ନବରଙ୍ଗପୁର: ମଦ୍ୟପାନ ଯୋଗୁଁ ପରିବାରରେ ବଢ଼ୁଥିବା ଅଶାନ୍ତି ଓ ଘରୋଇ ହିଂସା ବିରୋଧରେ ନବରଙ୍ଗପୁର ଜିଲ୍ଲାର ମହିଳାମାନେ ଏକଜୁଟ ହୋଇ ରାସ୍ତାକୁ ଓହ୍ଲାଇଛନ୍ତି। ଝରିଗାଁ ଥାନା ଅଧୀନ ଚକଲାପଦର ପଞ୍ଚାୟତର କାଙ୍ଗ୍ରା ଗାଁର ମହିଳାମାନେ ଶୁକ୍ରବାର ମଦ ବିରୋଧରେ ଅଭିଯାନ ଚଳାଇବା ସହ ଗାଁକୁ ମଦମୁକ୍ତ କରିବାକୁ ଦାବି କରିଛନ୍ତି।
ଅଭିଯାନ ସମୟରେ ମହିଳାମାନେ ରାସ୍ତାରେ ଏକାଠି ହୋଇ ବିଭିନ୍ନ ପ୍ରକାରର ମଦ ବୋତଲ ଓ ପାଉଚ୍ ନଷ୍ଟ କରିଥିଲେ। କିଛି ମହିଳା ବିଦେଶୀ ମଦ ବୋତଲ ଭାଙ୍ଗିଥିବା ବେଳେ ଅନ୍ୟମାନେ ଠେଙ୍ଗା ସାହାଯ୍ୟରେ ମଦ ପାଉଚ୍ ନଷ୍ଟ କରିଥିଲେ। ହଜାର ହଜାର ଟଙ୍କାର ଦେଶୀ ଓ ବିଦେଶୀ ମଦ ନଷ୍ଟ କରାଯାଇଥିବା ଜଣାପଡ଼ିଛି।
ସ୍ଥାନୀୟ ମହିଳା ପ୍ରମିଳା ପୂଜାରୀ କହିଛନ୍ତି ଯେ, ମଦ୍ୟପାନ ଯୋଗୁଁ ଅନେକ ପରିବାରରେ ଘରୋଇ ହିଂସା ବଢ଼ୁଛି। ମଦ ପିଇ ଘରକୁ ଫେରୁଥିବା ପୁରୁଷମାନେ ସ୍ତ୍ରୀ ଓ ପିଲାମାନଙ୍କୁ ମାଡ଼ ମାରୁଥିବା ଅଭିଯୋଗ ମଧ୍ୟ ହୋଇଛି। ଏପରିକି ସ୍କୁଲ ପଢ଼ୁଥିବା ପିଲାମାନେ ମଧ୍ୟ ମଦ୍ୟପାନ କରି ପାଠପଢ଼ାରେ ଅନିୟମିତ ହେଉଥିବା ଓ ଝିଅମାନଙ୍କ ସହ ଅସଦାଚରଣ କରୁଥିବା ସେ ଅଭିଯୋଗ କରିଛନ୍ତି।
ସ୍ଥାନୀୟ କମଳ ପୂଜାରୀଙ୍କ କହିବା ଅନୁସାରେ, ଅଞ୍ଚଳରେ ବେଆଇନ ଭାବେ ମଦ ବିକ୍ରି ହେଉଥିବାରୁ ମଦ୍ୟପାନ ବଢ଼ିବା ସହ ମଦ ଦୋକାନ ସଂଖ୍ୟା ମଧ୍ୟ ବଢ଼ୁଛି। ଏନେଇ ଗ୍ରାମବାସୀମାନେ ପୁଲିସ ନିକଟରେ ଲିଖିତ ଅଭିଯୋଗ ଦେଇଥିଲେ। ଏହା ପରେ ମହିଳାମାନେ ଏକଜୁଟ ହୋଇ ମହଜୁଦ ଥିବା ମଦକୁ ସଂଗ୍ରହ କରି ରାସ୍ତାରେ ନଷ୍ଟ କରିଥିଲେ।
ମଦ୍ୟପାନ ଯୋଗୁଁ ପରିବାରରେ ଅଶାନ୍ତି ସୃଷ୍ଟି ହେବା ସହ ଘରର ଆୟର ଏକ ବଡ଼ ଅଂଶ ମଦ ପଛରେ ଖର୍ଚ୍ଚ ହେଉଥିବାରୁ ପରିବାରର ଆର୍ଥିକ ସ୍ଥିତି ମଧ୍ୟ ପ୍ରଭାବିତ ହେଉଥିବା ମହିଳାମାନେ କହିଛନ୍ତି। ଗାଁ ଓ ପଞ୍ଚାୟତକୁ ସମ୍ପୂର୍ଣ୍ଣ ମଦମୁକ୍ତ କରିବା ପାଇଁ ସେମାନେ ଦାବି ଉଠାଇଛନ୍ତି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମୁମ୍ବାଇ ଗସ୍ତ ପୂର୍ବର...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ବାଲେଶ୍ୱର ଜିଲ୍ଲାରେ ସାମାଜିକ ସୁରକ୍ଷା ଭତ୍ତା ପାଣ୍ଠି ହେର...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
ଗୁଜରାଟର ଜାମନଗରସ୍ଥିତ ଇଣ୍ଡିଆନ୍ ବ୍ୟାଙ୍କର ରଣଜିତସାଗର ରୋ...
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
