ନୂଆପଡ଼ା ଜିଲ୍ଲାରେ ପୁଣିଥରେ ସାମ୍ନାକୁ ଆସିଛି ମୌଳିକ ସୁବିଧାର ଅଭାବର ନଗ୍ନ ଚିତ୍ର। ଶ୍ମଶାନକୁ ପକ୍କା ରାସ୍ତା ନଥିବାରୁ ଜଣେ ମୃତ ଯୁବକଙ୍କ ଶବକୁ କାନ୍ଧରେ ବୋହି ପାଣି ଭିତରେ ଚାଲି ନେବାକୁ ପଡ଼ିଛି ପରିବାର ଲୋକ ଓ ଗ୍ରାମବାସୀଙ୍କୁ।
ଏଭଳି ଦୁଃଖଦ ଘଟଣା ଘଟିଛି ନୂଆପଡ଼ା ଜିଲ୍ଲାର କୋମନା ବ୍ଲକ ଅଧୀନ ଲଖନା ପଞ୍ଚାୟତର ସିଙ୍ଗଲପଡ଼ା ଗ୍ରାମରେ। ସୂଚନା ଅନୁସାରେ, ଗ୍ରାମର ଜଣେ ଯୁବକଙ୍କର ମୃତ୍ୟୁ ହୋଇଥିଲା। ଶେଷକୃତ୍ୟ ପାଇଁ ମୃତଦେହକୁ ସ୍ଥାନୀୟ ଶ୍ମଶାନକୁ ନେବା ବେଳେ ପରିବାର ସମ୍ମୁଖୀନ ହୋଇଥିଲା ଏକ ବଡ଼ ସମସ୍ୟାର।
ଶ୍ମଶାନକୁ ଯିବା ପାଇଁ କୌଣସି ପକ୍କା ରାସ୍ତା ନଥିବାରୁ ବର୍ଷା ଯୋଗୁଁ କାଦୁଅ ଓ ପାଣିରେ କଚ୍ଚା ରାସ୍ତା ସମ୍ପୂର୍ଣ୍ଣ ଜଳମଗ୍ନ ହୋଇଯାଇଥିଲା। ଫଳରେ ଅନ୍ୟ କୌଣସି ବିକଳ୍ପ ନଥିବାରୁ ପରିବାର ସଦସ୍ୟ ଓ ଗ୍ରାମବାସୀମାନେ ମୃତଦେହକୁ କାନ୍ଧରେ ବୋହି ପ୍ରାୟ ୩ ଫୁଟ ପାଣି ମଧ୍ୟରେ ଚାଲି ଶ୍ମଶାନକୁ ନେଇଥିଲେ।
ମୃତ ଯୁବକଙ୍କ ସମ୍ପର୍କୀୟ ସନ୍ତୋଷ ତାଣ୍ଡି କହିଛନ୍ତି, "ମୋ ଭାଇଙ୍କର ଗତକାଲି ମୃତ୍ୟୁ ହୋଇଥିଲା। ତାଙ୍କ ମୃତଦେହକୁ ୩ ଫୁଟ ପାଣି ଭିତରେ ଚାଲି ନେବାକୁ ପଡ଼ିଲା। କେବଳ ଶେଷକୃତ୍ୟ ନୁହେଁ, ପିଲାମାନେ ମଧ୍ୟ ସ୍କୁଲ ଯିବାରେ ଅନେକ ସମସ୍ୟା ଭୋଗୁଛନ୍ତି। ପ୍ରଶାସନ ଏହି ସମସ୍ୟାର ଶୀଘ୍ର ସମାଧାନ କରୁ ବୋଲି ଆମେ ଦାବି କରୁଛୁ।"
ଏହି ଘଟଣା ଗ୍ରାମାଞ୍ଚଳରେ ରାସ୍ତାଘାଟ ଓ ମୌଳିକ ସୁବିଧାର ଅଭାବକୁ ପୁଣିଥରେ ଲୋକଲୋଚନକୁ ଆଣିଛି। ସ୍ଥାନୀୟ ଲୋକମାନେ ଶୀଘ୍ର ଏକ ପକ୍କା ରାସ୍ତା ନିର୍ମାଣ ସହ ଆବଶ୍ୟକ ଭିତ୍ତିଭୂମି ସୁବିଧା ଯୋଗାଇବାକୁ ପ୍ରଶାସନ ନିକଟରେ ଦାବି କରିଛନ୍ତି।
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ଆମେରିକା ଓ କାନାଡା ମଧ୍ୟରେ ଚାଲିଥିବାଟାରିଫ୍ ଯୁଦ୍ଧଏବେ ଏର...
ତାମିଲନାଡୁର ଶାସକ ମେଣ୍ଟ ଏବେ ନିଜର ଏକ ସ୍ୱତନ୍ତ୍ର ରାଜନୈତ...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଭାରତୀୟ ଅର୍ଥନୀତି ପାଇଁ ଆସିଛି ଭଲ ଖବର।୨୦୨୬-୨୭ ଆର୍ଥିକ ବ...
ଘରୋଇ LPG ଗ୍ରାହକଙ୍କ ପାଇଁ ବଡ଼ ଆଶ୍ୱସ୍ତି।ଘରୋଇ LPG refi...
ଆମେରିକାରେ ଚାକିରି କରିବା ସହିତ ନିଜ ପ୍ରତିଭାକୁ side bus...
