କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀଜଗତ ପ୍ରକାଶ ନଡ୍ଡାସୋମବାର୧୬ତମ କେନ୍ଦ୍ରୀୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ପରିଷଦ (CCHFW)ସମ୍ମିଳନୀରେ'ସୁମନ୍ ରୋଡମ୍ୟାପ୍ 2030'ଉନ୍ମୋଚନ କରିବେ।

ଏହି ରୋଡମ୍ୟାପ୍ ମାତୃ ଓ ନବଜାତ ସ୍ୱାସ୍ଥ୍ୟସେବାକୁ ଆହୁରି ସୁଦୃଢ଼ କରିବା ସହ୨୦୩୦ ସୁଦ୍ଧା ମାତୃ ଓ ନବଜାତ ମୃତ୍ୟୁହାର ହ୍ରାସଲକ୍ଷ୍ୟ ପୂରଣ ପାଇଁ ଏକ ବ୍ୟାପକ ଓ ବହୁମୁଖୀ ରଣନୀତି ଭାବେ ପ୍ରସ୍ତୁତ କରାଯାଇଛି।

ରାଜ୍ୟ ଓ ଜିଲ୍ଲା ଭିତ୍ତିକ ସ୍ୱତନ୍ତ୍ର ରଣନୀତି

ଗତ ଦଶନ୍ଧିରେ ଭାରତରେ ମାତୃ ସ୍ୱାସ୍ଥ୍ୟରେ ଉଲ୍ଲେଖନୀୟ ସୁଧାର ହୋଇଥିଲେ ମଧ୍ୟ କେତେକ ରାଜ୍ୟରେ ମାତୃ ଓ ନବଜାତ ମୃତ୍ୟୁହାର ଏପର୍ଯ୍ୟନ୍ତ ଚିନ୍ତାର କାରଣ ହୋଇ ରହିଛି। ଏହାକୁ ଦୃଷ୍ଟିରେ ରଖି ରୋଡମ୍ୟାପ୍ରେ ପ୍ରତ୍ୟେକ ରାଜ୍ୟ ଓ ଜିଲ୍ଲାର ଆବଶ୍ୟକତା ଅନୁଯାୟୀପ୍ରମାଣଭିତ୍ତିକ ଓ ସ୍ୱତନ୍ତ୍ର ହସ୍ତକ୍ଷେପପାଇଁ ବ୍ୟବସ୍ଥା କରାଯାଇଛି।

ଗର୍ଭଧାରଣ ପୂର୍ବରୁ ପ୍ରସବ ପର୍ଯ୍ୟନ୍ତ ସମ୍ପୂର୍ଣ୍ଣ ସେବା

ଏହି ରୋଡମ୍ୟାପ୍ରେଗର୍ଭଧାରଣ ପୂର୍ବ ପରାମର୍ଶ, ଗର୍ଭାବସ୍ଥା ସେବା, ପ୍ରସବ ସମୟର ଚିକିତ୍ସା ଏବଂ ପ୍ରସବ ପରବର୍ତ୍ତୀ ସେବାକୁ ଏକାଠି କରାଯାଇଛି। ଏହାସହ ଶିଶୁ ସ୍ୱାସ୍ଥ୍ୟ, କିଶୋର ସ୍ୱାସ୍ଥ୍ୟ, ପରିବାର ନିୟୋଜନ ଓ ପୋଷଣ ସେବାକୁ ମଧ୍ୟ ସମନ୍ୱିତ କରାଯିବ।

