ରାଜ୍ୟରେ ବେଆଇନ ଭାବେ ନିଶା ଔଷଧ ବିକ୍ରି ଓ ଏହାର ଦୁରୁପଯୋଗ ଉପରେ ରୋକ୍ ଲଗାଇବା ପାଇଁ ଡ୍ରଗ୍ସ କଣ୍ଟ୍ରୋଲ୍ ବିଭାଗ ପକ୍ଷରୁ ଜୋରଦାର ଯାଞ୍ଚ ଓ ଚଢ଼ାଉ ଜାରି ରହିଛି। ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଅଧୀନରେ ଡ୍ରଗ୍ସ କଣ୍ଟ୍ରୋଲ୍ ନିର୍ଦ୍ଦେଶାଳୟ ପୁଲିସ ସହଯୋଗରେ ଅକ୍ଟୋବର ୧ରୁ ୧୫ ତାରିଖ ପର୍ଯ୍ୟନ୍ତ ସ୍ୱତନ୍ତ୍ର ଆଣ୍ଟି-ଡ୍ରଗ୍ ଅଭିଯାନ ଚଳାଉଛି। ଏହି ଅଭିଯାନରେ ରାଜ୍ୟର ବିଭିନ୍ନ ଜିଲ୍ଲାର ହୋଲସେଲ୍ ଓ ରିଟେଲ୍ ଔଷଧ ବିକ୍ରି ପ୍ରତିଷ୍ଠାନକୁ ଯାଞ୍ଚ କରାଯାଉଛି।

ଅଭିଯାନର ମୁଖ୍ୟ ଉଦ୍ଦେଶ୍ୟ ହେଉଛି ନିଶା ପାଇଁ ବ୍ୟବହୃତ ହେଉଥିବାpsychotropic medicinesର କ୍ରୟ, ମହଜୁଦ ଓ ବିକ୍ରି ନିୟମ ଅନୁସାରେ ହେଉଛି କି ନାହିଁ, ତାହା ଯାଞ୍ଚ କରିବା। ବିଶେଷକରିAlprazolam, Nitrazepam, Pentazocine ଓ Tramadolଭଳି ଔଷଧ ବୈଧ ଡାକ୍ତରୀ ପ୍ରେସକ୍ରିପସନ୍ ବିନା ବିକ୍ରି ହେଉଛି କି ନାହିଁ, ଅଧିକାରୀମାନେ ତାହା ଯାଞ୍ଚ କରୁଛନ୍ତି।

ଡ୍ରଗ୍ସ କଣ୍ଟ୍ରୋଲ୍ ବିଭାଗର ସୂଚନା ଅନୁସାରେ, ଏପର୍ଯ୍ୟନ୍ତ୨୨୦ଟି ଔଷଧ ବିକ୍ରି ପ୍ରତିଷ୍ଠାନରେ ଚଢ଼ାଉକରାଯାଇଛି। ଯାଞ୍ଚ ସମୟରେ ନିୟମ ଉଲ୍ଲଂଘନ ଅଭିଯୋଗ ମିଳିବା ପରେ୧୩୭ଟି ପ୍ରତିଷ୍ଠାନ ବିରୋଧରେ ପ୍ରଶାସନିକ କାର୍ଯ୍ୟାନୁଷ୍ଠାନଆରମ୍ଭ କରାଯାଇଛି। ଏହି ପଦକ୍ଷେପ Drugs and Cosmetics Act, 1940 ଏବଂ ଏହା ଅଧୀନରେ ଥିବା ନିୟମ ଅନୁସାରେ ନିଆଯାଉଛି।

ଏହି ଅଭିଯାନ ସମୟରେକେନ୍ଦ୍ରାପଡ଼ା ଜିଲ୍ଲାରେ ବଡ଼ ଜବତିହୋଇଛି। ଚଢ଼ାଉ ବେଳେ ଅଧିକାରୀମାନେ୧,୧୦୦ ଆମ୍ପୁଲ୍ Pentazocine injectionସହ ଅନ୍ୟାନ୍ୟ ଔଷଧ ଓ ମେଡିକାଲ୍ ଡିଭାଇସ୍ ଜବତ କରିଛନ୍ତି। ଜବତ ସାମଗ୍ରୀର ମୋଟ ଆନୁମାନିକ ମୂଲ୍ୟ ପ୍ରାୟ୯.୭୦ ଲକ୍ଷ ଟଙ୍କାବୋଲି ଜଣାପଡ଼ିଛି।

