ରାଜ୍ୟରେ ଗତ କିଛି ଦିନ ଧରି ଜାରି ରହିଥିବା ବନ୍ୟା ସ୍ଥିତିରେ ଏବେ ସୁଧାର ଆସିଛି। ବିଭିନ୍ନ ପ୍ରମୁଖ ନଦୀର ଜଳସ୍ତର ବିପଦ ସଙ୍କେତ ତଳକୁ ଖସିବା ପରେ ଜଳସମ୍ପଦ ବିଭାଗ ପକ୍ଷରୁ ଆଶ୍ୱସ୍ତି ପ୍ରକାଶ କରାଯାଇଛି।
ଜଳସମ୍ପଦ ବିଭାଗର ମୁଖ୍ୟଯନ୍ତ୍ରୀଦିଲୀପ କୁମାର ରାଉତରବିବାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ନଦୀଗୁଡ଼ିକର ଜଳସ୍ତର କ୍ରମାଗତ ଭାବେ କମୁଥିବାରୁ ପ୍ରଶାସନ ସହ ବନ୍ୟା ପ୍ରଭାବିତ ଲୋକଙ୍କୁ ମଧ୍ୟ ଆଶ୍ୱସ୍ତି ମିଳିଛି। ଏବେ ରାଜ୍ୟର କୌଣସି ସ୍ଥାନରେ ବନ୍ୟା ସ୍ଥିତି ନଥିବା ବିଭାଗ କହିଛି।
ମୁଖ୍ୟଯନ୍ତ୍ରୀଙ୍କ ସୂଚନା ଅନୁସାରେ,ଆନନ୍ଦପୁର ବ୍ୟାରେଜ୍ରେ ଜଳସ୍ତର ୩୪.୬୬ ଫୁଟ୍ ରହିଛି। ଏଠାରେ ବିପଦ ସଙ୍କେତ ୩୮.୬୬ ଫୁଟ୍ ଥିବାରୁ ଜଳସ୍ତର ପ୍ରାୟ ୪ ଫୁଟ୍ ତଳେ ରହିଛି। ବ୍ୟାରେଜ୍ ଦେଇ ସୁରକ୍ଷିତ ଭାବେ ପାଣି ଛଡ଼ାଯାଉଛି ଏବଂ ସେଠାରେ ବନ୍ୟା ଭଳି ସ୍ଥିତି ନାହିଁ।
ସେହିପରିସାଳନ୍ଦୀ ନଦୀରଜଳସ୍ତର ୧୨.୬୬ ଫୁଟ୍କୁ ଖସିଛି। ଏଠାରେ ବିପଦ ସଙ୍କେତ ୧୭ ଫୁଟ୍ ରହିଛି। ତେଣୁ ନଦୀକୂଳିଆ ଗାଁଗୁଡ଼ିକ ପାଇଁ ତୁରନ୍ତ ବନ୍ୟା ବିପଦ ନଥିବା ବିଭାଗ କହିଛି।
ଅନ୍ୟପକ୍ଷରେଜଳକା ବ୍ରିଜ୍ନିକଟରେ ଜଳସ୍ତର ୬.୧୦ ମିଟର ରହିଥିବା ବେଳେ ବିପଦ ସଙ୍କେତ ୬.୫୦ ମିଟର ରହିଛି।
ଜଳକା ଅଞ୍ଚଳରେ ପାଣି କମିବାରେ କାହିଁକି ବିଳମ୍ବ ହେଉଛି, ସେନେଇ ମୁଖ୍ୟଯନ୍ତ୍ରୀ କହିଛନ୍ତି ଯେ ସମୁଦ୍ରର ନିକଟତା ଓ ଜୁଆର ପ୍ରଭାବ ଯୋଗୁଁ ପାଣି ନିଷ୍କାସନ ଧୀରେ ହେଉଛି। ତେଣୁ ସମ୍ପୂର୍ଣ୍ଣ ଭାବେ ଜଳସ୍ତର କମିବାକୁ ଆଉ କିଛି ସମୟ ଲାଗିପାରେ।
ବର୍ତ୍ତମାନରେଙ୍ଗାଲି ଡ୍ୟାମ୍ର ଗୋଟିଏ ଗେଟ୍ଖୋଲା ରହିଛି। ତଳମୁଣ୍ଡରେ ବନ୍ୟା ଆଶଙ୍କା ନଥିବାରୁ ଜଳ ନିଷ୍କାସନ ନିୟନ୍ତ୍ରିତ ଭାବେ ଜାରି ରହିଛି।
ପୂର୍ବରୁ ଏଠାରେ ବନ୍ୟା ଜଳ ନିଷ୍କାସନ ପ୍ରାୟ ୮୦୦ କ୍ୟୁସେକ୍ ଥିଲା। ବର୍ତ୍ତମାନ ସେଠାରେ ବନ୍ୟା ସ୍ଥିତି ନଥିବା ବିଭାଗ ପକ୍ଷରୁ ସୂଚନା ଦିଆଯାଇଛି।
