ସୁନ୍ଦରଗଡ଼ ଜିଲ୍ଲାର କୋଇଡା ବ୍ଲକର ଜଣେ ବିବାହିତା ମହିଳା ଟେନ୍ସା ଡାକଘରରେ କାର୍ଯ୍ୟରତ ଡାକବାବୁ ରମାକାନ୍ତ ନାୟକଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ମହିଳାଙ୍କ ଅଭିଯୋଗ ଅନୁସାରେ, ଅଭିଯୁକ୍ତ ତାଙ୍କ ସହ ପ୍ରେମ ସମ୍ପର୍କ ଗଢ଼ିବା ପରେ ବନ୍ଧୁକ ଦେଖାଇ ଶାରୀରିକ ସମ୍ପର୍କ ରଖିବାକୁ ବାଧ୍ୟ କରିଥିଲେ। ଏହା ସହ ବିବାହର ପ୍ରତିଶ୍ରୁତି ଦେଇ ବ୍ଲାକମେଲ୍ କରିବା ସହ ଆର୍ଥିକ ଠକେଇ କରିଥିବା ଅଭିଯୋଗ ହୋଇଛି।
ପୀଡ଼ିତା କହିଛନ୍ତି ଯେ, ଜଣେ ସମ୍ପର୍କୀୟଙ୍କ ମାଧ୍ୟମରେ ରମାକାନ୍ତ ନାୟକ ତାଙ୍କ ଫୋନ୍ ନମ୍ବର ପାଇଥିଲେ। ପରେ ସେ ନିୟମିତ ଫୋନ୍ କରିବା ସହ ଘରକୁ ଆସୁଥିଲେ। ବିରୋଧ କଲେ ଆତ୍ମହତ୍ୟା କରିବାର ଧମକ ଦେଉଥିଲେ ଏବଂ ପରବର୍ତ୍ତୀ ସମୟରେ ସ୍ୱାମୀ ଓ ପରିବାର ଲୋକଙ୍କୁ ହତ୍ୟା କରିଦେବାକୁ ଧମକ ଦେଇଥିବା ମହିଳା ଅଭିଯୋଗ କରିଛନ୍ତି।
ମହିଳାଙ୍କ କହିବା ଅନୁସାରେ, ଅଭିଯୁକ୍ତ ନିଜ ସ୍ତ୍ରୀଙ୍କ ସହ ବିବାହ ବିଚ୍ଛେଦ ହୋଇଯାଇଥିବା କହି କିଛି ଦସ୍ତାବିଜ ଦେଖାଇଥିଲେ। ପରେ କୋର୍ଟରେ ଲିଭ୍-ଇନ୍ ସମ୍ପର୍କ ସମ୍ବନ୍ଧୀୟ ପ୍ରମାଣପତ୍ର କରାଇ ତାଙ୍କ ବିଶ୍ୱାସ ଜିତିଥିଲେ। ପରେ ସେ ମହିଳାଙ୍କୁ ପରିବାର ଛାଡ଼ି ଯିବାକୁ ବାଧ୍ୟ କରିଥିଲେ। ଏହା ପରେ ତାଙ୍କଠାରୁ ଟଙ୍କା ନେଇ ଫେରାର ହୋଇଯାଇଥିବା ଅଭିଯୋଗ ରହିଛି।
ପୀଡ଼ିତା ଆହୁରି ଅଭିଯୋଗ କରିଛନ୍ତି ଯେ, ସେ ଟେନ୍ସା ପୁଲିସ ଫାଣ୍ଡି ଏବଂ ଲହୁଣୀପଡ଼ା ଥାନାରେ ଲିଖିତ ଅଭିଯୋଗ କରିଥିଲେ। କିନ୍ତୁ ଏଫ୍ଆଇଆର୍ ରୁଜୁ କରିବା ପରିବର୍ତ୍ତେ ପ୍ରଥମେ ନିଖୋଜ ମାମଲା ରୁଜୁ କରିବାକୁ ପରାମର୍ଶ ଦିଆଯାଇଥିଲା। ଏପର୍ଯ୍ୟନ୍ତ ତାଙ୍କ ଅଭିଯୋଗ ଉପରେ କୌଣସି ଠୋସ୍ କାର୍ଯ୍ୟାନୁଷ୍ଠାନ ହୋଇନଥିବା ସେ କହିଛନ୍ତି।
ଏହି ଘଟଣାକୁ ନେଇ ପୁଲିସ ତଦନ୍ତ ଆରମ୍ଭ କରିଛି କି ନାହିଁ ସେନେଇ ସରକାରୀ ସ୍ତରରୁ ସ୍ପଷ୍ଟ ସୂଚନା ମିଳିନାହିଁ।
କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀଜଗତ ପ୍ରକା...
ଆୟର୍ଲାଣ୍ଡ ବିପକ୍ଷରେ ଭାରତର ୨-୦ ଟି-୨୦ ସିରିଜ୍ ପରାଜୟ ପର...
ଚଳିତ ବର୍ଷ ଆରମ୍ଭରେ ରେକର୍ଡ ସ୍ତରକୁ ପହଞ୍ଚିଥିବା ସୁନା ଦର...
ସମଗ୍ର ୟୁରୋପ ବର୍ତ୍ତମାନ ଇତିହାସର ଅନ୍ୟତମ ଭୟଙ୍କର ଗ୍ରୀଷ୍...
ଦେଶର ଉତ୍ତର-ପୂର୍ବ ରାଜ୍ୟଗୁଡ଼ିକରେ ଲଗାତାର ପ୍ରବଳ ବର୍ଷା...
ରାଜ୍ୟରେ ମୌସୁମୀ ବର୍ଷା ସକ୍ରିୟ ରହିଥିବାରୁ ମଙ୍ଗଳବାର ଭୁବ...
ଜାପାନରେ ସେପ୍ଟେମ୍ବର ୧୯ରୁ ଅକ୍ଟୋବର ୪ ପର୍ଯ୍ୟନ୍ତ ଆୟୋଜିତ...
ଫିଫା ବିଶ୍ୱକପ୍ ୨୦୨୬ରେ ବଡ଼ ଅଘଟଣ ଘଟାଇଛି ପାରାଗୁଏ। ଚାରି...
ଆୟରଲ୍ୟାଣ୍ଡ ବିପକ୍ଷରେ ଟି-୨୦ ସିରିଜ୍‌ରେ ୦-୨ରେ ପରା...
ୟୁରୋପରେ ଜୁନ୍ ଶେଷ ଭାଗରେ ଦେଖାଦେଇଥିବା ତୀବ୍ର ହିଟ୍ୱେଭ୍...
