ଏଣିକି ସ୍କୁଲରେ ପାଠପଢ଼ା ସହ ଆଧୁନିକ ଜ୍ଞାନକୌଶଳ ଶିଖିବେ ଓଡ଼ିଶାର ଛାତ୍ରଛାତ୍ରୀ। ରାଜ୍ୟର ୮୦୭ଟି ସରକାରୀ ସ୍କୁଲରେ ଆରମ୍ଭ ହୋଇଛି ରୋବୋଟିକ୍ସ ଲ୍ୟାବ୍। ଏଥିପାଇଁ ସରକାର ୧୬୪.୩୩ କୋଟି ଟଙ୍କା ବ୍ୟୟ କରିଛନ୍ତି। ନଭେମ୍ବର ୧୨ ତାରିଖରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏହି ଲ୍ୟାବ୍ଗୁଡ଼ିକର ଶୁଭାରମ୍ଭ କରିଛନ୍ତି।
ଏହି ରୋବୋଟିକ୍ସ ଲ୍ୟାବ୍ଗୁଡ଼ିକରେ ୬ଷ୍ଠରୁ ୧୦ମ ଶ୍ରେଣୀର ପିଲାମାନେ ବ୍ୟବହାରିକ ଶିକ୍ଷା ପାଇବେ। କେବଳ ପାଠ୍ୟପୁସ୍ତକ ନୁହେଁ, ହାତକଳାରେ ବିଭିନ୍ନ ଟେକ୍ନୋଲୋଜି ଶିଖିବାର ସୁଯୋଗ ମିଳିବ।
ଏହି ଲ୍ୟାବ୍ରେ ପିଲାମାନେ ରୋବୋଟିକ୍ସ, କୋଡିଂ, ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI), ମେସିନ୍ ଲର୍ଣ୍ଣିଂ ଏବଂ 3D ପ୍ରିଣ୍ଟିଂ ଭଳି ଆଧୁନିକ ଜ୍ଞାନକୌଶଳ ଶିଖିପାରିବେ। ଏହାଦ୍ୱାରା ଛାତ୍ରଛାତ୍ରୀଙ୍କ ମଧ୍ୟରେ ସୃଜନଶୀଳତା, ନୂଆ ଚିନ୍ତାଧାରା ଓ ବୈଷୟିକ ଦକ୍ଷତା ବିକଶିତ ହେବା ଆଶା ରହିଛି।
ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ 'ନିପୁଣ ଆପ୍' ମଧ୍ୟ ଲଞ୍ଚ୍ କରିଛନ୍ତି। ଏହା ଏକ ମାଗଣା ଆଣ୍ଡ୍ରଏଡ୍ ଆଧାରିତ ଶିକ୍ଷା ଆପ୍। ପ୍ରାଥମିକ ଶ୍ରେଣୀର ପିଲାଙ୍କ ମୌଳିକ ଶିକ୍ଷାକୁ ଆହୁରି ମଜବୁତ କରିବା ଏହାର ମୁଖ୍ୟ ଉଦ୍ଦେଶ୍ୟ।
ଏହି ଅବସରରେ ଶିକ୍ଷା କ୍ଷେତ୍ରରେ ଉତ୍କୃଷ୍ଟ ଅବଦାନ ପାଇଁ ୨୦୨୪ ଓ ୨୦୨୫ ବର୍ଷର ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ପ୍ରଦାନ କରାଯାଇଛି। ମୋଟ ୩୭୫ ଜଣ ବ୍ୟକ୍ତି ଓ ଶିକ୍ଷାନୁଷ୍ଠାନଙ୍କୁ ସମ୍ମାନିତ କରାଯାଇଛି। ଏଥିପାଇଁ ପ୍ରାୟ ୧୩୯ କୋଟି ଟଙ୍କାର ପ୍ରୋତ୍ସାହନ ରାଶି ଆବଣ୍ଟନ କରାଯାଇଛି।
ଓଡ଼ିଆ ଭାଷା ଅଧ୍ୟୟନରେ ଉତ୍କର୍ଷ ପ୍ରଦର୍ଶନ କରିଥିବା ୭,୩୫୦ ଜଣ ମେଧାବୀ ଛାତ୍ରଛାତ୍ରୀଙ୍କୁ 'ମୁଖ୍ୟମନ୍ତ୍ରୀ ଓଡ଼ିଆ ଭାଷା ବୃତ୍ତି' ପ୍ରଦାନ କରାଯାଇଛି। ପ୍ରତ୍ୟେକ ଛାତ୍ରଛାତ୍ରୀଙ୍କୁ ବାର୍ଷିକ ୭,୫୦୦ ଟଙ୍କା ଲେଖାଏଁ ମିଳିବ। ଏହା ସହ ୧୦ ଜଣ ମେଧାବୀ ଛାତ୍ରଛାତ୍ରୀ ଓ ଯୁକ୍ତଦୁଇ ପରିଷଦର ୪ ଜଣ ଟପ୍ପରଙ୍କୁ ମଧ୍ୟ ସମ୍ମାନିତ କରାଯାଇଛି।
