କନ୍ଧମାଳ ଜିଲ୍ଲାରେ ଅବୈଧ ଅଗ୍ନେୟାସ୍ତ୍ର ବ୍ୟବହାର ଓ ରଖିବା ବିରୋଧରେ ପୁଲିସ ପକ୍ଷରୁ ଚାଲିଥିବା ବିଶେଷ ଅଭିଯାନକୁ ଆହୁରି ତୀବ୍ର କରାଯାଇଛି। ଗତ ଦୁଇ ମାସ ଧରି ଜିଲ୍ଲାବ୍ୟାପୀ ଚଢ଼ାଉ ଅଭିଯାନରେ ପୁଲିସ ୩୦ରୁ ଅଧିକ ଦେଶୀ ବନ୍ଧୁକ ଜବତ କରିଥିବା ବେଳେ ଅବୈଧ ଅସ୍ତ୍ର ରଖିବା ଓ ବ୍ୟବହାର ଅଭିଯୋଗରେ ୧୦ରୁ ଅଧିକ ଜଣଙ୍କୁ ଗିରଫ କରିଛି।
ପୁଲିସ ସୂତ୍ରରୁ ମିଳିଥିବା ସୂଚନା ଅନୁସାରେ, କନ୍ଧମାଳର ଜଙ୍ଗଲ ନିକଟବର୍ତ୍ତୀ ଓ ସମ୍ବେଦନଶୀଳ ଅଞ୍ଚଳଗୁଡ଼ିକରେ ଏହି ବିଶେଷ ଅଭିଯାନ ଚାଲିଛି। ଏହି ଅଞ୍ଚଳଗୁଡ଼ିକରେ ଅବୈଧ ଦେଶୀ ବନ୍ଧୁକ ମୁଖ୍ୟତଃ ବନ୍ୟଜନ୍ତୁ ଶିକାର ଭଳି ଅବୈଧ କାର୍ଯ୍ୟରେ ବ୍ୟବହୃତ ହେଉଥିବା ଅଭିଯୋଗ ରହିଛି।
ବିଭିନ୍ନ ଦୁର୍ଗମ ଗାଁ ଓ ଭିତର ଅଞ୍ଚଳରେ ଗୁପ୍ତ ସୂଚନା ଆଧାରରେ ପୁଲିସ ଟିମ୍ ଚଢ଼ାଉ କରୁଛି। ସମ୍ପ୍ରତି ସଦର ପୁଲିସ ସୁଦ୍ରୁକୁମ୍ପା ଅଞ୍ଚଳର ତଡାମେରୁ ଗାଁର ସରୋଜ ମଲ୍ଲିକଙ୍କୁ ଗିରଫ କରି ତାଙ୍କ ନିକଟରୁ ଏକ ଦେଶୀ ବନ୍ଧୁକ ଜବତ କରିଛି। ସେ ଅବୈଧ ଅସ୍ତ୍ର ନେଇ ଅଞ୍ଚଳରେ ବୁଲୁଥିବା ସୂଚନା ପାଇ ପୁଲିସ ଚଢ଼ାଉ କରିଥିଲା।
ପୁଲିସ କହିଛି ଯେ ଏହି ଅଭିଯାନର ମୁଖ୍ୟ ଉଦ୍ଦେଶ୍ୟ ହେଉଛି ବନ୍ୟଜନ୍ତୁ ଶିକାର ଓ ଅବୈଧ ଅସ୍ତ୍ର ବ୍ୟବହାରକୁ ରୋକିବା। ଘନ ଜଙ୍ଗଲ ଓ ବନ୍ୟଜନ୍ତୁ ସମୃଦ୍ଧ କନ୍ଧମାଳ ଜିଲ୍ଲାରେ ପୂର୍ବରୁ ମଧ୍ୟ ଅବୈଧ ଶିକାର ନେଇ ଅଭିଯୋଗ ଆସୁଥିବାରୁ ପୁଲିସ ଓ ବନ ବିଭାଗ ଏହା ଉପରେ ନଜର ରଖିଛନ୍ତି।
ପୁଲିସର ସନ୍ଦେହ ଯେ ଜିଲ୍ଲାର ଅନେକ ଦୁର୍ଗମ ଅଞ୍ଚଳରେ ଏବେ ମଧ୍ୟ ଅବୈଧ ଦେଶୀ ବନ୍ଧୁକ ଚଳଚଳ ହେଉଛି। ସେଥିପାଇଁ ଆଗାମୀ ଦିନରେ ଆହୁରି ଚଢ଼ାଉ ଓ ଗିରଫଦାରୀ ହେବାର ସମ୍ଭାବନା ରହିଛି।
ପୁଲିସ ଅଧିକାରୀମାନେ କହିଛନ୍ତି ଯେ ଅବୈଧ ଅଗ୍ନେୟାସ୍ତ୍ର ବିରୋଧରେ ଏହି ବିଶେଷ ଅଭିଯାନ ଜାରି ରହିବ ଏବଂ ଯେକୌଣସି ବ୍ୟକ୍ତି ଅବୈଧ ଅସ୍ତ୍ର ରଖିବା କିମ୍ବା ବ୍ୟବହାର କରୁଥିବା ଧରାପଡ଼ିଲେ କଡ଼ା କାର୍ଯ୍ୟାନୁଷ୍ଠାନ ନିଆଯିବ।
ଭୁବନେଶ୍ୱର ବାଲିଅନ୍ତାରେ GRP କନେଷ୍ଟବଲ ସୌମ୍ୟରଞ୍ଜନ ସ୍ୱା...
ନିଟ୍-ୟୁଜି ୨୦୨୬ ପରୀକ୍ଷାରେ ପେପର ଲିକ୍ ଅଭିଯୋଗକୁ କେନ୍ଦ୍...
ଇଞ୍ଜିନିୟରିଂ କ୍ଷେତ୍ରରେ IITରେ ଭର୍ତ୍ତି ହେବାକୁ ଇଚ୍ଛୁକ...
କେରଳର ତିରୁବନନ୍ତପୁରମର କାର୍ଯ୍ୟଭଟ୍ଟମ ଅଞ୍ଚଳରେ ପୋଲିସ ଏକ...
ସୋମବାର ଜାପାନର ଉତ୍ତର-ପୂର୍ବ ଉପକୂଳରେ ଭୟାବହ 7.7 ମାଗ୍ନି...
କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (CBSE) ନିଜର ମଲ୍ଟିଲ...
ମଇ 3ରେ ଆୟୋଜିତ NEET UG 2026 ପରୀକ୍ଷାକୁ ଦେଶର ଶିକ୍ଷା ବ...
Surat ରୁ ଏକ ଭୟଙ୍କର ଘଟଣା ପ୍ରକାଶରେ ଆସିଛି, ଯେଉଁଠାରେ 4...
ସୋସିଆଲ୍ ମିଡିଆ ମାଧ୍ୟମରେ ବଢ଼ୁଥିବା ସାଇବର ଠକେଇର ଆଉ ଏକ...
