ଓଡ଼ିଶାର ମୟୂରଭଞ୍ଜ ଜିଲ୍ଲାରେ ପ୍ରବଳ ବର୍ଷା ପରେ ବନ୍ୟା ପରିସ୍ଥିତି ଆହୁରି ଗମ୍ଭୀର ହୋଇଛି।ବୁଢ଼ାବଳଙ୍ଗ ନଦୀର ଜଳସ୍ତର ବଢ଼ିବାରୁ ବାରିପଦା ସହରର ତଳିଆ ଅଞ୍ଚଳରେ ବନ୍ୟାଜଳ ପ୍ରବେଶ କରିଛି। ବିଶେଷକରି ନଦୀକୂଳ ଅଞ୍ଚଳର ୭ ଓ ୮ ନମ୍ବର ୱାର୍ଡର ବାସିନ୍ଦାଙ୍କ ମଧ୍ୟରେ ଚିନ୍ତା ବଢ଼ିଛି।
ଜଳସ୍ତର ଲଗାତାର ବଢ଼ୁଥିବାରୁ ପ୍ରଶାସନ ପକ୍ଷରୁ ବିପଦପୂର୍ଣ୍ଣ ତଳିଆ ଅଞ୍ଚଳରୁ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଉଛି। ପ୍ରଶାସନିକ ଟିମ୍ ବିଭିନ୍ନ ପ୍ରଭାବିତ ଅଞ୍ଚଳ ଉପରେ ନଜର ରଖିବା ସହ ଲୋକଙ୍କୁ ସତର୍କ ରହିବାକୁ କହିଛି।
ରାସଗୋବିନ୍ଦପୁର ବ୍ଲକର ସାନ ନାଇ ଅଞ୍ଚଳର ସରୁମୁଳା ପୋଲ ଉପରେ ପ୍ରାୟ୪ ଫୁଟ୍ ଉଚ୍ଚରେ ପାଣି ପ୍ରବାହିତହେଉଥିବା ଜଣାପଡ଼ିଛି। ଫଳରେ ଏହି ରାସ୍ତାରେ ଯାନବାହନ ଚଳାଚଳ ବାଧାପ୍ରାପ୍ତ ହୋଇଛି। ବାରିପଦା-ଅମର୍ଦା ରାସ୍ତା ଉପରେ ମଧ୍ୟ ପାଣି ପ୍ରବାହିତ ହେଉଛି।
ଅନ୍ୟପଟେ, ବାଙ୍ଗିରିପୋଷିର କାଳିଆମୀ ପୋଲ ଉପରେ ବୁଢ଼ାବଳଙ୍ଗ ନଦୀର ପାଣି ବିପଦଜନକ ଭାବେ ପ୍ରବାହିତ ହେଉଛି। ସିମିଳିପାଳର ଉପରମୁଣ୍ଡରେ ପ୍ରବଳ ବର୍ଷା ହେବାରୁ ନଦୀରେ ଜଳସ୍ତର ଆହୁରି ବଢ଼ିବା ନେଇ ଆଶଙ୍କା ଦେଖାଦେଇଛି।
ରାଇରଙ୍ଗପୁର ଅଞ୍ଚଳରେ ରାତିସାରା ବର୍ଷା ହେବା ପରେକାହ୍ନୁ ନଦୀର ଜଳସ୍ତର ମଧ୍ୟ ବଢ଼ିଛି।କୁସୁମୀ ବ୍ଲକର କାଦୁଆଣି-ଉପରବେଡ଼ା ରାସ୍ତାର ପୋଲ ଉପରେ ୩ ଫୁଟ୍ରୁ ଅଧିକ ପାଣି ପ୍ରବାହିତ ହେଉଛି। ଏହା ଫଳରେ ଅଞ୍ଚଳର ଯୋଗାଯୋଗ ପ୍ରଭାବିତ ହୋଇଛି।
ମୟୂରଭଞ୍ଜ ଜିଲ୍ଲାର ଅନେକ ସ୍ଥାନରେ ନଦୀର ଜଳସ୍ତର ବଢ଼ୁଥିବାରୁ ପ୍ରଶାସନ ପରିସ୍ଥିତି ଉପରେ ନିରନ୍ତର ନଜର ରଖିଛି। ତଳିଆ ଅଞ୍ଚଳର ଲୋକଙ୍କୁ ସତର୍କ ରହିବା ସହ ଆବଶ୍ୟକ ସ୍ଥଳେ ସୁରକ୍ଷିତ ସ୍ଥାନକୁ ଯିବାକୁ ପରାମର୍ଶ ଦିଆଯାଇଛି।
ବ୍ୟାଙ୍କ ଲକରକୁ ସାଧାରଣତଃ ଗହଣା, ସୁନା ଓ ଅନ୍ୟାନ୍ୟ ମୂଲ୍ୟ...
କୋରାପୁଟସ୍ଥିତ କେନ୍ଦ୍ରୀୟ ଓଡ଼ିଶା ବିଶ୍ୱବିଦ୍ୟାଳୟ (CUO)ର...
ୱିପ୍ରୋର ପାଇଁ ଭାରତର ସବୁଠୁ ଚର୍ଚ୍ଚିତ ଶେୟର ବଜାର ସୂଚକାଙ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର ପ...
ଭାରତର ପ୍ରମୁଖ ପରିବାର ଚାଳିତ ବ୍ୟବସାୟଗୁଡ଼ିକ ଏବେ କେବଳ ଦ...
ମେଷ ଏହି ସପ୍ତାହରେ ମେଷ ରାଶିର ବ୍ୟକ୍ତିମାନେ କର୍ମକ୍ଷେ...
ନୂଆଦିଲ୍ଲୀ:NEET-UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମ...
ବୁଧବାର ଭାରତୀୟ ଶେୟର ବଜାରରେ ସାବଧାନ ଧାରା ଦେଖିବାକୁ ମିଳ...
ସରକାରୀ ଚାକିରିର ସ୍ଥିରତା ଛାଡ଼ି ନିଜ ପିଲାଦିନର ସ୍ୱପ୍ନ ପ...
ପ୍ରଥମ ଶ୍ରେଣୀ ପାଠ୍ୟପୁସ୍ତକକୁ ନେଇ ଚାଲିଥିବା ବିବାଦ ମଧ୍ୟ...