'ସୁରଭି-୨୦୨୬' ନାମକ ତିନିଦିନିଆ ଶିଶୁ ମହୋତ୍ସବର ଉଦ୍ଘାଟନ ଅବସରରେ ମୁଖ୍ୟମନ୍ତ୍ରୀ ପିଲାମାନଙ୍କୁ ସମ୍ବୋଧିତ କରିଥିଲେ। ଏହି ଉତ୍ସବରେ ରାଜ୍ୟର ୨,୫୦୦ରୁ ଅଧିକ ମେଧାବୀ ଛାତ୍ରଛାତ୍ରୀ ଯୋଗ ଦେଇଛନ୍ତି।
ମୁଖ୍ୟମନ୍ତ୍ରୀ କହିଥିଲେ, ବଦଳୁଥିବା ସମୟ ସହ ତାଳ ଦେଇ ପିଲାମାନେ ନିଜକୁ ପ୍ରସ୍ତୁତ କରିବା ଆବଶ୍ୟକ। ଇଣ୍ଟରନେଟ୍ରେ ମିଳୁଥିବା ସଠିକ୍ ଓ ଭୁଲ୍ ତଥ୍ୟ ମଧ୍ୟରେ ପାର୍ଥକ୍ୟ ବୁଝିବା ଦରକାର। ମୋବାଇଲ୍କୁ କେବଳ ମନୋରଞ୍ଜନ ନୁହେଁ, ଶିକ୍ଷାର ମାଧ୍ୟମ ଭାବେ ବ୍ୟବହାର କରିବାକୁ ସେ ପରାମର୍ଶ ଦେଇଥିଲେ।
ସେ ଆହୁରି କହିଥିଲେ, ସରକାରୀ ଚାକିରି କିମ୍ବା ଅଧିକ ମାର୍କ ପାଇବା ଦୌଡ଼ରେ ନିଜକୁ ସୀମିତ ନରଖି ଦକ୍ଷତା ବିକାଶ ଉପରେ ଗୁରୁତ୍ୱ ଦେବା ଉଚିତ। ତାଙ୍କ ମତରେ, ଜୀବିକା ଅର୍ଜନ ପାଇଁ ପ୍ରକୃତ ଗ୍ୟାରେଣ୍ଟି ହେଉଛି ଡିଗ୍ରୀ ନୁହେଁ, ବରଂ ଦକ୍ଷତା।
ଏହି ପଦକ୍ଷେପ ମାଧ୍ୟମରେ ଓଡ଼ିଶାର ସରକାରୀ ସ୍କୁଲ ଶିକ୍ଷାକୁ ଆଧୁନିକ ଜ୍ଞାନକୌଶଳ ସହ ଯୋଡ଼ିବା ସହ ଛାତ୍ରଛାତ୍ରୀଙ୍କୁ ଭବିଷ୍ୟତର ଆହ୍ୱାନ ପାଇଁ ପ୍ରସ୍ତୁତ କରିବାକୁ ସରକାର ଲକ୍ଷ୍ୟ ରଖିଛନ୍ତି।
ନର୍ସିଂ ଶିକ୍ଷା କ୍ଷେତ୍ରରେ ବଡ଼ ପଦକ୍ଷେପ ନେବାକୁ ଯାଉଛି କ...
ଅଣ୍ଡର-୧୯ ଏସିଆ କପ୍‌ରେ ପୁଣି ଥରେ ଦେଖିବାକୁ...
ନୂଆଦିଲ୍ଲୀ: ଦେଶର ଶିକ୍ଷା ବ୍ୟବସ୍ଥାକୁ ଆଧୁନିକ ଓ ପ୍ରଯୁକ୍...
ନୂଆଦିଲ୍ଲୀ: ନ୍ୟୁଜିଲାଣ୍ଡ ବିପକ୍ଷ ଆଗାମୀ ଟେଷ୍ଟ ସିରିଜ୍ ପ...
ଫୁଟବଲ୍ ମଇଦାନରେ ଦୀର୍ଘ ବର୍ଷ ଧରି ରାଜ୍ କରିବା ପରେ ଏବେ ଏ...
ଖଡ଼ଗପୁର: ଦେଶର ଉଚ୍ଚଶିକ୍ଷା ଓ ଡାକ୍ତରୀ ଶିକ୍ଷା କ୍ଷେତ୍ରର...
ହାଇଦ୍ରାବାଦ: ଶିକ୍ଷା ବ୍ୟବସ୍ଥାରେ ବଡ଼ ପରିବର୍ତ୍ତନ ଆଣିବା...
ଭାରତୀୟ କ୍ରିକେଟ୍ ଦଳ ଏବେ ନ୍ୟୁଜିଲାଣ୍ଡ ଗସ୍ତରେ ରହିଛି। ଦ...
