ନୂଆଦିଲ୍ଲୀ: ଜବାହରଲାଲ ନେହରୁ ବିଶ୍ୱବିଦ୍ୟାଳୟର ଜଣେ ପ୍ରଫେସରଙ୍କ ବିରୋଧରେ ଅତି କମରେ ୧୦ ଜଣ ଛାତ୍ରଛାତ୍ରୀ ଯୌନ ଉତ୍ପୀଡ଼ନର ଅଭିଯୋଗ ଆଣିଛନ୍ତି। ଏହି ଅଭିଯୋଗ ଉପରେ ବିଶ୍ୱବିଦ୍ୟାଳୟର ଇଣ୍ଟରନାଲ୍ କମ୍ପ୍ଲେଣ୍ଟ୍ସ କମିଟି (ICC) ତଦନ୍ତ ଆରମ୍ଭ କରିଛି।
ଅଭିଯୋଗଗୁଡ଼ିକ ପ୍ରାୟ ଏକ ମାସ ପୂର୍ବରୁ ଦାଖଲ ହୋଇଥିବା ଜଣାପଡ଼ିଛି। ଅଭିଯୋଗକାରୀ ଛାତ୍ରଛାତ୍ରୀମାନେ କହିଛନ୍ତି ଯେ ପ୍ରଫେସର ତାଙ୍କୁ କ୍ୟାମ୍ପସ୍ରେ ଥିବା ନିଜ ବାସଭବନକୁ ବିଭିନ୍ନ ସମାବେଶ ପାଇଁ ଡାକୁଥିଲେ। ସେଠାରେ ପ୍ରଫେସର ଅନୁଚିତ ଯୌନ ଆଚରଣ କରୁଥିବା ଅଭିଯୋଗ ହୋଇଛି।
ଏଥିସହ ଶ୍ରେଣୀଗୃହରେ ମଧ୍ୟ ପ୍ରଫେସର ଅଶ୍ଳୀଳ ଓ ଆପତ୍ତିଜନକ ମନ୍ତବ୍ୟ ଦେଉଥିବା ଅଭିଯୋଗ ରହିଛି।
ICC ନିକଟରେ ପ୍ରାଥମିକ ଅଭିଯୋଗ ଦାଖଲ ହେବା ପରେ ଅନେକ ବରିଷ୍ଠ ଛାତ୍ରଛାତ୍ରୀ ଅଭିଯୋଗକାରୀଙ୍କ ସମର୍ଥନରେ ଆସିଛନ୍ତି।
ସେମାନେ ପ୍ରଫେସରଙ୍କ କଥିତ ଅନୁଚିତ ବ୍ୟବହାରକୁ ନେଇ ଚିନ୍ତା ପ୍ରକାଶ କରିବା ସହ ସମାନ ଧରଣର ଅଭିଯୋଗ ନିଜେମାନେ ମଧ୍ୟ ଶୁଣିଥିବା କିମ୍ବା ଅନୁଭବ କରିଥିବା ନେଇ କହିଥିବା ଜଣାପଡ଼ିଛି।
ବର୍ତ୍ତମାନ ମାମଲାଟି JNUର ଇଣ୍ଟରନାଲ୍ କମ୍ପ୍ଲେଣ୍ଟ୍ସ କମିଟିର ବିଚାରାଧୀନ ରହିଛି। ତେବେ ଏହି ଅଭିଯୋଗ ନେଇ JNU ପ୍ରଶାସନ କିମ୍ବା କୁଳପତିଙ୍କ କାର୍ଯ୍ୟାଳୟ ପକ୍ଷରୁ ଏପର୍ଯ୍ୟନ୍ତ କୌଣସି ଆଧିକାରିକ ବୟାନ ଜାରି ହୋଇନାହିଁ।
ଛାତ୍ର ସଂଗଠନ ପକ୍ଷରୁ ମଧ୍ୟ ଏହି ଘଟଣା ସମ୍ପର୍କରେ କୌଣସି ନୂଆ ଅପଡେଟ୍ ଦିଆଯାଇନାହିଁ।
ଘଟଣା ସମ୍ପର୍କରେ ଅଧିକ ତଥ୍ୟ ଏବଂ ତଦନ୍ତର ପରବର୍ତ୍ତୀ ଅଗ୍ରଗତିକୁ ଅପେକ୍ଷା କରାଯାଇଛି।
ପ୍ରତ୍ୟେକ ବ୍ୟକ୍ତିଙ୍କ ପାଇଁ ଏକା ପ୍ରକାରର ହେଲ୍ଥ ପ୍ୟାକେଜ...
ଭାରତୀୟ କ୍ରିକେଟ୍ର ଷ୍ଟାର୍ ବ୍ୟାଟର୍ ବିରାଟ କୋହଲି ପୁଣିଥର...
ଆଧୁନିକ ଚିକିତ୍ସା ବିଜ୍ଞାନ ଅନେକ ରୋଗର ଚିହ୍ନଟ ଓ ଚିକିତ୍ସ...
କର୍କଟ ରୋଗର ଚିକିତ୍ସା ଖର୍ଚ୍ଚ ଅନେକ ପରିବାର ପାଇଁ ବଡ଼ ଆର...
ଭାରତୀୟ କ୍ରିକେଟ୍ ଦଳର ଷ୍ଟାର୍ ଖେଳାଳି ବିରାଟ କୋହଲି ପୁଣି...
ଗବେଷଣା ଓ ଉଚ୍ଚଶିକ୍ଷା କ୍ଷେତ୍ରରେ ନୂଆ ସହଯୋଗ ଉଚ୍ଚଶିକ...
ରୋହିତ-କୋହଲିଙ୍କ ପ୍ରତ୍ୟାବର୍ତ୍ତନ, ନ୍ୟୁଜିଲାଣ୍ଡ ବିପକ୍ଷର...
ଭାରତୀୟ କ୍ରିକେଟ୍‌ର ରନ୍‌ମେସିନ୍ ବିରାଟ କୋହଲି...
