ଲ୍ୟାବ୍-ଗ୍ରୋନ୍ ଡାୟମଣ୍ଡ (LGD) ଶିଳ୍ପ କ୍ଷେତ୍ରରେ ଓଡ଼ିଶା ଏବେ ଏକ ପ୍ରମୁଖ ନିବେଶ ଗନ୍ତବ୍ୟ ଭାବେ ଉଭା ହୋଇଛି। ରାଜ୍ୟରେ ପ୍ରାୟ ୧୦,୦୦୦ କୋଟି ଟଙ୍କାର ନିବେଶ ହେବାର ସମ୍ଭାବନା ରହିଥିବାବେଳେ, ଏଥିରୁ ପ୍ରାୟ ୮,୦୦୦ ଚାକିରି ସୁଯୋଗ ସୃଷ୍ଟି ହେବ ବୋଲି ଶିଳ୍ପ ମହଳରୁ ସୂଚନା ମିଳିଛି।
ସମ୍ପ୍ରତି ଗାନ୍ଧୀନଗରରେ ଆୟୋଜିତ ଏକ ବୈଠକରେ ରାଜ୍ୟ ସରକାରର ବରିଷ୍ଠ ଅଧିକାରୀ ଏବଂ ଲ୍ୟାବ୍-ଗ୍ରୋନ୍ ଡାୟମଣ୍ଡ ଶିଳ୍ପର ପ୍ରମୁଖ ପ୍ରତିନିଧିମାନେ ଯୋଗ ଦେଇଥିଲେ। ବୈଠକରେ ଏହି ଶିଳ୍ପ ପାଇଁ ଆବଶ୍ୟକ ନୀତିଗତ ସହଯୋଗ ଓ ଶିଳ୍ପର ଆଶା-ଆକାଙ୍କ୍ଷା ନେଇ ଆଲୋଚନା ହୋଇଥିଲା।
ସୁରଟ ଓ ମୁମ୍ବାଇର କେତେକ ଲ୍ୟାବ୍-ଗ୍ରୋନ୍ ଡାୟମଣ୍ଡ କମ୍ପାନୀ ସହ ଓଡ଼ିଶା ସରକାର ପୂର୍ବରୁ ବୁଝାମଣା ପତ୍ର (MoU) ସ୍ୱାକ୍ଷର କରିସାରିଛନ୍ତି। ଏହା ବ୍ୟତୀତ ଅନ୍ୟାନ୍ୟ କମ୍ପାନୀ ମଧ୍ୟ ରାଜ୍ୟରେ ଉତ୍ପାଦନ ୟୁନିଟ୍ ସ୍ଥାପନ ପାଇଁ ଆଲୋଚନା ଜାରି ରଖିଛନ୍ତି।
ଲ୍ୟାବ୍-ଗ୍ରୋନ୍ ଡାୟମଣ୍ଡ ଶିଳ୍ପରେ ବିଦ୍ୟୁତ ଖର୍ଚ୍ଚ ସର୍ବାଧିକ ଥିବାରୁ, ଓଡ଼ିଶା ସରକାରଙ୍କ ବିଦ୍ୟୁତ ଶୁଳ୍କରେ ରିଆୟତି, ପାୱାର ଡ୍ୟୁଟି ଛାଡ଼ ଏବଂ ପୁଞ୍ଜି ସବସିଡି ନିବେଶକମାନଙ୍କୁ ଆକର୍ଷିତ କରିଛି।
ଗାନ୍ଧୀନଗର ବୈଠକରେ ମୁଖ୍ୟ ଶାସନ ସଚିବ ମନୋଜ ଦାସ, ଅତିରିକ୍ତ ମୁଖ୍ୟ ଶାସନ ସଚିବ (ଶିଳ୍ପ) ମମତା ବର୍ମାଙ୍କ ସମେତ ସୁରଟର ଅନେକ ଶିଳ୍ପପତି ଯୋଗ ଦେଇଥିଲେ। ବୈଠକରେ ଲ୍ୟାବ୍-ଗ୍ରୋନ୍ ଡାୟମଣ୍ଡ କ୍ଷେତ୍ର ପାଇଁ ଏକ ସ୍ୱତନ୍ତ୍ର ନୀତି ପ୍ରସ୍ତୁତି ଉପରେ ସକାରାତ୍ମକ ଆଲୋଚନା ହୋଇଥିବା ସୂଚନା ମିଳିଛି।
ଗାଜା ଯୁଦ୍ଧକୁ ନେଇ ଇସ୍ରାଏଲ ସରକାରଙ୍କ ନୀତିର ସମାଲୋଚନା କ...
ପଶ୍ଚିମ ଏସିଆରେ ଯୁଦ୍ଧ ଓ କୂଟନୈତିକ ଟଣାଓଟରା ମଧ୍ୟରେ ପରିସ...
କେନ୍ଦ୍ର ଶିକ୍ଷାମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନ ପୂର୍ବ...
ହର୍ମୁଜ୍ ପ୍ରଣାଳୀରେ ଇରାନର ପ୍ରଭାବ କ୍ରମଶଃ ବଢ଼ୁଥିବା ନେଇ...
ସଂସଦର ମୌସୁମୀ ଅଧିବେଶନର ସପ୍ତମ ଦିନରେ ମଧ୍ୟ ଲୋକସଭା ଓ ରା...
ରାଷ୍ଟ୍ରୀୟ ପ୍ରଯୁକ୍ତି ପ୍ରତିଷ୍ଠାନ (NIT) ରାଉରକେଲାର ଗବେ...
ଓଡ଼ିଶାରେ କୋଭିଡ୍-୧୯ ମାମଲାକୁ ନେଇ ଜନସ୍ୱାସ୍ଥ୍ୟ ବିଭାଗ ପ...
ପୁରୀ ଜିଲ୍ଲାର ଡେଲାଙ୍ଗା ବ୍ଲକ୍ ଅନ୍ତର୍ଗତ ଆରାଗଡ଼ା ନୋଡାଲ...
ବର୍ଷା ଋତୁ ଆସିବା ସହ ଦେଶର ବିଭିନ୍ନ ଅଞ୍ଚଳରେ ଭାଇରାଲ୍ ସଂ...
ପ୍ରଶ୍ନପତ୍ର ଲିକ୍କୁ ନେଇ ଦେଶବ୍ୟାପୀ ହୋଇଥିବା ଛାତ୍ର ଆନ୍ଦ...
ଟୋକିଓ: ଜାପାନରେ ପୁଣି ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ ହ...
ନୟାଗଡ଼ ବିଜେଡି ବିଧାୟକଅରୁଣ କୁମାର ସାହୁଙ୍କ ପାଇଁ ସୋମବାର...
