ଓଡ଼ିଶା ଉଚ୍ଚଶିକ୍ଷା ବିଭାଗ ୨୦୨୬-୨୭ ଶିକ୍ଷାବର୍ଷ ପାଇଁ ପୋଷ୍ଟ ଗ୍ରାଜୁଏଟ୍‌ (PG) ପାଠ୍ୟକ୍ରମର ଫେଜ୍-୨ e-Admission କାର୍ଯ୍ୟସୂଚୀ ଘୋଷଣା କରିଛି। Student Academic Management System (SAMS) ମାଧ୍ୟମରେ ଏହି ଆଡମିଶନ ପ୍ରକ୍ରିୟା ଚାଲିବ।

ଫେଜ୍-୨ରେ ପ୍ରଥମ ରାଉଣ୍ଡ ପ୍ରୋଭିଜନାଲ୍ ସିଟ୍ ଆଲଟମେଣ୍ଟ ସେପ୍ଟେମ୍ବର ୨୪ ତାରିଖ ଅପରାହ୍ନ ୪ଟାରେ ପ୍ରକାଶ ପାଇବ। ସିଟ୍ ପାଇଥିବା ପ୍ରାର୍ଥୀମାନେ ସେପ୍ଟେମ୍ବର ୨୫ ସକାଳ ୧୦ଟାରୁ ସେପ୍ଟେମ୍ବର ୨୮ ସନ୍ଧ୍ୟା ୫ଟା ମଧ୍ୟରେ ରିପୋର୍ଟିଂ ଓ ଫି’ ପେମେଣ୍ଟ କରିବାକୁ ହେବ।
​​​​​​​
ଯେଉଁ ପ୍ରାର୍ଥୀମାନେ ଏପର୍ଯ୍ୟନ୍ତ PG ସିଟ୍ ପାଇନାହାନ୍ତି, ସେମାନେ ଫେଜ୍-୨ରେ ନୂଆ Choice ଦାଖଲ କରିପାରିବେ। Common Application Form (CAF) ମାଧ୍ୟମରେ Choice Submission ଓ Locking କରିବାକୁ ହେବ। Choice Lockingର ଶେଷ ସମୟ ସେପ୍ଟେମ୍ବର ୨୧ ରାତି ୧୧:୪୫।

Waitlisted ପ୍ରାର୍ଥୀମାନଙ୍କ Physical Reporting ସେପ୍ଟେମ୍ବର ୨୯ ସକାଳ ୧୦ଟାରୁ ସେପ୍ଟେମ୍ବର ୩୦ ଅପରାହ୍ନ ୨ଟା ପର୍ଯ୍ୟନ୍ତ ହେବ। ସେମାନଙ୍କ Merit List ଅକ୍ଟୋବର ୧ ଅପରାହ୍ନ ୨ଟାରେ ପ୍ରକାଶ ପାଇବ।

ଯଦି ସିଟ୍ ଖାଲି ରହେ, ତେବେ Waitlisted ପ୍ରାର୍ଥୀଙ୍କ ଆଡମିଶନ ଅକ୍ଟୋବର ୬ ସକାଳ ୧୦ଟାରୁ ଅକ୍ଟୋବର ୭ ସନ୍ଧ୍ୟା ୫ଟା ମଧ୍ୟରେ କରାଯିବ।

ବିଭାଗ ପକ୍ଷରୁ ପ୍ରାର୍ଥୀମାନଙ୍କୁ SAMS ପୋର୍ଟାଲରେ ଉପଲବ୍ଧ Common Prospectus ଓ ଗାଇଡ୍‌ଲାଇନ୍ ଭଲ ଭାବେ ପଢ଼ିବାକୁ କୁହାଯାଇଛି। PG e-Admission ସମ୍ପର୍କିତ ସହାୟତା ପାଇଁ 155335 କିମ୍ବା 1800-345-677 ହେଲ୍ପଲାଇନ୍‌ରେ ଯୋଗାଯୋଗ କରିପାରିବେ।