ଜଗନ୍ନାଥ ସଂସ୍କୃତିର ସର୍ବଧର୍ମ ସମନ୍ୱୟର ଏକ ଜୀବନ୍ତ ଉଦାହରଣ ସୃଷ୍ଟି କରିଛନ୍ତି କେନ୍ଦ୍ରାପଡ଼ାର ସୋନା ଖାନ୍। ଜନ୍ମରେ ମୁସଲିମ ହୋଇଥିଲେ ମଧ୍ୟ ସେ ଗତ୨୭ ବର୍ଷ ଧରି ପ୍ରଭୁ ବଳଦେବଜୀଉଙ୍କ ବ୍ରହ୍ମତାଳଧ୍ୱଜ ରଥ ନିର୍ମାଣ କାର୍ଯ୍ୟରେ ନିଷ୍ଠାର ସହ ସେବା କରିଆସୁଛନ୍ତି।
ପ୍ରତିବର୍ଷ ରଥ ନିର୍ମାଣ ଆରମ୍ଭ ହେବା ମାତ୍ରେ ସୋନା ଖାନ୍ ପ୍ରାୟ୧୫ କିଲୋମିଟର ଦୂରରୁ ବଳଦ ଗାଡ଼ିରେ କାଠ, ରଥ ନିର୍ମାଣ ସାମଗ୍ରୀ ଓ ଅନ୍ୟାନ୍ୟ ଆବଶ୍ୟକ ଉପକରଣ ରଥଖଳାକୁ ପହଞ୍ଚାଇଥାନ୍ତି। କାରିଗରମାନଙ୍କ କାମରେ କୌଣସି ବାଧା ନଆସୁ ବୋଲି ସେ ଏହି ସେବାକୁ ନିରନ୍ତର ଜାରି ରଖିଛନ୍ତି।
ଏହି ସେବା ପାଇଁ ସେ ପ୍ରାୟ୧ ଲକ୍ଷ ଟଙ୍କା ବ୍ୟୟରେ ଦୁଇଟି ବଳଦ କିଣିଛନ୍ତି। ବର୍ଷସାରା ସେ ସେମାନଙ୍କର ଯତ୍ନ ନେଇଥାନ୍ତି ଏବଂ କେବଳ ରଥଯାତ୍ରା ସେବା ପାଇଁ ସେହି ବଳଦମାନଙ୍କୁ ବ୍ୟବହାର କରନ୍ତି।
ସୋନା ଖାନ୍ କହିଛନ୍ତି,“ଗତ ୨୭ ବର୍ଷ ଧରି ମୁଁ ପ୍ରଭୁଙ୍କ ସେବା କରୁଛି। ଏହି ସେବାରୁ ମୋତେ ଅପାର ଆନନ୍ଦ ମିଳେ। ମୁଁ ମୋ ଭଗବାନଙ୍କୁ ପୂଜା କରି ଯେପରି ଖୁସି ପାଏ, ସେହିପରି ପ୍ରଭୁ ବଳଦେବଜୀଉଙ୍କ ସେବା କରି ମଧ୍ୟ ସମାନ ଖୁସି ପାଏ। ଯେତେବେଳେ ବିପଦରେ ପଡ଼ିଛି, ପ୍ରଭୁଙ୍କୁ ପ୍ରାର୍ଥନା କରିଛି ଏବଂ ସବୁବେଳେ ଆଶୀର୍ବାଦ ପାଇଛି।”
ମନ୍ଦିରର ବରିଷ୍ଠ ପୂଜାପଣ୍ଡା ସେବାୟତଜ୍ୟୋତି ରଞ୍ଜନ ପାତ୍ରୀକହିଛନ୍ତି ଯେ, ସୋନା ଖାନଙ୍କ ଭକ୍ତି ନିଷ୍କପଟ ଓ ନିଷ୍ଠାପୂର୍ଣ୍ଣ। ସେ ବର୍ଷ ବର୍ଷ ଧରି ରଥ ନିର୍ମାଣ ସେବା ସହ ଜଡ଼ିତ ଅଛନ୍ତି। ତାଙ୍କୁ ଏହି ଯୁଗର‘ସାଲବେଗ’କହିଲେ କିଛି ଭୁଲ୍ ହେବ ନାହିଁ।
ସ୍ଥାନୀୟ ଲୋକମାନଙ୍କ କହିବା ଅନୁସାରେ, ଧର୍ମ ଭିନ୍ନ ହୋଇଥିଲେ ମଧ୍ୟ ସୋନା ଖାନଙ୍କ ପ୍ରଭୁ ବଳଦେବଜୀଉଙ୍କ ପ୍ରତି ଭକ୍ତି ଅସାଧାରଣ। ସେ ବର୍ଷସାରା ବଳଦମାନଙ୍କ ଯତ୍ନ ନେଇ କେବଳ ପ୍ରଭୁଙ୍କ ରଥ ସେବା ପାଇଁ ସେମାନଙ୍କୁ ବ୍ୟବହାର କରନ୍ତି।
ଓଡ଼ିଶାର ଜଗନ୍ନାଥ ସଂସ୍କୃତି ସର୍ବଧର୍ମ ସମନ୍ୱୟ ଓ ମାନବତାର ବାର୍ତ୍ତା ଦେଇଆସିଛି। ମଧ୍ୟଯୁଗର ମହାନ ଭକ୍ତସାଲବେଗଙ୍କ ପରମ୍ପରାକୁ ଆଜିର ସମୟରେ ସୋନା ଖାନ୍ ନିଜ କର୍ମ ଓ ସେବା ମାଧ୍ୟମରେ ଆଗେଇ ନେଉଥିବାରୁ ସେ ଅନେକଙ୍କ ପାଇଁ ପ୍ରେରଣା ପାଲଟିଛନ୍ତି।
ନେପାଳର ଉତ୍ତର ଅଞ୍ଚଳରେ ଘଟିଥିବା ଭୟଙ୍କର ବନ୍ୟା ଓ ଭୂସ୍ଖଳ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
ନେପାଳରେ ଅଗଷ୍ଟ ୨୬ରେ ଘଟିଥିବା ଭୟଙ୍କର Bhotekoshi ବନ୍ୟା...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
