ନୂଆଦିଲ୍ଲୀ:ଉତ୍ତର-ପୂର୍ବ ଭାରତରେ ସକ୍ରିୟ ସୀମାପାର ଡ୍ରଗ୍ସ ତସକରି ଓ ନାର୍କୋ-ହାୱାଲା ନେଟୱର୍କ ବିରୋଧରେ କେନ୍ଦ୍ରୀୟ ଏଜେନ୍ସିଗୁଡ଼ିକ ବଡ଼ ଧରଣର ଅଭିଯାନ ଚଳାଇଛନ୍ତି। ଅକ୍ଟୋବର ୨୩ରେ ଆସାମ, ମିଜୋରାମ ଓ ମଣିପୁରର ୩୮ଟି ସ୍ଥାନରେ ଏକାସାଙ୍ଗରେ ତଲାସୀ ଅଭିଯାନ କରାଯାଇଥିଲା। ଏହି ଚଢ଼ାଉରୁ ₹୨୭୦ କୋଟିରୁ ଅଧିକ ଅବୈଧ ଲେନଦେନର ତଥ୍ୟ ମିଳିଥିବା ତଦନ୍ତକାରୀ ଏଜେନ୍ସି ସୂତ୍ରରୁ ଜଣାପଡ଼ିଛି।

ଏହି ଅଭିଯାନରେ୬ ଜଣଙ୍କୁ ଗିରଫକରାଯାଇଥିବା ବେଳେ ଡ୍ରଗ୍ସ ଟଙ୍କାର ଅବୈଧ ଲେନଦେନରେ ବ୍ୟବହୃତ୧,୪୨୫ରୁ ଅଧିକ mule bank accountଫ୍ରିଜ୍ କରାଯାଇଛି। ଏହାସହ ₹୨୬ କୋଟିରୁ ଅଧିକ ମୂଲ୍ୟର ସମ୍ପତ୍ତିକୁ ମଧ୍ୟ ଫ୍ରିଜ୍ କିମ୍ବା ଜବତ କରିବା ପଦକ୍ଷେପ ନିଆଯାଇଛି।

ତଦନ୍ତରେAizawl, Champhai, Lawngtlai ଓ Churachandpurଅଞ୍ଚଳରେ ଚଢ଼ାଉ କରାଯାଇଥିଲା। ମିଆଁମାରରୁ ଆସୁଥିବା ହେରୋଇନ୍, ବ୍ରାଉନ୍ ସୁଗାର ଓ ମେଥାମ୍ଫେଟାମାଇନ୍ ଟାବଲେଟ୍ର ସୀମାପାର ତସକରି ସହ ଜଡ଼ିତ ନେଟୱର୍କ ଉପରେ ତଦନ୍ତକାରୀମାନେ ଫୋକସ୍ କରିଥିଲେ। ଏହି କାର୍ଯ୍ୟାନୁଷ୍ଠାନEnforcement Directorate (ED),Narcotics Control Bureau (NCB)ଓ ମିଜୋରାମ ପୁଲିସର ସମନ୍ୱୟରେ ହୋଇଥିବା ରିପୋର୍ଟରେ କୁହାଯାଇଛି।

EDର ତଦନ୍ତରେ ହାୱାଲା ନେଟୱର୍କ ମାଧ୍ୟମରେ ଟଙ୍କାକୁ ବିଭିନ୍ନ ସ୍ତରରେ ଘୂରାଇବାର ପ୍ରମାଣ ମିଳିଥିବା କୁହାଯାଇଛି। ଏହି ₹୨୭୦ କୋଟିରୁ ପ୍ରାୟ₹୧୨୫ କୋଟି ନଗଦ ଟଙ୍କାଆସାମ, ନାଗାଲାଣ୍ଡ, ପଶ୍ଚିମବଙ୍ଗ, ତ୍ରିପୁରା ଓ ଦିଲ୍ଲୀ ସହ ଜଡ଼ିତ ନେଟୱର୍କ ମାଧ୍ୟମରେ ଚାଲାଣ ହୋଇଥିବା ତଦନ୍ତରୁ ଜଣାପଡ଼ିଛି।

କେନ୍ଦ୍ର ସରକାର ଡ୍ରଗ୍ସ ବିରୋଧରେ‘Zero Tolerance’ନୀତି ଆପଣାଇଥିବା ଉପରେ ଗୁରୁତ୍ୱ ଦେଇଛନ୍ତି ଗୃହମନ୍ତ୍ରୀ ଅମିତ ଶାହ। କେବଳ ଡ୍ରଗ୍ସ ଜବତ କରିବା ପରିବର୍ତ୍ତେ ଏହା ପଛରେ ଥିବା ଅର୍ଥନୈତିକ ନେଟୱର୍କ, ହାୱାଲା ଚ୍ୟାନେଲ ଓ ସଂଗଠିତ ଅପରାଧୀ ନେଟୱର୍କକୁ ଟାର୍ଗେଟ୍ କରିବା ଉପରେ ଏବେ ଅଧିକ ଫୋକସ୍ ରହିଛି।

ଡ୍ରଗ୍ସ ତସକରି ସିଣ୍ଡିକେଟ୍କୁ ଦୁର୍ବଳ କରିବା ପାଇଁ ୨୦୨୯ ସୁଦ୍ଧା ଦେଶରେ ନିଶାଦ୍ରବ୍ୟ ତସକରି ନେଟୱର୍କକୁ ମୂଳରୁ ନଷ୍ଟ କରିବା ଦିଗରେ ସରକାର କାମ କରୁଥିବା ରିପୋର୍ଟରେ ଉଲ୍ଲେଖ ରହିଛି। ତଦନ୍ତ ଏବେ ମଧ୍ୟ ଜାରି ରହିଛି ଏବଂ ଚଢ଼ାଉ ସମୟରେ ମିଳିଥିବା ଦଲିଲ ଓ ଆର୍ଥିକ ତଥ୍ୟକୁ ଆଧାର କରି ନେଟୱର୍କର ଅନ୍ୟ ସଦସ୍ୟମାନଙ୍କୁ ଚିହ୍ନଟ କରାଯାଉଛି।