମାନଙ୍କୁ ନିରବିଛିନ୍ନ ବିଦ୍ୟୁତ ସେବା ଯୋଗାଇବାକୁ ଚେଷ୍ଟା ଜାରି ରହିଛି,” ବୋଲି କହିଛନ୍ତି ଶକ୍ତିମନ୍ତ୍ରୀ କନକ ବର୍ଦ୍ଧନ ସିଂହଦେଓ।
ନିଟ୍-ୟୁଜି ୨୦୨୬ ପ୍ରଶ୍ନପତ୍ର ଲିକ୍ ବିବାଦ ପରେ ଜୁନ୍ ୨୧ରେ...
ନିଟ୍-ୟୁଜି ୨୦୨୬ ପ୍ରଶ୍ନପତ୍ର ଲିକ୍ ବିବାଦ ଏବଂ ପରୀକ୍ଷା ବ...
ସୋସିଆଲ୍ ମିଡିଆ ମାଧ୍ୟମରେ ବଢ଼ୁଥିବା ସାଇବର ଠକେଇର ଆଉ ଏକ...
ଭୁବନେଶ୍ୱର ବାଲିଅନ୍ତାରେ GRP କନେଷ୍ଟବଲ ସୌମ୍ୟରଞ୍ଜନ ସ୍ୱା...
ଭାରତୀୟ ମୂଳର ମହିଳା ବର୍ଷା ଗୋହିଲଙ୍କ ଦୀର୍ଘ ୨୩ ବର୍ଷର ଆଇ...
ଇବୋଲା ଭାଇରସ୍‌ ସଂକ୍ରମଣ ନେଇ ବଢ଼ୁଥିବା ଚିନ୍ତା ମଧ୍...
ଦେଶର ସଡ଼କ ଭିତ୍ତିଭୂମି ବିକାଶକୁ ଆହୁରି ଗତିଶୀଳ କରିବା ଲକ...
ଭାରତରେ ଶିଶୁମାନଙ୍କ ମଧ୍ୟରେ ବଢ଼ୁଥିବା ଡାଇବେଟିସ୍‌...
ସାଧାରଣ ଭାବରେ ଚାଲିବାବେଳେ କୌଣସି ଅସୁବିଧା ନଥିଲେ ମଧ୍ୟ,...
ମେଘାଳୟର ଉମରୋଇରେ ମେ ୨୦ରୁ ଆରମ୍ଭ ହୋଇଥିବା ବହୁରାଷ୍ଟ୍ରୀୟ...
