ଓଡ଼ିଶା ମୁଖ୍ୟମନ୍ତ୍ରୀ କାର୍ଯ୍ୟାଳୟ (ସିଏମଓ)ରୁ କେତେକ ଗୁରୁତ୍ୱପୂର୍ଣ୍ଣ ଫାଇଲ୍ ନିଖୋଜ ହୋଇଥିବା ଅଭିଯୋଗକୁ ନେଇ ସୋମବାର ରାଜ୍ୟ ରାଜନୀତିରେ ନୂଆ ବିବାଦ ସୃଷ୍ଟି ହୋଇଛି। ଏହି ପ୍ରସଙ୍ଗରେ କଂଗ୍ରେସ ଓ ବିଜେପି ଉଭୟ ସରକାରଙ୍କଠାରୁ ଜବାବଦେହିତା ଦାବି କରିବା ସହ ଘଟଣାର ନିରପେକ୍ଷ ତଦନ୍ତ ପାଇଁ ଦାବି ଉଠାଇଛନ୍ତି।
ଓଡ଼ିଶା ପ୍ରଦେଶ କଂଗ୍ରେସ କମିଟି (ପିସିସି) ସଭାପତିଭକ୍ତ ଚରଣ ଦାସକହିଛନ୍ତି ଯେ, ସିଏମଓରୁ ଫାଇଲ୍ ନିଖୋଜ ହୋଇଥିଲେ ତାହା କେଉଁ ବିଭାଗରୁ ହୋଇଛି ଏବଂ କିଏ ଏଥିପାଇଁ ଦାୟୀ, ସରକାର ସ୍ପଷ୍ଟ କରିବା ଉଚିତ୍। ଅନେକ ଦିନ ବିତିଯାଇଥିଲେ ମଧ୍ୟ ତଦନ୍ତରେ କୌଣସି ଠୋସ ଅଗ୍ରଗତି ହୋଇନଥିବା ସେ ଅଭିଯୋଗ କରିଛନ୍ତି।
ସେ କହିଛନ୍ତି, ଯଦି ନିର୍ଦ୍ଦିଷ୍ଟ ବିଭାଗରୁ ଫାଇଲ୍ ଚୋରି ହୋଇଛି, ତେବେ ଦାୟୀ ବ୍ୟକ୍ତିଙ୍କୁ ଚିହ୍ନଟ କରାଯାଉ। ଯଦି ତାହା ହୋଇନାହିଁ, ତେବେ ପ୍ରକୃତରେ କିଏ ଫାଇଲ୍ ନିଖୋଜ କରିଛି, ସରକାର ତାହା ସାର୍ବଜନୀନ କରନ୍ତୁ। ଏହା ସହ ସେ ବିଜେଡି ଓ ବିଜେପି ମଧ୍ୟରେ ରାଜନୈତିକ ବୁଝାମଣା ଥିବା ଅଭିଯୋଗ ମଧ୍ୟ କରିଛନ୍ତି।
ଭକ୍ତ ଚରଣ ଦାସ ଆହୁରି ଅଭିଯୋଗ କରିଛନ୍ତି ଯେ, ପୂର୍ବତନ ଅଧିକାରୀଭି. କେ. ପାଣ୍ଡିଆନଙ୍କ ପ୍ରଭାବ ଏବେ ମଧ୍ୟ କେତେକ ଅଧିକାରୀଙ୍କ ମାଧ୍ୟମରେ ରହିଛି। ପୂର୍ବତନ ଆଇଏଏସ୍ ଅଧିକାରୀସୁଜାତା କାର୍ତ୍ତିକେୟନଙ୍କୁ ନେଇ ବିଜେଡିର ପ୍ରତିକ୍ରିୟା ଦଳର ଆଭ୍ୟନ୍ତରୀଣ ବିଷୟ ବୋଲି ସେ କହିଛନ୍ତି।
ଅନ୍ୟପକ୍ଷରେ ବରିଷ୍ଠ ବିଜେପି ନେତାଜୟନାରାୟଣ ମିଶ୍ରକହିଛନ୍ତି ଯେ, ସିଏମଓର କେତେକ ଗୁରୁତ୍ୱପୂର୍ଣ୍ଣ ଫାଇଲ୍ ସମ୍ଭବତଃ କେବେ ବି ଉଦ୍ଧାର ହୋଇନପାରେ। ତଥାପି ଏହି ଫାଇଲ୍ଗୁଡ଼ିକୁ ଶୀଘ୍ର ଠାବ କରିବା ସହ ସେଗୁଡ଼ିକରେ ଥିବା ସୂଚନା ଆଧାରରେ ତଦନ୍ତ ଆଗକୁ ବଢ଼ାଇବା ଆବଶ୍ୟକ ବୋଲି ସେ କହିଛନ୍ତି।
ଜୟନାରାୟଣ ମିଶ୍ରଙ୍କ ମତରେ, ସରକାରୀ ଫାଇଲ୍ର ଗତିବିଧି ରେକର୍ଡ ଥିବା ରେଜିଷ୍ଟରକୁ ଯାଞ୍ଚ କରାଯାଉ ଏବଂ ଯେଉଁମାନେ ଫାଇଲ୍ ବ୍ୟବହାର କରିଥିଲେ ସେମାନଙ୍କୁ ତଦନ୍ତ ପରିସରକୁ ଆଣାଯାଉ। ଦୋଷୀ ଯେ କେହି ହେଉନା କାହିଁକି, ସେମାନଙ୍କ ବିରୋଧରେ କଠୋର ପଦକ୍ଷେପ ନିଆଯିବା ଉଚିତ୍ ବୋଲି ସେ ଦାବି କରିଛନ୍ତି।
ସେ ଆହୁରି କହିଛନ୍ତି ଯେ, ଯଦି ନିଖୋଜ ଫାଇଲ୍ ଉଦ୍ଧାର ହୁଏ, ତେବେଲକ୍ଷ୍ମଣାନନ୍ଦ ସରସ୍ୱତୀ ହତ୍ୟାକାଣ୍ଡ,ନବ ଦାସ ହତ୍ୟା ମାମଲା,ମମିତା ମେହେର ହତ୍ୟା ମାମଲା,ମାହାଙ୍ଗା ଡବଲ୍ ମର୍ଡରଏବଂପରୀ ହତ୍ୟାକାଣ୍ଡଭଳି ଗୁରୁତ୍ୱପୂର୍ଣ୍ଣ ଘଟଣାର ପୁନଃତଦନ୍ତ କରାଯିବା ଉଚିତ୍ ବୋଲି ସେ ଦାବି କରିଛନ୍ତି।
ବର୍ତ୍ତମାନ ଏହି ଘଟଣାକୁ ନେଇ ରାଜ୍ୟର ରାଜନୀତି ଅଧିକ ସରଗରମ ହୋଇଥିବା ବେଳେ, ସରକାର ପକ୍ଷରୁ ତଦନ୍ତର ଅଗ୍ରଗତି ଏବଂ ନିଖୋଜ ଫାଇଲ୍ର ସ୍ଥିତିକୁ ନେଇ ସମସ୍ତଙ୍କ ନଜର ରହିଛି।
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
ତାମିଲନାଡୁର ଶାସକ ମେଣ୍ଟ ଏବେ ନିଜର ଏକ ସ୍ୱତନ୍ତ୍ର ରାଜନୈତ...
