ମହାରାଷ୍ଟ୍ରର ମୁମ୍ବାଇସ୍ଥିତ ମନୋରି ସମୁଦ୍ରତଟ ନିକଟରେ ଏକ ରହସ୍ୟମୟ ବିଦେଶୀ ଜାହାଜ ଭାସି ଆସି ପହଞ୍ଚିବା ଘଟଣା ସୁରକ୍ଷା ଏଜେନ୍ସିମାନଙ୍କ ଚିନ୍ତା ବଢ଼ାଇଛି। ଜାହାଜଟି କେଉଁ ଦେଶର ଏବଂ କିପରି ସମୁଦ୍ରତଟ ନିକଟକୁ ଆସିଲା, ସେନେଇ ଏପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ମିଳିନାହିଁ।
ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ଜାହାଜରେ କୌଣସି କ୍ରୁ ସଦସ୍ୟ କିମ୍ବା ଅନ୍ୟ ବ୍ୟକ୍ତି ଉପସ୍ଥିତ ନାହାନ୍ତି। ଉଚ୍ଚ ଜୁଆର ଏବଂ ଅଶାନ୍ତ ସମୁଦ୍ର ପରିସ୍ଥିତି ଯୋଗୁଁ ଜାହାଜଟି ଭାସି ଭାସି ଏହି ଅଞ୍ଚଳକୁ ଆସିଥିବା ସମ୍ଭାବନା ରହିଛି।
ତେବେ ଏତେ ବଡ଼ ଏକ ବିଦେଶୀ ଜାହାଜ କୌଣସି ନିୟନ୍ତ୍ରଣ ବିନା ଭାରତୀୟ ଉପକୂଳ ନିକଟକୁ ଆସି ପହଞ୍ଚିବା ଘଟଣାକୁ ନେଇ ସୁରକ୍ଷା ସଂସ୍ଥାଗୁଡ଼ିକ ସତର୍କ ହୋଇପଡ଼ିଛନ୍ତି। ପୋଲିସ ଓ ସମ୍ପୃକ୍ତ ଏଜେନ୍ସିମାନେ ବିଭିନ୍ନ ଦିଗରୁ ଘଟଣାର ତଦନ୍ତ କରୁଛନ୍ତି।
ସୂଚନା ଅନୁଯାୟୀ, ଜାହାଜଟି ଗତ୫ ତାରିଖରୁ ସମୁଦ୍ର କୂଳ ନିକଟରେ ରହିଛି। ଘଟଣାସ୍ଥଳରେଭାରତୀୟ ତଟରକ୍ଷୀ ବାହିନୀପହଞ୍ଚି ଜାହାଜ ସହ ସମ୍ପର୍କ ସ୍ଥାପନ କରିବା ସହ ଏହାର ପରିଚୟ ଜାଣିବାକୁ ଉଦ୍ୟମ କରୁଛି।
ଏହାସହଆଇଏନଏସ୍ ହମଲାର ଏକ ସ୍ୱତନ୍ତ୍ର ଦଳ ମଧ୍ୟ ଘଟଣାସ୍ଥଳରେ ମୁତୟନ ହୋଇଛି। ଜାହାଜର ମାଲିକାନା, ଏହାର ଉତ୍ସ ଓ ସମୁଦ୍ରତଟକୁ ଆସିବାର ପ୍ରକୃତ କାରଣ ଜାଣିବା ପାଇଁ ତଦନ୍ତ ଜାରି ରହିଛି।
ହାମିଲଟନ୍‌ର ସେଡନ୍‌ ପାର୍କରେ ଖେଳାଯାଇଥିବା ପଞ...
ବଙ୍ଗୋପସାଗରରେ ସକ୍ରିୟ ବାତ୍ୟା ‘ମୁରାସୁ’ ଆନ...
ଭାରତୀୟ କୁସ୍ତି ଜଗତରେ ଐତିହାସିକ ସଫଳତା ହାସଲ କରିଥିବା ମନ...
ବାତ୍ୟା ‘ମୁରାସୁ’କୁ ନେଇ ଓଡ଼ିଶାର ଦକ୍ଷିଣ ଜ...
ବାତ୍ୟା ‘ଅର୍ଣ୍ଣବ’ର ପ୍ରଭାବରେ ହୋଇଥିବା ପ୍ର...
ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଚାଲିଥିବା ପଞ୍ଚମ ତଥା ଶେଷ T...
ଭାରତର ପାରମ୍ପରିକ କୃଷି ଐତିହ୍ୟକୁ ସୁରକ୍ଷିତ ରଖିବା ସହ ଧା...
ଭୁବନେଶ୍ୱର:ବଙ୍ଗୋପସାଗରରେ ପୁଣି ଏକ ସମ୍ଭାବ୍ୟ ବାତ୍ୟାକୁ ନ...
