କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଲକ୍ର ତିଖିରି ଗ୍ରାମ ପଞ୍ଚାୟତ ସରପଞ୍ଚ ଚାମେଲି ଓଝାଙ୍କ ବିରୋଧରେ ଅନାସ୍ଥା ପ୍ରସ୍ତାବ ଉପରେ ଆଜି ଭୋଟିଂ ଚାଲିଛି। ଓଡ଼ିଶା ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ ଏହି ଭୋଟିଂ ପ୍ରକ୍ରିୟା ଚାଲିଥିବା ବେଳେ ଭୋଟର ଫଳାଫଳ ଘୋଷଣା ଉପରେ କୋର୍ଟ ରୋକ୍ ଲଗାଇଛନ୍ତି।
ତିଖିରି ପଞ୍ଚାୟତରେ ମୋଟ ୨୨ ଜଣ ୱାର୍ଡ ସଦସ୍ୟ ରହିଛନ୍ତି। ସେମାନଙ୍କ ମଧ୍ୟରୁ ୨୧ ଜଣ ଗତ ଜୁଲାଇ ୨୩ ତାରିଖରେ ସରପଞ୍ଚଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣିଥିଲେ। ଜୁଲାଇ ୨୭ରେ ସବ୍-କଲେକ୍ଟର ଅନାସ୍ଥା ପ୍ରସ୍ତାବ ଆଣିଥିବା ୱାର୍ଡ ସଦସ୍ୟମାନଙ୍କ ଦସ୍ତଖତ ଯାଞ୍ଚ କରିଥିଲେ ଏବଂ ଭୋଟିଂ ପାଇଁ ତାରିଖ ଧାର୍ଯ୍ୟ କରିଥିଲେ।
ଏହି ଘଟଣାକୁ ନେଇ ବିବାଦ ଜୁନ୍ ୧୧ ତାରିଖରୁ ଆରମ୍ଭ ହୋଇଥିଲା। ସେଦିନ ମହାକାଳପଡ଼ା ବ୍ଲକ୍ ପରିସରରୁ ପୁଲିସ ଚାମେଲି ଓଝା ଓ ତାଙ୍କ ଭାଇଙ୍କୁ ହେପାଜତକୁ ନେଇଥିବା ଅଭିଯୋଗ ହୋଇଥିଲା।
ଅନାସ୍ଥା ପ୍ରସ୍ତାବ ସମ୍ପର୍କିତ ମାମଲାରେ ଓଡ଼ିଶା ହାଇକୋର୍ଟଙ୍କ ନିର୍ଦ୍ଦେଶ ପରେ ଆଜି ଭୋଟିଂ ହେଉଛି। ତେବେ ଭୋଟ ଗଣନା କିମ୍ବା ଫଳାଫଳ ଘୋଷଣା ହାଇକୋର୍ଟଙ୍କ ଅନୁମତି ବିନା କରାଯିବ ନାହିଁ।
ଶୁଣାଣି ସମୟରେ ବିପକ୍ଷ ପକ୍ଷ ଅନାସ୍ଥା ପ୍ରସ୍ତାବ ପ୍ରକ୍ରିୟାରେ କୌଣସି ଅନିୟମିତତା ହୋଇନଥିବା ନେଇ ଏକ ସତ୍ୟପାଠ ଦାଖଲ କରିଥିଲା। ସମସ୍ତ ପକ୍ଷର ଯୁକ୍ତି ଶୁଣିବା ପରେ ହାଇକୋର୍ଟ ରାୟ ସଂରକ୍ଷିତ ରଖିଛନ୍ତି।
ସରପଞ୍ଚ ଚାମେଲି ଓଝାଙ୍କ କହିବା ଅନୁସାରେ, ଆଇନ ଅନୁଯାୟୀ ଅନାସ୍ଥା ପ୍ରସ୍ତାବ ସମୟରେ ରେଜୋଲ୍ୟୁସନ୍ର ନକଲ ଦାଖଲ ହେବା ଆବଶ୍ୟକ ଥିଲା। ଏହା ଦାଖଲ ହୋଇନଥିବାରୁ ସେ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ଏବେ କୋର୍ଟଙ୍କ ନିର୍ଦ୍ଦେଶରେ ଭୋଟିଂ ହେଉଥିଲେ ମଧ୍ୟ କୋର୍ଟଙ୍କ ଅନୁମତି ନ ମିଳିବା ପର୍ଯ୍ୟନ୍ତ ଭୋଟ ଗଣନା ଓ ଫଳାଫଳ ଘୋଷଣା ହେବ ନାହିଁ।
ନବରଙ୍ଗପୁର ଜିଲ୍ଲାରଉମରକୋଟସହରରେ ଦିନ ଦ୍ୱିପ୍ରହରରେ ଘଟିଥି...
ଆମେରିକାର ଇଲିନୋଇସ୍‌ର ଇଷ୍ଟ ସେଣ୍ଟ ଲୁଇସ୍‌ରେ...
ପଞ୍ଜାବର ପଟିଆଲାର ଘୁମ୍ମନ ନଗରରେ ଏକ ଭୟଙ୍କର କୁକୁର ଆକ୍ରମ...
ପୁରୀ ଜିଲ୍ଲା ଚାରିଛକ ଥାନା ଅଧୀନ ଦୁର୍ଗେଶ୍ୱର ବାହାରଣା ଗା...
ବାଂଲାଦେଶ ବର୍ତ୍ତମାନ ଗମ୍ଭୀର ବିଦ୍ୟୁତ୍ ଓ ଶକ୍ତି ସଙ୍କଟ ଦ...
କଂଗ୍ରେସ ସାଂସଦ ତଥା ଲୋକସଭା ବିରୋଧୀ ଦଳ ନେତା ରାହୁଲ ଗାନ୍...
ପୁଣେରେ ଜଣେ ବୃଦ୍ଧଙ୍କଠାରୁ୧୦.୭୪ କୋଟି ଟଙ୍କାର ଡିଜିଟାଲ ଆ...
ଗଞ୍ଜାମ ଜିଲ୍ଲା ଦିଗପହଣ୍ଡିର ରାଜପୁର ରୋଡ୍ରେ ଜଣେ ଅବସରପ୍ର...
