ଦେଶବ୍ୟାପୀ ଚାଷୀ ଏବଂ ସାଧାରଣ ଲୋକଙ୍କ ଅପେକ୍ଷାର ଅନ୍ତ ଘଟିବାକୁ ଯାଉଛି। ଭାରତୀୟ ପାଣିପାଗ ବିଭାଗ (IMD) ମଙ୍ଗଳବାର ସୂଚନା ଦେଇଛି ଯେ, ଦକ୍ଷିଣ-ପଶ୍ଚିମ ମୌସୁମୀ ବାୟୁ ଜୁନ୍ ୪ ତାରିଖରେ କେରଳ ଉପକୂଳରେ ପହଞ୍ଚିବାର ସମ୍ଭାବନା ରହିଛି।
ବର୍ତ୍ତମାନ ପାଣିପାଗ ପରିସ୍ଥିତି ମୌସୁମୀ ବାୟୁର ଅଗ୍ରଗତି ପାଇଁ ଅନୁକୂଳ ରହିଥିବାରୁ ଏହା ଦକ୍ଷିଣ ଭାରତର ଅନ୍ୟାନ୍ୟ ଅଞ୍ଚଳକୁ ମଧ୍ୟ ଶୀଘ୍ର ବ୍ୟାପିବ ବୋଲି ଆକଳନ କରାଯାଉଛି।
ଆଇଏମ୍ଡି ସୂଚନା ଅନୁଯାୟୀ, ମୌସୁମୀ ବାୟୁ ଆରବ ସାଗରର ଦକ୍ଷିଣ-ପଶ୍ଚିମ ଓ ଦକ୍ଷିଣ-ପୂର୍ବ ଅଞ୍ଚଳ, ଲକ୍ଷଦ୍ୱୀପ ଅଞ୍ଚଳ ଏବଂ କେରଳର ବିଭିନ୍ନ ଅଞ୍ଚଳକୁ ଅଗ୍ରସର ହେବ।
ଏହା ସହିତ ତାମିଲନାଡୁର କିଛି ଅଞ୍ଚଳ ମଧ୍ୟ ମୌସୁମୀ ବାୟୁର ପ୍ରଭାବ ଅଧୀନକୁ ଆସିବ। ପାଣିପାଗ କେନ୍ଦ୍ର ପକ୍ଷରୁ କୁହାଯାଇଛି ଯେ, ମୌସୁମୀ ବାୟୁର ଉତ୍ତରମୁଖୀ ଗତି ଜାରି ରହିବ।
କେରଳରେ ମୌସୁମୀ ବାୟୁର ଆଗମନକୁ ଭାରତର ଚାରି ମାସିଆ ବର୍ଷା ଋତୁର ଆନୁଷ୍ଠାନିକ ଆରମ୍ଭ ବୋଲି ଧରାଯାଏ। ପ୍ରତିବର୍ଷ କେରଳରେ ମୌସୁମୀ ବାୟୁ ପହଞ୍ଚିବା ପରେ ପ୍ରାୟ ଏକ ସପ୍ତାହ ମଧ୍ୟରେ ଓଡ଼ିଶାରେ ଏହାର ପ୍ରଭାବ ଦେଖିବାକୁ ମିଳିଥାଏ।
ଏହି ପରିପ୍ରେକ୍ଷୀରେ ଜୁନ୍ ୪ରେ କେରଳରେ ମୌସୁମୀ ବାୟୁ ପହଞ୍ଚିଲେ, ଓଡ଼ିଶାରେ ମଧ୍ୟ ଜୁନ୍ ଦ୍ୱିତୀୟ ସପ୍ତାହରେ ମୌସୁମୀ ବର୍ଷା ଆରମ୍ଭ ହେବାର ସମ୍ଭାବନା ବଢ଼ିଛି।
ଏହା ଚାଷୀମାନଙ୍କ ପାଇଁ ଆଶ୍ୱସ୍ତିର ଖବର ହୋଇଥିବାବେଳେ, ପ୍ରଚଣ୍ଡ ଗ୍ରୀଷ୍ମ ପ୍ରବାହରେ ଅସ୍ତବ୍ୟସ୍ତ ଜନଜୀବନକୁ ମଧ୍ୟ ଆରାମ ମିଳିପାରେ। ବର୍ଷାର ଆଗମନ ସହ କୃଷି କାର୍ଯ୍ୟକଳାପ ଜୋର ଧରିବା ସହ ଜଳ ସଂକଟରେ ମଧ୍ୟ କିଛି ମାତ୍ରାରେ ସୁଧାର ଆସିପାରେ।
ପାଣିପାଗ ବିଭାଗ ଆଗାମୀ କିଛି ଦିନ ମଧ୍ୟରେ ମୌସୁମୀ ବାୟୁର ଅଗ୍ରଗତି ସମ୍ପର୍କରେ ଆହୁରି ବିସ୍ତୃତ ସୂଚନା ପ୍ରକାଶ କରିବ ବୋଲି ଜଣାପଡ଼ିଛି।
ଇରାନ୍ ସହ ସମ୍ଭାବ୍ୟ ଶାନ୍ତି ଚୁକ୍ତିକୁ ନେଇ ଆମେରିକୀୟ ରାଷ...
ଭାରତୀୟ Mixed Martial Arts (MMA) ଜଗତରେ Matrix Fight...
କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (CBSE) ନିଜର ମଲ୍ଟିଲ...
ନିଟ୍-ୟୁଜି ୨୦୨୬ ପରୀକ୍ଷାରେ ପେପର ଲିକ୍ ଅଭିଯୋଗକୁ କେନ୍ଦ୍...
ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ନିଜ ଜୀବନର ଏକ କଷ୍ଟଦାୟ...
ଇଣ୍ଡୋନେସିଆର ହାଲମାହେରା ଦ୍ୱୀପରେ ଥିବା ମାଉଣ୍ଟ ଡୁକୋନୋ ଜ...
Nitesh Tiwariଙ୍କ ମହାକାଙ୍କ୍ଷୀ ଚଳଚ୍ଚିତ୍ର ‘Rama...
ମଇ 3ରେ ଆୟୋଜିତ NEET UG 2026 ପରୀକ୍ଷାକୁ ଦେଶର ଶିକ୍ଷା ବ...
ଇସ୍ଲାମ ଧର୍ମର ପାଞ୍ଚଟି ପ୍ରମୁଖ ସ୍ତମ୍ଭ ମଧ୍ୟରୁ ଗୋଟିଏ ପବ...
ୟଶଙ୍କ ଅପେକ୍ଷିତ ଚଳଚ୍ଚିତ୍ର ‘Toxic: A Fairytale...
ଆମେରିକା ଓ ଇରାନ ମଧ୍ୟରେ ଚାଲିଥିବା ଶାନ୍ତି ଆଲୋଚନାକୁ ନେଇ...
ଇଞ୍ଜିନିୟରିଂ କ୍ଷେତ୍ରରେ IITରେ ଭର୍ତ୍ତି ହେବାକୁ ଇଚ୍ଛୁକ...
