ଓଡ଼ିଶାରେ ଲଗାଣ ବର୍ଷା ପରେ ସୃଷ୍ଟି ହୋଇଥିବା ବନ୍ୟା ପରିସ୍ଥିତି ବୁଧବାର ସୁଦ୍ଧା ଗୁରୁତର ରହିଛି। ବନ୍ୟା ଯୋଗୁଁ୩ ଜଣଙ୍କ ମୃତ୍ୟୁଘଟିଥିବାବେଳେ୨ ଲକ୍ଷରୁ ଅଧିକ ଲୋକ ପ୍ରଭାବିତହୋଇଛନ୍ତି। ଉତ୍ତର ଓଡ଼ିଶାର ଅନେକ ଅଞ୍ଚଳ ବନ୍ୟା ଜଳରେ ଜଳବନ୍ଦୀ ହୋଇପଡ଼ିଛି।

ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀସୁରେଶ ପୂଜାରୀକହିଛନ୍ତି ଯେ, ମୃତକମାନଙ୍କ ମଧ୍ୟରେ ଜଣେ ଅଗ୍ନିଶମ କର୍ମଚାରୀ, ଜଣେ ବୃଦ୍ଧ ଏବଂ ଜଣେ ଶିଶୁ ରହିଛନ୍ତି। ଏହି ତିନିଟି ଘଟଣାକେନ୍ଦୁଝର ଜିଲ୍ଲାରୁରିପୋର୍ଟ ହୋଇଛି।

ଡ୍ୟୁଟି ସମୟରେ ଜଳ ନିଷ୍କାସନ କାର୍ଯ୍ୟ କରୁଥିବା ବେଳେ ଜଣେ ଅଗ୍ନିଶମ କର୍ମଚାରୀ ବିଦ୍ୟୁତ୍ ସ୍ପର୍ଶରେ ପ୍ରାଣ ହରାଇଥିଲେ। ଅନ୍ୟପଟେ କାନ୍ଥ ଭୁଶୁଡ଼ି ପଡ଼ିବାରୁ ଜଣେ ବୃଦ୍ଧଙ୍କ ମୃତ୍ୟୁ ଘଟିଥିବାବେଳେ ବନ୍ୟା ଜଳରୁ ଜଣେ ଶିଶୁଙ୍କ ମୃତଦେହ ଉଦ୍ଧାର କରାଯାଇଛି।

ମନ୍ତ୍ରୀ କହିଛନ୍ତି ଯେ, ସବୁଠାରୁ ଅଧିକ ପ୍ରଭାବିତବାଲେଶ୍ୱର, ଭଦ୍ରକ ଓ ଯାଜପୁରଜିଲ୍ଲାରୁ କୌଣସି ମାନବ କିମ୍ବା ପଶୁହାନିର ଖବର ମିଳିନାହିଁ।

ମୁଖ୍ୟମନ୍ତ୍ରୀମୋହନ ଚରଣ ମାଝୀବନ୍ୟା ପରିସ୍ଥିତି ଉପରେ ନିରନ୍ତର ନଜର ରଖିଥିବା କହିବା ସହ ଲୋକଙ୍କୁ ଭୟଭୀତ ନହେବାକୁ ଅନୁରୋଧ କରିଛନ୍ତି। ସେ କହିଛନ୍ତି ଯେ ପ୍ରତ୍ୟେକ ନାଗରିକଙ୍କ ଜୀବନ ଓ ସୁରକ୍ଷା ସରକାରଙ୍କ ସର୍ବୋଚ୍ଚ ପ୍ରାଥମିକତା।

ଅଗ୍ନିଶମ ବିଭାଗର ମହାନିର୍ଦ୍ଦେଶକସୁଧାଂଶୁ ଷଡ଼ଙ୍ଗୀକହିଛନ୍ତି ଯେ, ଗତ ୨୪ ଘଣ୍ଟା ମଧ୍ୟରେ ଜଳବନ୍ଦୀ ଗାଁରୁ୨୧୨ ଜଣଙ୍କୁ ସୁରକ୍ଷିତ ଉଦ୍ଧାରକରାଯାଇଛି।

