ଓଡ଼ିଶାରେ ନୂଆ ସେଲ୍ଫ-ଫାଇନାନ୍ସିଂ ଓ ପ୍ରଫେସନାଲ କଲେଜ ସ୍ଥାପନକୁ ପ୍ରୋତ୍ସାହନ ଦେବା ଲକ୍ଷ୍ୟରେ ରାଜ୍ୟ ସରକାର ବଡ଼ ନିଷ୍ପତ୍ତି ନେଇଛନ୍ତି। ଉଚ୍ଚଶିକ୍ଷା ବିଭାଗ ପକ୍ଷରୁଭିତ୍ତିଭୂମି, ଶିକ୍ଷକ ନିଯୁକ୍ତି ଏବଂ ବନ୍ଧକ (Pledge Money) ଅର୍ଥରାଶି ସମ୍ବନ୍ଧୀୟ ନିୟମକୁ ସରଳ କରାଯାଇଛି।

ନୂତନ ନିଷ୍ପତ୍ତି ଅନୁଯାୟୀ, ସେଲ୍ଫ-ଫାଇନାନ୍ସିଂ ଓ ପ୍ରଫେସନାଲ କଲେଜ ପ୍ରତିଷ୍ଠା ପାଇଁ ରାଜ୍ୟ ସରକାରଙ୍କ ପକ୍ଷରୁସର୍ବନିମ୍ନ ଭିତ୍ତିଭୂମି କିମ୍ବା ଶିକ୍ଷକ ସଂଖ୍ୟା ଉପରେ ଆଉ କଡ଼ା ସର୍ତ୍ତ ରହିବ ନାହିଁ।

ତେବେ ଏହାର ଅର୍ଥ ଏହା ନୁହେଁ ଯେ ଶିକ୍ଷାର ଗୁଣବତ୍ତାରେ କୌଣସି ଆପୋଷ ହେବ। ସମସ୍ତ ଶିକ୍ଷାନୁଷ୍ଠାନକୁୟୁଜିସି (UGC), ଏଆଇସିଟିଇ (AICTE), ଏନଏମସି (NMC) ଓ ଆଇଏନସି (INC)ଭଳି କେନ୍ଦ୍ରୀୟ ନିୟାମକ ସଂସ୍ଥାର ନିର୍ଦ୍ଧାରିତ ସମସ୍ତ ମାନଦଣ୍ଡ ଓ ନିୟମକୁ କଡ଼ାକଡ଼ି ପାଳନ କରିବାକୁ ପଡ଼ିବ।

ସରକାରବନ୍ଧକ ଅର୍ଥରାଶି (Pledge Money)ପରିମାଣକୁ ମଧ୍ୟ ଯଥେଷ୍ଟ କମାଇଛନ୍ତି। ନୂତନ ନିୟମ ଅନୁସାରେ—

• ସେଲ୍ଫ-ଫାଇନାନ୍ସିଂ ଓ ପ୍ରଫେସନାଲ କଲେଜ ପାଇଁ ବନ୍ଧକ ଅର୍ଥରାଶି ୫ ଲକ୍ଷ ଟଙ୍କାଧାର୍ଯ୍ୟ କରାଯାଇଛି।
• ବେସରକାରୀ ଅନୁଦାନପ୍ରାପ୍ତ ଓ ବ୍ଲକ୍ ଗ୍ରାଣ୍ଟ କଲେଜ ପାଇଁ ଏହାକୁ ମାତ୍ର ୧ ଲକ୍ଷ ଟଙ୍କାକରାଯାଇଛି।

ଏହି ନୂଆ ନିର୍ଦ୍ଦେଶ ସମ୍ପର୍କରେ ଉଚ୍ଚଶିକ୍ଷା ବିଭାଗ ପକ୍ଷରୁବାଲେଶ୍ୱର, ଭୁବନେଶ୍ୱର, ବ୍ରହ୍ମପୁର, ସମ୍ବଲପୁର ଓ ଜୟପୁରଆଞ୍ଚଳିକ ଶିକ୍ଷା ନିର୍ଦ୍ଦେଶକଙ୍କ ସମେତ ସମସ୍ତ ବିଶ୍ୱବିଦ୍ୟାଳୟର ରେଜିଷ୍ଟ୍ରାରଙ୍କୁ ଚିଠି ଲେଖି ଅବଗତ କରାଯାଇଛି।

ରାଜ୍ୟ ସରକାରଙ୍କ ମତରେ,ଉଚ୍ଚଶିକ୍ଷାର ପ୍ରସାର, Ease of Doing Businessକୁ ପ୍ରୋତ୍ସାହନ ଏବଂ ଅଧିକ ସଂଖ୍ୟକ ନୂଆ କଲେଜ ସ୍ଥାପନକୁ ଉତ୍ସାହିତ କରିବାପାଇଁ ଏହି ନିୟମରେ କୋହଳ କରାଯାଇଛି।