ବ୍ୟକ୍ତିଗତ କାରଣରେ ରାଜ୍ୟ ବାହାରକୁ କିମ୍ବା ବିଦେଶ ଯାତ୍ରା କରୁଥିବା ସରକାରୀ କର୍ମଚାରୀ ଓ ଅଧିକାରୀଙ୍କ ପାଇଁ ଅର୍ଥ ବିଭାଗ କଡ଼ା ନିୟମ ଜାରି କରିଛି। ଏଣିକି ଓଡ଼ିଶା ବାହାରକୁ କିମ୍ବା ବିଦେଶ ଗସ୍ତ ପୂର୍ବରୁ ସମ୍ପୃକ୍ତ କର୍ମଚାରୀଙ୍କୁ ଅତି କମ୍ରେ୨୧ ଦିନ ପୂର୍ବରୁଛୁଟି ପାଇଁ ଆବେଦନ କରିବାକୁ ପଡ଼ିବ।
ଅର୍ଥ ବିଭାଗର ଅତିରିକ୍ତ ସଚିବ ସାଗରିକା ହୋତାଙ୍କ ପକ୍ଷରୁ ଜାରି ନିର୍ଦ୍ଦେଶରେ କୁହାଯାଇଛି ଯେ, କେବଳ ଛୁଟି ଆବେଦନ କଲେ ହେବ ନାହିଁ, ବରଂ ସମ୍ପୃକ୍ତ କର୍ତ୍ତୃପକ୍ଷଙ୍କଠାରୁ ଛୁଟି ମଞ୍ଜୁର କରାଇବା ସହ ସଦର ମହକୁମା (Headquarters) ଛାଡ଼ିବା ପାଇଁ ମଧ୍ୟ ପୂର୍ବାନୁମତି ନେବା ଆବଶ୍ୟକ।
ଏହି ନିର୍ଦ୍ଦେଶ ଓଡ଼ିଶା ସେଲ୍ସ ଟ୍ୟାକ୍ସ ଟ୍ରିବ୍ୟୁନାଲ, ବାଣିଜ୍ୟିକ କର ଓ ଜିଏସ୍ଟି କମିଶନର, ଟ୍ରେଜେରୀ, ଲୋକାଲ୍ ଫଣ୍ଡ ଅଡିଟ୍, ଆକାଉଣ୍ଟସ୍ କଣ୍ଟ୍ରୋଲର ଓ ଅର୍ଥ ବିଭାଗ ଅଧୀନର ସମସ୍ତ କାର୍ଯ୍ୟାଳୟକୁ ପଠାଯାଇଛି।
ଅର୍ଥ ବିଭାଗ କହିଛି ଯେ, ନିକଟ ଅତୀତରେ ଅନେକ କର୍ମଚାରୀ ପୂର୍ବାନୁମତି ବିନା ରାଜ୍ୟ ବାହାରକୁ ଯାତ୍ରା କରୁଥିବା କିମ୍ବା ଅତି କମ୍ ସମୟ ପୂର୍ବରୁ ଛୁଟି ଆବେଦନ କରୁଥିବା ଦେଖାଯାଇଛି। ଏଥିପାଇଁ ସମୟରେ ଛୁଟି ମଞ୍ଜୁର କରିବା ଓ ଅନୁମତି ପ୍ରଦାନ କରିବାରେ ପ୍ରଶାସନିକ ସମସ୍ୟା ସୃଷ୍ଟି ହେଉଛି।
ନୂଆ ନିୟମ ଅନୁସାରେ ବିଭାଗୀୟ ମୁଖ୍ୟମାନେ ନିଜ ଅଧୀନରେ କାର୍ଯ୍ୟରତ ସମସ୍ତ ଅଧିକାରୀ ଓ କର୍ମଚାରୀଙ୍କୁ ଏହି ନିର୍ଦ୍ଦେଶ ସମ୍ପର୍କରେ ଅବଗତ କରାଇବେ। କେବଳ ଜରୁରୀ ପରିସ୍ଥିତିରେ ଏହି ୨୧ ଦିନର ସମୟସୀମାରୁ ବ୍ୟତିକ୍ରମ କରାଯାଇପାରିବ।
ସରକାରଙ୍କ ମତାନୁସାରେ, ଏହି ପଦକ୍ଷେପ ମାଧ୍ୟମରେ ସରକାରୀ କାର୍ଯ୍ୟାଳୟରେ ପ୍ରଶାସନିକ ଶୃଙ୍ଖଳା ବଜାୟ ରହିବା ସହ ଛୁଟି ପରିଚାଳନା ବ୍ୟବସ୍ଥା ଅଧିକ ସ୍ୱଚ୍ଛ, ଦାୟିତ୍ୱଶୀଳ ଓ ସୁବ୍ୟବସ୍ଥିତ ହେବ।
୨୦୦୪ ଲୋକସଭା ନିର୍ବାଚନ ପରେ ଡ଼. ମନମୋହନ ସିଂହଙ୍କ ନେତୃତ୍...
ବ୍ରହ୍ମପୁର ସହରରେ ପୁଣିଥରେ କୋଭିଡ୍ ସଂକ୍ରମଣ ଦେଖିବାକୁ ମି...
ଦେଶର ରାଜଧାନୀ ଦିଲ୍ଲୀର ଜନ୍ତର-ମନ୍ତରରେ ଛାତ୍ରଛାତ୍ରୀଙ୍କ...
ରାଜଧାନୀ ଦିଲ୍ଲୀରେ ଆନ୍ଦୋଳନର ରାଜନୀତି ପୁଣିଥରେ ଚର୍ଚ୍ଚାର...
ମେଷ ଏହି ସପ୍ତାହ ଆପଣଙ୍କ କର୍ମକ୍ଷେତ୍ର ପାଇଁ ଉତ୍ସାହଜନ...
ଅନଲାଇନ୍ ସପିଂ ବର୍ତ୍ତମାନ ସମୟରେ ଦୈନନ୍ଦିନ ଜୀବନର ଏକ ଅଂଶ...
ଦେଶବ୍ୟାପୀ ନିଟ୍ ପରୀକ୍ଷା ବିବାଦ ଓ ଶିକ୍ଷା ବ୍ୟବସ୍ଥାକୁ ନ...
ବର୍ଷା ଋତୁ ଆସିବା ସହ ଦେଶର ବିଭିନ୍ନ ଅଞ୍ଚଳରେ ଭାଇରାଲ୍ ସଂ...
ଓଡ଼ିଶାରେ କୋଭିଡ୍-୧୯ ମାମଲାକୁ ନେଇ ଜନସ୍ୱାସ୍ଥ୍ୟ ବିଭାଗ ପ...