କେବଳ କେନ୍ଦ୍ରାପଡ଼ା ନୁହେଁ, ଅନ୍ୟ କିଛି ଜିଲ୍ଲାରେ ମଧ୍ୟ ବେଆଇନ ଭାବେ ଚାଲୁଥିବା ଔଷଧ ବିକ୍ରି ପ୍ରତିଷ୍ଠାନ ବିରୋଧରେ ପଦକ୍ଷେପ ନିଆଯାଇଛି।ପୁରୀର ଅସ୍ତରଙ୍ଗ ଥାନା ଅଞ୍ଚଳ, ନୂଆପଡ଼ାର ଜୋଙ୍କ ଥାନା ଅଞ୍ଚଳ ଏବଂ ଦେବଗଡ଼ ଜିଲ୍ଲାର ବିଭିନ୍ନ ସ୍ଥାନରେଚଢ଼ାଉ କରାଯାଇ ଲାଇସେନ୍ସ ନଥିବା ପ୍ରତିଷ୍ଠାନରୁ ପ୍ରାୟ୧.୯୨ ଲକ୍ଷ ଟଙ୍କାର ଔଷଧଜବତ କରାଯାଇଛି।

ବେଆଇନ ଭାବେ ଔଷଧ ବିକ୍ରି କରୁଥିବା ଦାୟୀ ବ୍ୟକ୍ତିଙ୍କ ବିରୋଧରେ ମାମଲା ମଧ୍ୟ ରୁଜୁ ହୋଇଛି। ବିଶେଷକରି ଲାଇସେନ୍ସ ବିନା ଔଷଧ ବ୍ୟବସାୟ କରୁଥିବା ପ୍ରତିଷ୍ଠାନଗୁଡ଼ିକୁ ନେଇ କଡ଼ା ପଦକ୍ଷେପ ନିଆଯାଉଛି।

ଅଧିକାରୀମାନେ ଔଷଧ ଦୋକାନଗୁଡ଼ିକରେ କେବଳ ଔଷଧ ମହଜୁଦ ଓ ବିକ୍ରି ଯାଞ୍ଚ କରୁନାହାନ୍ତି, ବରଂ ନିଶା ପ୍ରବଣ ଔଷଧର ବିକ୍ରି ସମ୍ପର୍କିତ ରେକର୍ଡ, ପ୍ରେସକ୍ରିପସନ୍ ଏବଂ ଲାଇସେନ୍ସ ସମ୍ପର୍କିତ ଦସ୍ତାବିଜ ମଧ୍ୟ ଯାଞ୍ଚ କରୁଛନ୍ତି। ନିୟମ ଅନୁସାରେ ବିକ୍ରି ନହେଉଥିବା ଔଷଧ ମିଳିଲେ ଆଇନ ଅନୁଯାୟୀ ପଦକ୍ଷେପ ନିଆଯାଉଛି।

ଏହି ସ୍ୱତନ୍ତ୍ର ଅଭିଯାନଅକ୍ଟୋବର ୧୫ ପର୍ଯ୍ୟନ୍ତ ଜାରି ରହିବ। ଆଗାମୀ ଦିନରେ ମଧ୍ୟ ରାଜ୍ୟର ବିଭିନ୍ନ ଔଷଧ ବିକ୍ରି ପ୍ରତିଷ୍ଠାନରେ ଯାଞ୍ଚ ଓ ଚଢ଼ାଉ ଜାରି ରହିବ ବୋଲି ଡ୍ରଗ୍ସ କଣ୍ଟ୍ରୋଲ୍ ବିଭାଗ ପକ୍ଷରୁ କୁହାଯାଇଛି। ନିଶା ଔଷଧର ବେଆଇନ ବିକ୍ରି ରୋକିବା ସହ ଫାର୍ମାସ୍ୟୁଟିକାଲ୍ ବ୍ୟବସାୟରେ ଆଇନଗତ ନିୟମ ପାଳନ ସୁନିଶ୍ଚିତ କରିବା ଏହି ଅଭିଯାନର ପ୍ରମୁଖ ଲକ୍ଷ୍ୟ।

ଆହୁରି ପଢନ୍ତୁ:ରାଜ୍ୟରେ ବେଆଇନ ନିଶା ଔଷଧ ବିକ୍ରି ରୋକିବାକୁ ଡ୍ରଗ୍ସ କଣ୍ଟ୍ରୋଲ୍ ବିଭାଗର ବଡ଼ ଅଭିଯାନ; ୨୨୦ ଔଷଧ ପ୍ରତିଷ୍ଠାନରେ ଚଢ଼ାଉ, ୧୩୭ ବିରୋଧରେ କାର୍ଯ୍ୟାନୁଷ୍ଠାନ।