ଦେଓଘର ଚାରା ଦୁର୍ନୀତି ମାମଲାରେଲାଲୁ ପ୍ରସାଦ ଯାଦବଙ୍କୁ ବଡ଼ ଆଶ୍ୱସ୍ତିମିଳିଛି। ଲାଲୁଙ୍କ ଜାମିନ୍ ରଦ୍ଦ କରିବା ପାଇଁ ସିବିଆଇ ଦାଖଲ କରିଥିବା ଆବେଦନ ଉପରେ ସୁପ୍ରିମକୋର୍ଟ କୌଣସି ହସ୍ତକ୍ଷେପ କରିବାକୁ ମନା କରିଛନ୍ତି।
ଝାଡ଼ଖଣ୍ଡ ହାଇକୋର୍ଟ ଅସୁସ୍ଥତା କାରଣରୁ ଲାଲୁ ଯାଦବଙ୍କୁ ଜାମିନ୍ ପ୍ରଦାନ କରିଥିଲେ। ଏହି ଜାମିନ୍ ଆଦେଶ ଉପରେ ରୋକ ଲଗାଇବା ପାଇଁ ସିବିଆଇ ସୁପ୍ରିମକୋର୍ଟରେ ଆବେଦନ କରିଥିଲା।
ସୁପ୍ରିମକୋର୍ଟ ଶୁଣାଣି ସମୟରେ କହିଛନ୍ତି ଯେ, ଲାଲୁଙ୍କୁ ଜାମିନ୍ ମିଳିବାର ପ୍ରାୟ ୭ ବର୍ଷ ବିତିଗଲାଣି ଏବଂ ଏହି ଆବେଦନ ୨୦୧୮ ମସିହାରୁ ବିଚାରାଧୀନ ରହିଛି। ଏହା ସହ ହାଇକୋର୍ଟକୁ ମାମଲାର ଶୀଘ୍ର ଶୁଣାଣି କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।
ସିବିଆଇ ପକ୍ଷରୁ ଅତିରିକ୍ତ ସଲିସିଟର ଜେନେରାଲ (ଏଏସଜି) ଏସଭି ରାଜୁ ଯୁକ୍ତି ଦେଇଥିଲେ ଯେ, ଲାଲୁଙ୍କ ଦଣ୍ଡ ସ୍ଥଗିତ ରଖିବା ନେଇ ହାଇକୋର୍ଟଙ୍କ ଆଧାର ତ୍ରୁଟିପୂର୍ଣ୍ଣ ଥିଲା।
ସିବିଆଇର ଯୁକ୍ତି ଥିଲା ଯେ, ଲାଲୁଙ୍କ ବିରୋଧରେ ଅଲଗା ଅଲଗା ମାମଲାରେ ଦଣ୍ଡ ରହିଥିବାରୁ ଫୌଜଦାରୀ ପ୍ରକ୍ରିୟା ସଂହିତାର ଧାରା ୪୨୭ ଅନୁଯାୟୀ ଦଣ୍ଡ ଲାଗୁ ହେବା ଉଚିତ୍।
ତେବେ ସୁପ୍ରିମକୋର୍ଟ ସିବିଆଇର ଏହି ଆବେଦନରେ ତତ୍କାଳ ହସ୍ତକ୍ଷେପ କରିନାହାନ୍ତି। କୋର୍ଟ କହିଛନ୍ତି ଯେ ମାମଲାର ଶୀଘ୍ର ଶୁଣାଣି ପାଇଁ ପଦକ୍ଷେପ ନିଆଯିବ ଏବଂ ଏହାକୁ ଛଅ ମାସ ମଧ୍ୟରେ ତାଲିକାଭୁକ୍ତ କରାଯିବ।
FIFA ସଭାପତି ଜିଆନି ଇନ୍ଫାଣ୍ଟିନୋ ନିଜ ପଦରୁ ଇସ୍ତଫା ଦେବା...
କ୍ରାଇଷ୍ଟଚର୍ଚ୍ଚରେ ନ୍ୟୁଜିଲାଣ୍ଡ ବିପକ୍ଷ ଦ୍ୱିତୀୟ T20Iରେ...
ବାତ୍ୟା ‘ଅର୍ଣ୍ଣବ’କୁ ନେଇ ପ୍ରଶାସନ ସଜାଗ: ଜ...
ଡର୍ମାଟୋଲୋଜିଷ୍ଟ ଡା. ଜୁଶ୍ୟା ଭାଟିଆ ସରିନ୍ ଭାରତୀୟ ତ୍ୱଚା...
କ୍ରାଇଷ୍ଟଚର୍ଚ୍ଚରେ ନ୍ୟୁଜିଲାଣ୍ଡ ବିପକ୍ଷ ଦ୍ୱିତୀୟ T20Iରେ...
Mumbai Indiansର ନୂଆ ମୁଖ୍ୟ କୋଚ୍ ଭାବେ ଦାୟିତ୍ୱ ନେବା ପ...
ପଶ୍ଚିମ ଓଡ଼ିଶାର ପ୍ରମୁଖ ଚିକିତ୍ସା ପ୍ରତିଷ୍ଠାନ ବୁର୍ଲା ଭ...
ଭୁବନେଶ୍ୱର:ବଙ୍ଗୋପସାଗରରେ ସୃଷ୍ଟି ହୋଇଥିବା ଅବପାତ ଘନୀଭୂତ...
