ଓଡ଼ିଶାରେ ବନ୍ୟାଜଳ ଧୀରେଧୀରେ ହ୍ରାସ ପାଇବା ଆରମ୍ଭ କରିଥିଲେ ମଧ୍ୟ ବନ୍ୟାର ପ୍ରକୃତ ଚିତ୍ର ଏବେ ସାମ୍ନାକୁ ଆସୁଛି। ବିଭିନ୍ନ ଜିଲ୍ଲାରେ ଘରଦ୍ୱାର, ଚାଷଜମି ଓ ଫସଲ ବ୍ୟାପକ ଭାବେ ନଷ୍ଟ ହୋଇଥିବାରୁ ଲୋକଙ୍କ ଜୀବନ ପୁଣି ସ୍ୱାଭାବିକ ହେବାକୁ ସମୟ ଲାଗିବ।
ବିଶେଷକରିଭଦ୍ରକ ଓ ଯାଜପୁରଜିଲ୍ଲାରେ ବନ୍ୟାର ପ୍ରଭାବ ଗୁରୁତର ରହିଛି। ଜଳ ହ୍ରାସ ପାଇବା ପରେ ଦୀର୍ଘ ସମୟ ଧରି ପାଣିରେ ବୁଡ଼ି ରହିଥିବା ଚାଷଜମିରେ ହୋଇଥିବା କ୍ଷୟକ୍ଷତି ସ୍ପଷ୍ଟ ହେବାରେ ଲାଗିଛି। ଲଙ୍କା, ଅମୃତଭଣ୍ଡା, କଖାରୁ ଓ ପୋଟଳ ଭଳି ପନିପରିବା ଫସଲ ନଷ୍ଟ ହୋଇଯାଇଥିବାରୁ ଚାଷୀମାନେ ବଡ଼ ଆର୍ଥିକ କ୍ଷତିର ସମ୍ମୁଖୀନ ହୋଇଛନ୍ତି।
ବନ୍ୟାପାଣି ଛାଡ଼ିବା ପରେ ଅନେକ ପରିବାର ନିଜ ଘରକୁ ଫେରିଥିଲେ ମଧ୍ୟ ସେମାନଙ୍କ ସାମ୍ନାରେ ରହିଛି ଘର ସଫା କରିବା, ନଷ୍ଟ ହୋଇଥିବା ସାମଗ୍ରୀ ପୁଣି ଯୋଗାଡ଼ କରିବା ଏବଂ ଜୀବିକାକୁ ପୁନଃ ଗଢ଼ିବାର ବଡ଼ ଚ୍ୟାଲେଞ୍ଜ। ଚାଷୀଙ୍କ ପାଇଁ ଫସଲ ନଷ୍ଟ ହେବା ଆଗାମୀ ଦିନର ଆୟ ଉପରେ ମଧ୍ୟ ଗଭୀର ପ୍ରଭାବ ପକାଇଛି।
ଏପଟେକଟକର ମୁଣ୍ଡଳୀରେ ମହାନଦୀ ଜଳସ୍ତର ପୁଣି ବଢ଼ିବାନେଇ ନଜର ରହିଛି। ସମ୍ବଲପୁରର ହୀରାକୁଦ ଡ୍ୟାମ୍ରୁ ଛଡ଼ାଯାଇଥିବା ବନ୍ୟାଜଳ ପ୍ରାୟ ୪୦ ଘଣ୍ଟା ପରେ ମୁଣ୍ଡଳୀରେ ପହଞ୍ଚିବା ପରେ ନଦୀର ଜଳପ୍ରବାହ ବଢ଼ିଛି।
ବନ୍ୟାଜଳ କମିବା ସହ ପ୍ରଶାସନ ପକ୍ଷରୁ ରିଲିଫ୍, ଥଇଥାନ ଓ କ୍ଷୟକ୍ଷତି ଆକଳନ ଉପରେ ଗୁରୁତ୍ୱ ଦିଆଯାଉଛି। ତେବେ ଫଟୋ ଓ ଭୂମିସ୍ତରର ଚିତ୍ର ସ୍ପଷ୍ଟ କରୁଛି ଯେ, ପାଣି କମିଲେ ମଧ୍ୟ ବନ୍ୟାର କ୍ଷତ ଏତେ ସହଜରେ ଭରିବ ନାହିଁ।
ଓଡ଼ିଶାରଅଲ୍ ଓଡ଼ିଶା ମେଡିକାଲ୍ PG ପରୀକ୍ଷାରେ General Su...
ନିଟ୍ ପ୍ରଶ୍ନପତ୍ର ଲିକ୍କୁ ନେଇ ଦେଶବ୍ୟାପୀ ଚର୍ଚ୍ଚା ଚାଲିଥ...
ଓଡ଼ିଶାରେ ପିଜି ମେଡିକାଲ୍ ପରୀକ୍ଷାର ପ୍ରଶ୍ନପତ୍ର ଲିକ୍ ଅଭ...
ଲକ୍ଷ୍ଣୌ:ଉତ୍ତର ପ୍ରଦେଶର ରାୟବରେଲୀ ଜିଲ୍ଲାରେ ଏକ ଚାଞ୍ଚଲ୍...
ଜନ୍ତର ମନ୍ତରରେ ହୋଇଥିବା ଏକ ପ୍ରତିବାଦ ସମୟରେ ପ୍ରଧାନମନ୍ତ...
ସୁବର୍ଣ୍ଣପୁର ଜିଲ୍ଲାର ବିନିକା କମ୍ୟୁନିଟି ହେଲ୍ଥ ସେଣ୍ଟର...
NEET-PG ୨୦୨୬ପରୀକ୍ଷା ପାଇଁ କେନ୍ଦ୍ର ସରକାର ପକ୍ଷରୁ ସୁରକ...
ଜନ୍ତର ମନ୍ତରରେ ହୋଇଥିବା ସମ୍ପ୍ରତିର ପ୍ରତିବାଦକୁ ନେଇ ପ୍ର...
ଓଡ଼ିଶାର ବାଲେଶ୍ୱର ଜିଲ୍ଲାର ବନ୍ୟା ପ୍ରଭାବିତଭାଗୀରଥୀପୁର...
ଚନ୍ଦ୍ରନାଥ ରଥ ହତ୍ୟାକାଣ୍ଡର ତଦନ୍ତ କରୁଥିବା କେନ୍ଦ୍ରୀୟ ଅ...
ଓଡ଼ିଶା ସରକାରଫୁଲବାଣୀ ମେଡିକାଲ କଲେଜର ନାମ ପରିବର୍ତ୍ତନ କ...