ବନ୍ୟା ଯୋଗୁଁବାଲେଶ୍ୱର, ଭଦ୍ରକ, ଯାଜପୁର, ମୟୂରଭଞ୍ଜ, ସମ୍ବଲପୁର ଓ ଢେଙ୍କାନାଳଜିଲ୍ଲା ଅଧିକ ପ୍ରଭାବିତ ହୋଇଛି। ଏହା ବ୍ୟତୀତକେନ୍ଦୁଝର, ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼, ନୂଆପଡ଼ା, କଳାହାଣ୍ଡି, ରାୟଗଡ଼ା ଓ ଗଜପତିଜିଲ୍ଲାରେ ମଧ୍ୟ ବନ୍ୟା ପରିସ୍ଥିତି ସୃଷ୍ଟି ହୋଇଛି।

ସରକାରୀ ସୂଚନା ଅନୁଯାୟୀ୪୪ଟି ବ୍ଲକର ୨୬୬ଟି ଗାଁ ଜଳବନ୍ଦୀହୋଇଥିବାବେଳେ୭୬୧ଟି ଘର କ୍ଷତିଗ୍ରସ୍ତହୋଇଛି ଏବଂ୭,୯୦୧ ହେକ୍ଟର କୃଷିଜମିବନ୍ୟା ଜଳରେ ବୁଡ଼ି ଯାଇଛି। ବନ୍ୟା ପରିସ୍ଥିତିକୁ ଦୃଷ୍ଟିରେ ରଖି୧୦ଟି ଜିଲ୍ଲାର ସ୍କୁଲ ଓ ଅଙ୍ଗନୱାଡ଼ି କେନ୍ଦ୍ର ବନ୍ଦରଖିବାକୁ ନିର୍ଦ୍ଦେଶ ଦିଆଯାଇଛି।

ଜିଲ୍ଲା ପ୍ରଶାସନ ପକ୍ଷରୁ ନିମ୍ନାଞ୍ଚଳରୁ ପ୍ରାୟ୩୦ ହଜାର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରକରାଯାଇଛି। ରିଲିଫ୍ କେନ୍ଦ୍ରରେ ରନ୍ଧା ଖାଦ୍ୟ ଯୋଗାଇ ଦିଆଯାଉଛି।NDRF, ODRAF ଓ ଅଗ୍ନିଶମ ବାହିନୀଉଦ୍ଧାର ଓ ରିଲିଫ୍ କାର୍ଯ୍ୟରେ ନିୟୋଜିତ ଅଛନ୍ତି।

ଜଳ ସମ୍ପଦ ବିଭାଗ ସୂଚନା ଦେଇଛି ଯେ ଅଞ୍ଚଳର ପ୍ରମୁଖ ନଦୀଗୁଡ଼ିକ ବିପଦ ସଙ୍କେତ ଉପରେ ପ୍ରବାହିତ ହେଉଛନ୍ତି। ହୀରାକୁଦ ଜଳଭଣ୍ଡାରର ଜଳସ୍ତର ବଢ଼ୁଥିବାରୁ ଆବଶ୍ୟକ ପଡ଼ିଲେ ଅଧିକ ସ୍ଲୁଇସ୍ ଗେଟ୍ ଖୋଲାଯିବ ବୋଲି ସରକାର କହିଛନ୍ତି। ଭାରତୀୟ ପାଣିପାଗ ବିଭାଗ (IMD) ଆଗାମୀ ୨୪ ଘଣ୍ଟା ପାଇଁ ରାଜ୍ୟର ବିଭିନ୍ନ ସ୍ଥାନରେପ୍ରବଳରୁ ଅତି ପ୍ରବଳ ବର୍ଷାର ପୂର୍ବାନୁମାନ କରିଛି।