ଡାକ୍ତରମାନଙ୍କ ରାଜ୍ୟବ୍ୟାପୀ ଆନ୍ଦୋଳନ ମଧ୍ୟରେ ନୂଆପଡ଼ା ଜିଲ୍ଲାରେ ଜଣେ ଗର୍ଭବତୀ ମହିଳାଙ୍କ ମୃତ୍ୟୁ ଘଟଣାକୁ ନେଇ ଗୁରୁତର ଅଭିଯୋଗ ଉଠିଛି। ପରିବାର ପକ୍ଷରୁ ଦାବି କରାଯାଇଛି ଯେ, ଡାକ୍ତର ଆନ୍ଦୋଳନ ଯୋଗୁଁ ହସ୍ପିଟାଲରେ ସମୟମତେ ଚିକିତ୍ସା ମିଳିନଥିବାରୁ ଏହି ଦୁଃଖଦ ଘଟଣା ଘଟିଛି।

ମୃତ ମହିଳାଙ୍କ ପରିଚୟ ଖରିଆର ବ୍ଲକ ଅନ୍ତର୍ଗତ ବିରିଘାଟ ଗାଁର ଭଲା ଖରସେଲଙ୍କ ପତ୍ନୀଗୀତାଞ୍ଜଳି ଖରସେଲବୋଲି ଜଣାପଡ଼ିଛି।

ପରିବାର ସୂଚନା ଅନୁଯାୟୀ, ଶୁକ୍ରବାର ପ୍ରସବ ବେଦନା ଆରମ୍ଭ ହେବା ପରେ ତାଙ୍କୁ ହସ୍ପିଟାଲକୁ ନିଆଯାଉଥିବା ସମୟରେ ରାସ୍ତାରେ ଶିଶୁଟିର ଜନ୍ମ ହୋଇଥିଲା। ପରେ ଅଧିକ ଚିକିତ୍ସା ପାଇଁ ତାଙ୍କୁ ଖରିଆର ହସ୍ପିଟାଲକୁ ନିଆଯାଇଥିଲା।

ତେବେ ପରିବାରର ଅଭିଯୋଗ ଅନୁସାରେ, ଡାକ୍ତରମାନଙ୍କ ଆନ୍ଦୋଳନ ଯୋଗୁଁ ସେଠାରେ ଗୀତାଞ୍ଜଳିଙ୍କୁ ଆବଶ୍ୟକ ଚିକିତ୍ସା ମିଳିନଥିଲା। ଅବସ୍ଥା ଗୁରୁତର ହେବାରୁ ରାତି ପ୍ରାୟ ୨ଟା ବେଳେ ତାଙ୍କୁ ରାୟପୁରକୁ ସ୍ଥାନାନ୍ତର କରାଯାଇଥିଲା। କିନ୍ତୁ ରାସ୍ତାରେ ହିଁ ତାଙ୍କର ମୃତ୍ୟୁ ଘଟିଥିଲା।

ମୃତକଙ୍କ ଶାଶୁ ଲଳିତା ଖରସେଲ ଅଭିଯୋଗ କରିଛନ୍ତି ଯେ, ସମୟରେ ଚିକିତ୍ସା ମିଳିଥାନ୍ତା ହେଲେ ଗୀତାଞ୍ଜଳିଙ୍କ ଜୀବନ ବଞ୍ଚିପାରିଥାନ୍ତା।

ଏହି ଘଟଣାକୁ ନେଇ ପରିବାର ପକ୍ଷରୁ ଚିକିତ୍ସା ଅବହେଳାର ଅଭିଯୋଗ ଆଣାଯାଇଥିବା ବେଳେ, ଘଟଣା ସମ୍ପର୍କରେ ହସ୍ପିଟାଲ କର୍ତ୍ତୃପକ୍ଷ କିମ୍ବା ପୁଲିସ ପକ୍ଷରୁ ଏପର୍ଯ୍ୟନ୍ତ କୌଣସି ସରକାରୀ ପ୍ରତିକ୍ରିୟା ପ୍ରକାଶ ପାଇନାହିଁ। ଅଭିଯୋଗର ସତ୍ୟତା ସମ୍ପର୍କରେ ସରକାରୀ ତଦନ୍ତ ପରେ ସ୍ପଷ୍ଟ ସୂଚନା ମିଳିପାରିବ।