ଓଡିଶାର ଅନୁଗୁଳ ଜିଲ୍ଲାରେ ଘଟିଥିବା ଏକ ହୃଦୟବିଦାରକ ଓ ନିର୍ମମ ଘଟଣାରେ ନ୍ୟାୟାଳୟ କଠୋର ରାୟ ଦେଇଛି। ଅନୁଗୁଳ ଅତିରିକ୍ତ ଜିଲ୍ଲା ନ୍ୟାୟାଧୀଶ-ସହ ବିଶେଷ ପୋକ୍ସୋ ଆଦାଲତ ଜରେଙ୍ଗ ଗ୍ରାମର ଦେହୁରୀ ସାହିର ବାବୁଲା ଜେନା (୪୦)ଙ୍କୁ ଦୋଷୀ ସାବ୍ୟସ୍ତ କରି ମୃତ୍ୟୁଦଣ୍ଡ ଦଣ୍ଡାଦେଶ ଦେଇଛନ୍ତି।
ଏହି ମାମଲାରେ ଅଭିଯୁକ୍ତଙ୍କ ବିରୁଦ୍ଧରେ ଭାରତୀୟ ନ୍ୟାୟ ସଂହିତାର ବିଭିନ୍ନ ଧାରା, ଯଥା ଅପହରଣ, ହତ୍ୟା, ୧୨ ବର୍ଷରୁ କମ୍ ବୟସ୍କା ଶିଶୁଙ୍କୁ ଧଷ୍ଣ, ପ୍ରମାଣ ନଷ୍ଟ କରିବା ସହିତ ପୋକ୍ସୋ ଆଇନର ଗୁରୁତର ଧାରା ଅନୁସାରେ ମାମଲା ଚାଲିଥିଲା।
ମାମଲା ଅନୁସାରେ, ପିଡ଼ିତା ଗତବର୍ଷ ମାର୍ଚ୍ଚ ୧୩ ତାରିଖରେ ଘର ଆଗରେ ଖେଳୁଥିବା ବେଳେ ଅଚାନକ ନିଖୋଜ ହୋଇଯାଇଥିଲେ। ପରବର୍ତ୍ତୀ ଦିନେ ତାଙ୍କ ପିତା ପୋଲିସରେ ଅଭିଯୋଗ ଦାଖଲ କରିଥିଲେ। ମାର୍ଚ୍ଚ ୧୫ରେ ଘର ନିକଟରେ ଥିବା ଏକ ମହୁଲ ଗଛ ତଳେ ତାଙ୍କ ମୃତଦେହ ମିଳିଥିଲା।
ପୋଷ୍ଟମର୍ଟମ ରିପୋର୍ଟରୁ ଜଣାପଡ଼ିଥିଲା ଯେ ଗଳା ଦମି ହତ୍ୟା କରାଯାଇଥିଲା ଏବଂ ତାହା ପୂର୍ବରୁ ତାଙ୍କୁ ଯୌନ ନିର୍ଯାତନା ଦିଆଯାଇଥିଲା।
ତଦନ୍ତ କାଳରେ ପୋଲିସ ଚାରି ଦିନ ମଧ୍ୟରେ ଅଭିଯୁକ୍ତକୁ ଗିରଫ କରିଥିଲେ। ଅଭିଯୁକ୍ତ ଘଟଣାଦିନେ ଶିଶୁଟିକୁ ଭିଡିଓ ଦେଖାଇବା ନାମରେ ଘରକୁ ନେଇ ଧଷ୍ଣ କରିଥିଲେ ଏବଂ ପରେ ତାଙ୍କୁ ହତ୍ୟା କରିଥିଲେ।
ପରେ ସନ୍ଦେହ ଏଡ଼ାଇବା ପାଇଁ ସେ ଗ୍ରାମବାସୀଙ୍କ ସହ ଶିଶୁଟିକୁ ଖୋଜିବାରେ ମଧ୍ୟ ଯୋଗ ଦେଇଥିଲେ। ତଦନ୍ତ ଗଭୀର ହେବା ପରେ ସେ ମୃତଦେହକୁ ଅନ୍ୟତ୍ର ଫେଙ୍ଗି ଲୁଚି ଯାଇଥିଲେ।
ପୋଲିସ ତଦନ୍ତରେ ଫରେନସିକ ପ୍ରମାଣ, ଡିଏନଏ ରିପୋର୍ଟ, ସାକ୍ଷୀଙ୍କ ଜବାନବନ୍ଦୀ ଓ ଅଭିଯୁକ୍ତଙ୍କ ସ୍ୱୀକୃତିକୁ ଆଧାର କରି ମାମଲା ପ୍ରମାଣ କରିପାରିଥିଲେ।
ଏହି ରାୟ ସମାଜକୁ ଏକ କଠୋର ସନ୍ଦେଶ ଦେଉଛି ଯେ ଏପରି ନିର୍ମମ ଅପରାଧ ପ୍ରତି ଆଇନ କୌଣସି ସହିଷ୍ଣୁତା ଦେଖାଏନି।
କର୍ଣ୍ଣାଟକର ଦକ୍ଷିଣ ବେଙ୍ଗାଲୁରୁରେ ଗୁରୁବାର ସକାଳେ ଏକ ପଥ...
ଦେଶର ଅନ୍ୟତମ ପବିତ୍ର ତୀର୍ଥଯାତ୍ରା ଶ୍ରୀ ଅମରନାଥ ଯାତ୍ରା-...
ଦିଲ୍ଲୀ ପୁଲିସର ସ୍ପେଶାଲ ସେଲ୍ ଏକ ବଡ଼ ଆତଙ୍କବାଦୀ ଷଡ଼ଯନ୍...
କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀଜଗତ ପ୍ରକା...
ସମଗ୍ର ୟୁରୋପ ବର୍ତ୍ତମାନ ଇତିହାସର ଅନ୍ୟତମ ଭୟଙ୍କର ଗ୍ରୀଷ୍...
ତାମିଲନାଡୁରେ ମୁଖ୍ୟମନ୍ତ୍ରୀ ବିଜୟ ଥାଲାପତିଙ୍କ ନେତୃତ୍ୱାଧ...
ଚଳିତ ବର୍ଷ ଆରମ୍ଭରେ ରେକର୍ଡ ସ୍ତରକୁ ପହଞ୍ଚିଥିବା ସୁନା ଦର...
