ଜମ୍ମୁ-କାଶ୍ମୀରରେ ପ୍ରବଳ ବର୍ଷା ଯୋଗୁଁ ବନ୍ୟା ପରିସ୍ଥିତି ଭୟାବହ ରୂପ ଧାରଣ କରିଛି। ରାଜୌରୀ, ଅନନ୍ତନାଗ, ଉଧମପୁର ସମେତ ଅନେକ ଜିଲ୍ଲାରେ ଲଗାତାର ବର୍ଷା ହେବାରୁ ନଦୀ ଓ ନାଳଗୁଡ଼ିକ ଉଛୁଳି ପଡ଼ିଛି।
ରାଜୌରୀ ଜିଲ୍ଲାର ଦରହଲ ନଦୀର ଜଳସ୍ତର ହଠାତ୍ ବୃଦ୍ଧି ପାଇବାରୁ ପାଖାପାଖି୨୦୦ରୁ ଅଧିକ ଗାଡ଼ି ବନ୍ୟା ପାଣିରେ ଭାସିଯାଇଛି। ସ୍ଥାନୀୟ ବସ୍ଷ୍ଟାଣ୍ଡ ସମ୍ପୂର୍ଣ୍ଣ ଜଳମଗ୍ନ ହୋଇଥିବା ବେଳେ ତଳିଆ ଅଞ୍ଚଳରେ ଜନଜୀବନ ବ୍ୟାପକ ଭାବେ ପ୍ରଭାବିତ ହୋଇଛି।
କେବଳ ରାଜୌରୀ ନୁହେଁ, ଶ୍ରୀନଗର, ଉଧମପୁର ଓ ଅନ୍ୟାନ୍ୟ ଅଞ୍ଚଳରେ ମଧ୍ୟ ସକାଳଠାରୁ ଅବିରତ ବର୍ଷା ଜାରି ରହିଛି। ବର୍ଷା ଯୋଗୁଁ ତାପମାତ୍ରାରେ ମଧ୍ୟ ଉଲ୍ଲେଖନୀୟ ହ୍ରାସ ଘଟିଛି।
ପାହାଡ଼ିଆ ଅଞ୍ଚଳରେ ଭୂସ୍ଖଳନ ଆଶଙ୍କା ବଢ଼ିଥିବାରୁ ପ୍ରଶାସନ ସ୍ଥାନୀୟ ଲୋକ ଓ ପର୍ଯ୍ୟଟକଙ୍କୁ ଅନାବଶ୍ୟକ ଯାତ୍ରା ନକରିବାକୁ ଏବଂ ନଦୀନାଳ ନିକଟକୁ ନଯିବାକୁ ପରାମର୍ଶ ଦେଇଛି।
ଭାରତୀୟ ପାଣିପାଗ ବିଭାଗ (IMD) ଆଗାମୀ୪୮ ଘଣ୍ଟା ପାଇଁ ପ୍ରବଳରୁ ଅତି ପ୍ରବଳ ବର୍ଷା ସହ ବଜ୍ରପାତର ସତର୍କ ସୂଚନାଜାରି କରିଛି। ଜମ୍ମୁ, କଠୁଆ, ସାମ୍ବା, ରାଜୌରୀ, ଡୋଡା, ରାମବନ ଓ କିଶ୍ତୱାଡ଼ ଜିଲ୍ଲାକୁ ହାଇ ଆଲର୍ଟରେ ରଖାଯାଇଛି।
ପ୍ରଶାସନ କହିଛି ଯେ, ଆଗାମୀ କିଛି ଘଣ୍ଟାରେ ପରିସ୍ଥିତି ଆହୁରି ଜଟିଳ ହୋଇପାରେ। ତେଣୁ ସମସ୍ତଙ୍କୁ ସତର୍କ ରହିବା ସହ ସରକାରୀ ନିର୍ଦ୍ଦେଶାବଳୀ ପାଳନ କରିବାକୁ ଅନୁରୋଧ କରାଯାଇଛି।
ଲଗାଣ ବର୍ଷାର ପ୍ରଭାବ ଏବେ ସାଧାରଣ ଲୋକଙ୍କ ରୋଷେଇ ଘର ଉପରେ...
ସାଉଦି ଆରବରେ କାର୍ଯ୍ୟରତ ଭାରତୀୟ ଘରୋଇ ଶ୍ରମିକଙ୍କ ପାଇଁ ଏ...
ଦେଶରେ ପେଟ୍ରୋଲ ଓ ଡିଜେଲ ଦର ଲଗାତାର କିଛି ଦିନ ଧରି ସ୍ଥିର...
ପାକିସ୍ତାନ ଅଧିକୃତ କାଶ୍ମୀର (POK)ରେ ବଢ଼ୁଥିବା ଜନଅସନ୍ତୋ...
ମଧ୍ୟପ୍ରାଚ୍ୟରେ ଯୁଦ୍ଧ ପରିସ୍ଥିତି ଆହୁରି ଗମ୍ଭୀର ହୋଇପଡ଼ି...
ଦକ୍ଷିଣ ଆମେରିକୀୟ ଦେଶ ଗୁଆନାରେ ଏକ ହୃଦୟବିଦାରକ ସାମୁଦ୍ରି...
ଓଡ଼ିଶାର ଶିଳ୍ପ କ୍ଷେତ୍ରକୁ ଆଉ ଏକ ବଡ଼ ସଫଳତା ମିଳିଛି। ସମ...
ରାଜ୍ୟରେ ସାର ଯୋଗାଣକୁ ନେଇ ଉପୁଜିଥିବା ଚିନ୍ତା ମଧ୍ୟରେ ଓଡ...
