ସୁନ୍ଦରଗଡ଼ ଜିଲ୍ଲାରେ ଘଟିଛି ଏକ ଲୋମହର୍ଷଣକାରୀ ହତ୍ୟାକାଣ୍ଡ। ଝାରଖଣ୍ଡର ରାଞ୍ଚି ଅଞ୍ଚଳର ଜଣାଶୁଣା ୟୁଟ୍ୟୁବର ଶିବଧନ ଲୋହାରଙ୍କୁ ଅପହରଣ କରି ନିର୍ମମ ଭାବେ ହତ୍ୟା କରାଯିବା ପରେ ତାଙ୍କ କାର୍ ଲୁଟି ଫେରାର ହେଉଥିବା ଅଭିଯୁକ୍ତମାନେ ସଡ଼କ ଦୁର୍ଘଟଣାର ଶିକାର ହୋଇଛନ୍ତି। ଏହି ଦୁର୍ଘଟଣାରେ ମୁଖ୍ୟ ଅଭିଯୁକ୍ତର ମୃତ୍ୟୁ ଘଟିଥିବାବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି।
ସୂଚନା ଅନୁଯାୟୀ, ଶିବଧନ ଲୋହାର ନିଜର ଜଣେ ସମ୍ପର୍କୀୟଙ୍କୁ ସୁନ୍ଦରଗଡ଼ ମେଡିକାଲ କଲେଜରେ ଭର୍ତ୍ତି କରିବା ପରେ କାର୍ ଯୋଗେ ରାଞ୍ଚି ଫେରୁଥିଲେ। ତାଙ୍କ ସହ ଅନ୍ୟ ଏକ କାର୍ରେ ବନ୍ଧୁ ଅନମୋଲ ନାଏକ ମଧ୍ୟ ଯାଉଥିଲେ।
ରାତି ପ୍ରାୟ ୧୨ଟା ସମୟରେ ସବଡେଗା ନିକଟରେ ତିନି ଜଣ ଦୁର୍ବୃତ୍ତ ପ୍ରଥମେ ଅନମୋଲ ନାଏକଙ୍କ ଗାଡ଼ିକୁ ଅଟକାଇବାକୁ ଚେଷ୍ଟା କରିଥିଲେ। ସେ ଖସିଯାଇଥିବାବେଳେ ପଛରେ ଆସୁଥିବା ଶିବଧନ ଲୋହାରଙ୍କୁ ଅଟକାଇ ଗାଡ଼ି ସହ ଅପହରଣ କରିଥିଲେ।
ଅଭିଯୁକ୍ତମାନେ ଶିବଧନଙ୍କୁ ପ୍ରାୟ ୮୦ କିଲୋମିଟର ଦୂର ହେମଗିରି ଥାନା ଅଞ୍ଚଳର ଡୁଡୁକା ନିକଟକୁ ନେଇ ଏକ ଭୁଜାଲିରେ ନିର୍ମମ ଭାବେ ହତ୍ୟା କରିଥିଲେ। ପରେ ଶବକୁ ରେଳ ଓଭରବ୍ରିଜ୍ ନିକଟରେ ଫିଙ୍ଗି ଦେଇ ତାଙ୍କ କାର୍, ମୋବାଇଲ୍ ଫୋନ୍ ଓ ପର୍ସ ଲୁଟି ନେଇ ପଳାଇ ଯାଇଥିଲେ।
ଲୁଟ୍ ହୋଇଥିବା କାର୍ରେ ଦ୍ରୁତ ଗତିରେ ଝାରସୁଗୁଡ଼ା ଅଭିମୁଖେ ଯାଉଥିବା ବେଳେ ଭସମା ନିକଟରେ ଗାଡ଼ିଟି ଭାରସାମ୍ୟ ହରାଇ ରାସ୍ତା ତଳକୁ ଓଲଟି ପଡ଼ିଥିଲା। ଏହି ଦୁର୍ଘଟଣାରେ ମୁଖ୍ୟ ଅଭିଯୁକ୍ତ ଶୁଭେନ୍ଦୁର ଘଟଣାସ୍ଥଳରେ ମୃତ୍ୟୁ ଘଟିଥିଲା। ଅନ୍ୟ ଜଣେ ଅଭିଯୁକ୍ତ ଗୁରୁତର ଆହତ ହୋଇ ରାଉରକେଲା ସରକାରୀ ହସ୍ପିଟାଲରେ ଚିକିତ୍ସାଧୀନ ଅଛନ୍ତି।
ପୋଲିସ ସୂଚନା ଅନୁଯାୟୀ, ତୃତୀୟ ଅଭିଯୁକ୍ତ ଜଣେ ନାବାଳକ ହୋଇଥିବାରୁ ତାଙ୍କୁ ଅଟକ ରଖି ପଚରାଉଚରା କରାଯାଉଛି।
ଘଟଣା ପରେ ଜିଲ୍ଲା ଏସ୍ପି, ଏସ୍ଡିପିଓ ଓ ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ହତ୍ୟାକାଣ୍ଡରେ ବ୍ୟବହୃତ ଅସ୍ତ୍ର, ଲୁଟ୍ ସାମଗ୍ରୀ ଓ ଘଟଣାର ସମ୍ପୂର୍ଣ୍ଣ କାରଣ ନେଇ ପୋଲିସ ଅଧିକ ତଦନ୍ତ ଜାରି ରଖିଛି।
ବଲୁଚିସ୍ତାନରେ ପାକିସ୍ତାନୀ ସେନା ଓ ବଲୋଚ ବିଦ୍ରୋହୀଙ୍କ ମଧ...
ଆମେରିକା ଓ ଚୀନ୍‌ ମଧ୍ୟରେ କୃତ୍ରିମ ବୁଦ୍ଧିମତ୍ତା (A...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ଓଡ଼ିଶା ମାଧ୍ୟମିକ ଶିକ୍ଷା ବୋର୍ଡ (BSE) ପକ୍ଷରୁ ଓଡ଼ିଶା ଶ...
ବୁଲଗେରିଆର ଭବିଷ୍ୟଦ୍ରଷ୍ଟା ବାବା ଭେଙ୍ଗାଙ୍କ ନାମରେ ୨୦୨୭କ...
ପାକିସ୍ତାନରେ ନୂଆ ପ୍ରଦେଶ ଗଠନ ଓ ପ୍ରଦେଶ ବିଭାଜନକୁ ନେଇ ର...