ବନ୍ୟା ପରବର୍ତ୍ତୀ ପୁନରୁଦ୍ଧାର ସହ ଆଗାମୀ ବର୍ଷାକୁ ଦୃଷ୍ଟିରେ ରଖି ଭାଙ୍ଗିଥିବା ନଦୀବନ୍ଧଗୁଡ଼ିକର ମରାମତି ଆରମ୍ଭ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି।
ବୈତରଣୀ ନଦୀରେ ଚିହ୍ନଟ ହୋଇଥିବା୪ଟି ନଦୀବନ୍ଧ ଭଙ୍ଗା ସ୍ଥାନ ମଧ୍ୟରୁ ୩ଟିରେ ମରାମତି କାମ ଆରମ୍ଭହୋଇସାରିଛି। ଉପରମୁଣ୍ଡରେ ଥିବା ଅନ୍ୟ ଏକ ଭଙ୍ଗା ସ୍ଥାନରେ ଜଳସ୍ତର ଆହୁରି କମିବା ପରେ ମରାମତି କାମ କରାଯିବ।
ଗତକାଲି ହୋଇଥିବା ସମୀକ୍ଷା ବୈଠକରେ ଆଗାମୀ ଭାରି ବର୍ଷାକୁ ଦୃଷ୍ଟିରେ ରଖି ନଦୀବନ୍ଧ ମରାମତି କାମ ତୁରନ୍ତ ଆରମ୍ଭ କରିବାକୁ ଅଧିକାରୀମାନଙ୍କୁ କୁହାଯାଇଥିଲା।
ନଦୀଗୁଡ଼ିକର ଜଳସ୍ତର କ୍ରମାଗତ ଭାବେ କମୁଥିବାରୁ ପ୍ରଭାବିତ ଅଞ୍ଚଳଗୁଡ଼ିକରେ ଧୀରେ ଧୀରେ ସ୍ୱାଭାବିକ ସ୍ଥିତି ଫେରିବ ବୋଲି ଜଳସମ୍ପଦ ବିଭାଗ ଆଶା ପ୍ରକାଶ କରିଛି। ତେବେ ନଦୀବନ୍ଧ ମରାମତି ଓ ପୁନରୁଦ୍ଧାର କାମକୁ ପ୍ରାଥମିକତା ଦିଆଯିବ।
ଅଗଷ୍ଟ ମାସରୁ ସାଧାରଣ ଲୋକଙ୍କ ଉପରେ ପୁଣି ମହଙ୍ଗା ମାଡ଼ ପଡ...
ଭାରତରେ ଦେଖିବାକୁ ମିଳିବ ବ୍ରାଜିଲ ଫୁଟବଲର ଯାଦୁ। ଫୁଟବଲ୍ର...
ଓଡ଼ିଶାର ବାଲେଶ୍ୱର ଜିଲ୍ଲାର ବନ୍ୟା ପ୍ରଭାବିତଭାଗୀରଥୀପୁର...
ସୁନା-ରୁପା କିଣିବାକୁ ଅପେକ୍ଷା କରିଥିବା ଗ୍ରାହକଙ୍କ ପାଇଁ...
FIH ହକି ବିଶ୍ୱକପ୍‌ ପୂର୍ବରୁ ଭାରତୀୟ ପୁରୁଷ ହକି ଦଳ...
ଇଣ୍ଡିଆନ୍ ଅଏଲ୍ କର୍ପୋରେସନ୍ ଲିମିଟେଡ୍ (IOCL) ପାରାଦୀପରେ...
ସୁବର୍ଣ୍ଣପୁର ଜିଲ୍ଲାର ବିନିକା କମ୍ୟୁନିଟି ହେଲ୍ଥ ସେଣ୍ଟର...
ଶ୍ରୀଲଙ୍କା ଗସ୍ତରେ ଭାରତୀୟ କ୍ରିକେଟ୍ ଦଳ ୨ ମ୍ୟାଚ୍ ବିଶିଷ...
ଶ୍ରୀଲଙ୍କା ବିପକ୍ଷ ଦୁଇ ମ୍ୟାଚ୍‌ ବିଶିଷ୍ଟ ଟେଷ୍ଟ୍ ଶ...
ନିଜ ଶୌକକୁ ପେଶାରେ ପରିଣତ କରିବା ସମସ୍ତଙ୍କ ପାଇଁ ସମ୍ଭବ ହ...
ଓଡ଼ିଶାରଅଲ୍ ଓଡ଼ିଶା ମେଡିକାଲ୍ PG ପରୀକ୍ଷାରେ General Su...
ଓଡ଼ିଶା ସରକାରଫୁଲବାଣୀ ମେଡିକାଲ କଲେଜର ନାମ ପରିବର୍ତ୍ତନ କ...
