କୋରାପୁଟ ଜିଲ୍ଲାରେ ସାର୍ବଜନିକ ପରିବହନ ବ୍ୟବସ୍ଥାକୁ ଆଧୁନିକ ଓ ପରିବେଶବନ୍ଧବ କରିବା ଦିଗରେ ବଡ଼ ପଦକ୍ଷେପ ନେଇଛନ୍ତି ରାଜ୍ୟ ସରକାର। ଡିଜେଲ୍ ଚାଳିତ ପୁରୁଣା ବସ୍ ପରିବର୍ତ୍ତେ ଆଗାମୀ ୬ ମାସ ମଧ୍ୟରେ କୋରାପୁଟ ଜିଲ୍ଲାରେ ୫୦ଟି ଇଭି ବସ୍ ଚଳାଚଳ କରିବ ବୋଲି ସୂଚନା ମିଳିଛି।
ଇଭି ବସ୍ ପାଇଁ ଟେଣ୍ଡର ପ୍ରକ୍ରିୟା ଶେଷ ହୋଇଥିବା ବେଳେ ଶୀଘ୍ର ବସ୍ଗୁଡ଼ିକ ଆସିବାକୁ ଯାଉଛି। ସବୁ ରୁଟ୍ରେ ନୂତନ ଇଲେକ୍ଟ୍ରିକ୍ ବସ୍ ଚାଲିବ ଏବଂ ପୁରୁଣା ଡିଜେଲ୍ ବସ୍କୁ ପର୍ଯ୍ୟାୟକ୍ରମେ ବଦଳାଯିବ।
ଏହାସହ ଜୟପୁର ବସ୍ ଷ୍ଟାଣ୍ଡର ସମ୍ପୂର୍ଣ୍ଣ ଚିତ୍ର ମଧ୍ୟ ବଦଳିବାକୁ ଯାଉଛି। ବସ୍ ଷ୍ଟାଣ୍ଡକୁ ଆଧୁନିକ ଢଂଗରେ ବିକାଶ କରାଯିବା ସହ ଯାତ୍ରୀମାନଙ୍କ ପାଇଁ ବିଭିନ୍ନ ସୁବିଧା ଉପଲବ୍ଧ କରାଯିବ। ଇଭି ବସ୍ ପାଇଁ ଚାର୍ଜିଂ ଷ୍ଟେସନ୍ ତିଆରି ହେବା ସହ ଗାଡ଼ି ଧୋଇବାରେ ବ୍ୟବହୃତ ପାଣିର ଅପଚୟ ରୋକିବାକୁ ରିଫାଇନେରି ପ୍ଲାଣ୍ଟ ମଧ୍ୟ ସ୍ଥାପନ କରାଯିବ।
ରାଜ୍ୟ ସରକାରଙ୍କ ଅତିରିକ୍ତ ସଚିବ ଓ ଅପରେସନ୍ ଜେନେରାଲ୍ ହେଡ୍ ସଞ୍ଜିବ ବିଶ୍ୱାଳ ଜୟପୁର ବସ୍ ଷ୍ଟାଣ୍ଡର ପରିଦର୍ଶନ କରି ଇଭି ବସ୍ ସେବା ପାଇଁ ଚାଲିଥିବା ପ୍ରସ୍ତୁତିର ସମୀକ୍ଷା କରିଛନ୍ତି। ସରକାର ଆଗାମୀ ୬ ମାସ ମଧ୍ୟରେ ସମସ୍ତ କାମ ଶେଷ କରିବାକୁ ଲକ୍ଷ୍ୟ ରଖିଛନ୍ତି।
