ଓଡ଼ିଶାରେ ପେଟ୍ରୋଲ ଓ ଡିଜେଲ ଅଭାବକୁ ନେଇ ସୃଷ୍ଟି ହୋଇଥିବା ଆତଙ୍କ ମଧ୍ୟରେ ରାଜ୍ୟ ସରକାର ପକ୍ଷରୁ ସ୍ପଷ୍ଟୀକରଣ ଦିଆଯାଇଛି। ଖାଦ୍ୟ ଯୋଗାଣ ଓ ଉପଭୋକ୍ତା କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ଶୁକ୍ରବାର କହିଛନ୍ତି ଯେ ରାଜ୍ୟରେ ପେଟ୍ରୋଲ ଓ ଡିଜେଲର କୌଣସି ଅଭାବ ନାହିଁ ଏବଂ ଲୋକମାନେ ଆତଙ୍କିତ ହୋଇ ଅଧିକ ତେଲ କିଣିବାରୁ ବିରତ ରହିବା ଆବଶ୍ୟକ।
ସମ୍ପ୍ରତି ରାଜ୍ୟର ବିଭିନ୍ନ ସ୍ଥାନରେ ପେଟ୍ରୋଲ ପମ୍ପଗୁଡ଼ିକରେ ଲମ୍ବା ଲାଇନ୍ ଓ ତେଲ କିଣିବା ପାଇଁ ଭିଡ଼ ଦେଖାଯାଇଥିବା ବେଳେ ଲୋକମାନେ ଜେରିକ୍ୟାନ୍ ଓ ବଡ଼ ବଡ଼ ଡବାରେ ତେଲ ସଂଗ୍ରହ କରୁଥିବା ଦେଖାଯାଇଥିଲା।
ଏହି ପରିସ୍ଥିତିକୁ ନେଇ ଲୋକସେବା ଭବନରେ ବିଭିନ୍ନ ତୈଳ କମ୍ପାନୀର ଅଧିକାରୀମାନଙ୍କ ସହ ଯୋଗାଣ ମନ୍ତ୍ରୀ ଏକ ସମୀକ୍ଷା ବୈଠକ କରିଥିଲେ। ବୈଠକ ପରେ ସେ କହିଥିଲେ ଯେ ଆତଙ୍କିତ ହୋଇ ଅଧିକ ତେଲ କିଣିବାରୁ ଗତ କିଛି ଦିନ ଧରି ଚାହିଦା ହଠାତ୍ ବଢ଼ିଯାଇଛି।
ମନ୍ତ୍ରୀଙ୍କ କହିବା ଅନୁଯାୟୀ, ବର୍ତ୍ତମାନ ରାଜ୍ୟରେ ଆଗାମୀ ୧୩ ଦିନ ପାଇଁ ପର୍ଯ୍ୟାପ୍ତ ତେଲ ମଜୁତ ରହିଛି ଏବଂ ଇନ୍ଧନ ଯୋଗାଣ ଉପରେ ସରକାର ପକ୍ଷରୁ କୌଣସି କଟକଣା ଲାଗୁ କରାଯାଇନାହିଁ।
ସେ କହିଥିଲେ ଯେ ପେଟ୍ରୋଲ ପମ୍ପଗୁଡ଼ିକରେ ଅତ୍ୟଧିକ ଭିଡ଼ ହେବାରୁ ତୈଳ କମ୍ପାନୀମାନେ ସମସ୍ତଙ୍କୁ ତେଲ ଯୋଗାଇବା ପାଇଁ ସୀମିତ ପରିମାଣରେ ବିତରଣ କରୁଛନ୍ତି। ଏହା ସରକାରଙ୍କ ନିର୍ଦ୍ଦେଶ ନୁହେଁ ବୋଲି ସେ ସ୍ପଷ୍ଟ କରିଥିଲେ।
କୃଷ୍ଣଚନ୍ଦ୍ର ପାତ୍ର ଲୋକମାନଙ୍କୁ ଆହ୍ୱାନ କରି କହିଥିଲେ ଯେ ଆବଶ୍ୟକତା ଅନୁଯାୟୀ ମାତ୍ର ତେଲ କିଣନ୍ତୁ ଏବଂ ଘରେ ଜେରିକ୍ୟାନ୍ କିମ୍ବା ଡବାରେ ତେଲ ମଜୁତ କରନ୍ତୁ ନାହିଁ।
ଏପଟେ ଇଣ୍ଡିଆନ ଓଇଲ କର୍ପୋରେସନ୍ର ସିଜିଏମ୍ କମଲ ଶୀଲ ମଧ୍ୟ ରାଜ୍ୟରେ ପର୍ଯ୍ୟାପ୍ତ ଇନ୍ଧନ ମଜୁତ ଥିବା ସୂଚନା ଦେଇ ଲୋକମାନଙ୍କୁ ଗୁଜବରେ ବିଶ୍ୱାସ ନ କରିବାକୁ ଅନୁରୋଧ କରିଛନ୍ତି।
ନୂଆଦିଲ୍ଲୀ:NEET-UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ...
କୋରାପୁଟସ୍ଥିତ କେନ୍ଦ୍ରୀୟ ଓଡ଼ିଶା ବିଶ୍ୱବିଦ୍ୟାଳୟ (CUO)ର...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
ସରକାରୀ ଚାକିରିର ସ୍ଥିରତା ଛାଡ଼ି ନିଜ ପିଲାଦିନର ସ୍ୱପ୍ନ ପ...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ପ୍ରଥମ ଶ୍ରେଣୀ ପାଠ୍ୟପୁସ୍ତକକୁ ନେଇ ଚାଲିଥିବା ବିବାଦ ମଧ୍ୟ...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