ଉଚ୍ଚ ବିପଦପୂର୍ଣ୍ଣ ଗର୍ଭାବସ୍ଥା ଉପରେ ବିଶେଷ ନଜର

ରୋଡମ୍ୟାପ୍ରେ ଉଚ୍ଚ ବିପଦପୂର୍ଣ୍ଣ ଗର୍ଭାବସ୍ଥା ଚିହ୍ନଟ, ନିୟମିତ ନଜରଦାରି ଓ ଚିକିତ୍ସା ପାଇଁଚାରି ପର୍ଯ୍ୟାୟ ବିଶିଷ୍ଟ ବ୍ୟବସ୍ଥାରହିଛି। ଏଥିରେ ଗର୍ଭାବସ୍ଥା, ତୃତୀୟ ତ୍ରୈମାସିକ, ପ୍ରସବ ସମୟ ଏବଂ ପ୍ରସବ ପରବର୍ତ୍ତୀ ଅବସ୍ଥାରେ ବିପଦପୂର୍ଣ୍ଣ ମା’ମାନଙ୍କୁ ବିଶେଷ ନଜରରେ ରଖାଯିବ।

ଓଡ଼ିଶା ସମେତ ୧୩ ରାଜ୍ୟକୁ ମିଳିବ ବିଶେଷ ଗୁରୁତ୍ୱ

ଏହି ରୋଡମ୍ୟାପ୍ରେଓଡ଼ିଶା ସମେତ ୧୩ଟି ଉଚ୍ଚ ପ୍ରାଥମିକତା ରାଜ୍ୟର ୧୩୦ଟି ଜିଲ୍ଲାପାଇଁ ସ୍ୱତନ୍ତ୍ର ଓ ସମୟବଦ୍ଧ କାର୍ଯ୍ୟଯୋଜନା ପ୍ରସ୍ତୁତ କରାଯାଇଛି। ଗର୍ଭବତୀ ମହିଳାଙ୍କ ସମୟୋପଯୋଗୀ ପଞ୍ଜିକରଣ, ନିୟମିତ ସ୍ୱାସ୍ଥ୍ୟ ପରୀକ୍ଷା, ନିରାପଦ ପ୍ରସବ ଓ ପ୍ରସବ ପରବର୍ତ୍ତୀ ଚିକିତ୍ସା ଉପରେ ବିଶେଷ ଗୁରୁତ୍ୱ ଦିଆଯିବ।

ଆଶା କର୍ମୀଙ୍କ ଘରକୁ ଘର ପରିଦର୍ଶନ

ରୋଡମ୍ୟାପ୍ ଅନୁଯାୟୀ, ଗର୍ଭାବସ୍ଥାରଅଷ୍ଟମ ଓ ନବମ ମାସରେ ଆଶା କର୍ମୀମାନେ ପ୍ରତି ଦୁଇ ସପ୍ତାହରେ ଘରକୁ ଯାଇଗର୍ଭବତୀଙ୍କ ସ୍ୱାସ୍ଥ୍ୟ ପରୀକ୍ଷା, ପୋଷଣ ପରାମର୍ଶ, ପ୍ରସବ ପ୍ରସ୍ତୁତି ଏବଂ ନିରାପଦ ସଂସ୍ଥାଗତ ପ୍ରସବ ପାଇଁ ସଚେତନ କରିବେ।

ନୂଆ ବ୍ୟବସ୍ଥା

ଏହି ରୋଡମ୍ୟାପ୍ରେ ଗର୍ଭବତୀଙ୍କ ସହ ଜଣେ ପରିଚର୍ଯ୍ୟାକାରୀଙ୍କ ପାଇଁ ଆର୍ଥିକ ସହାୟତା, ଦୁର୍ଗମ ଅଞ୍ଚଳରେ ରେଫରାଲ୍ ପରିବହନ ବ୍ୟବସ୍ଥା,Birth Waiting Homes (BWHs), Maternal & Child Health Wings (MCH), Obstetric HDUs ଏବଂ ICUsସ୍ଥାପନ ଉପରେ ମଧ୍ୟ ଜୋର ଦିଆଯାଇଛି।

ସମୁଦାୟର ସହଭାଗିତା ବଢ଼ାଇବା ପାଇଁ'ସୁମନ୍ ପଞ୍ଚାୟତ'ଏବଂ'ମଦର୍ସ ପିକନିକ୍'ଭଳି କାର୍ଯ୍ୟକ୍ରମ ମଧ୍ୟ ଏହି ରୋଡମ୍ୟାପ୍ର ଅଂଶ ରହିଛି।