ପ୍ରଧାନମନ୍ତ୍ରୀ ଇ-ଡ୍ରାଇଭ୍ ଯୋଜନା ଅନୁସାରେ ଏହି ଇଲେକ୍ଟ୍ରିକ୍ ବସ୍ ଚାଲିବ। ମାଓବାଦୀ ପ୍ରଭାବିତ ଅଞ୍ଚଳରେ ବିକାଶକୁ ତ୍ୱରାନ୍ୱିତ କରିବା ପାଇଁ କଳାହାଣ୍ଡି, କନ୍ଧମାଳ, କୋରାପୁଟ, ରାୟଗଡ଼ା, ମାଲକାନଗିରି, ନୁଆପଡ଼ା, ନବରଙ୍ଗପୁର ଓ ବଲାଙ୍ଗିର ଭଳି ଜିଲ୍ଲାଗୁଡ଼ିକୁ ସରକାର ଗୁରୁତ୍ୱ ଦେଉଛନ୍ତି।
ଏହି ଜିଲ୍ଲାଗୁଡ଼ିକର ୭୨ଟି ବ୍ଲକ୍କୁ ବସ୍ ସେବା ସହ ଯୋଡ଼ାଯାଇଛି। ୧୪୧୧ଟି ପଞ୍ଚାୟତ ଓ ୧୧,୩୯୬ଟି ଗାଁ ମଧ୍ୟରୁ ୧୦,୦୮୨ଟି ଗାଁକୁ ବସ୍ ସେବା ପହଞ୍ଚିସାରିଛି। ବାକି ଗାଁଗୁଡ଼ିକୁ ଆଗାମୀ ୩ ମାସ ମଧ୍ୟରେ ସେବା ଯୋଗାଇ ଦିଆଯିବ ବୋଲି ସରକାର କହିଛନ୍ତି।
ଏହାସହ ୭ଟି ଜିଲ୍ଲାରେ ୭୭ଟି ଅଟଲ ବସ୍ ଷ୍ଟାଣ୍ଡ ଯୋଜନା ରହିଥିବା ବେଳେ ୧୬ଟି ସ୍ଥାନରେ କାମ ଶେଷ ହୋଇସାରିଛି। ଅବଶିଷ୍ଟ କାମ ଚଳିତ ବର୍ଷ ଶେଷ ସୁଦ୍ଧା ସମାପ୍ତ ହେବ ବୋଲି ସୂଚନା ମିଳିଛି।
ଦିଲ୍ଲୀ କ୍ୟାପିଟାଲ୍ସ ଅଧିନାୟକ ଅକ୍ଷର ପଟେଲ୍‌ ଚଳିତ...
ଭାରତୀୟ ମୂଳର ମହିଳା ବର୍ଷା ଗୋହିଲଙ୍କ ଦୀର୍ଘ ୨୩ ବର୍ଷର ଆଇ...
ଆଇପିଏଲ୍‌ ୨୦୨୬ରେ ରାଜସ୍ଥାନ ରୟାଲ୍ସର ଓପେନିଂ ଯୋଡ଼ି...
ନିଟ୍-ୟୁଜି ୨୦୨୬ ପ୍ରଶ୍ନପତ୍ର ଲିକ୍ ବିବାଦ ପରେ ଜୁନ୍ ୨୧ରେ...
ପଶ୍ଚିମବଙ୍ଗ ଆଜି ଏକ ନୂଆ ରାଜନୈତିକ ଯୁଗରେ ପ୍ରବେଶ କରିଛି।...
ନିଟ୍-ୟୁଜି ୨୦୨୬ ପ୍ରଶ୍ନପତ୍ର ଲିକ୍ ବିବାଦ ଏବଂ ପରୀକ୍ଷା ବ...
ଦେଶର ସଡ଼କ ଭିତ୍ତିଭୂମି ବିକାଶକୁ ଆହୁରି ଗତିଶୀଳ କରିବା ଲକ...
ଆଇପିଏଲ୍‌ ୨୦୨୬ରେ ସନରାଇଜର୍ସ ହାଇଦ୍ରାବାଦ ଓ ରୟାଲ୍&...
ଆଇପିଏଲ୍ ୨୦୨୬ରୁ କୋଲକାତା ନାଇଟ୍ ରାଇଡର୍ସ ବାଦ୍ ପଡ଼ିବା ପ...
