ଯାଜପୁର ଜିଲ୍ଲାରେ ବନ୍ୟାର ଭୟାବହ ପ୍ରଭାବ। ଖରସ୍ରୋତା ନଦୀର ବନ୍ୟାଜଳ କୋରେଇ ଓ ରସୁଲପୁର ବ୍ଲକର ବିଭିନ୍ନ ଅଞ୍ଚଳକୁ ଜଳମଗ୍ନ କରିବା ପରେ ବ୍ୟାପକ ଭାବେ ଧାନ ଓ ପନିପରିବା ଫସଲ ନଷ୍ଟ ହୋଇଛି। ଫଳରେ ଚାଷୀଙ୍କ ମୁଣ୍ଡରେ ଚଡ଼କ ପଡ଼ିଛି।
ବନ୍ୟାଜଳ ଅନେକ ଚାଷଜମିରେ ପଶି ଫସଲକୁ ସମ୍ପୂର୍ଣ୍ଣ ନଷ୍ଟ କରିଦେଇଥିବାରୁ ଲକ୍ଷ ଲକ୍ଷ ଟଙ୍କାର ଫସଲ କ୍ଷତି ହୋଇଥିବା ଜଣାପଡ଼ିଛି। କୋରେଇ ବ୍ଲକରେ ବନ୍ୟା ଯୋଗୁଁ ୯ଟି ପଞ୍ଚାୟତ ଅଧୀନରେ ଥିବା ୫୦ଟି ଗାଁ ଓ ଶତାଧିକ ଲୋକ ପ୍ରଭାବିତ ହୋଇଛନ୍ତି।
ବନ୍ୟାରେ ବୈତରଣୀ ନଦୀ ପ୍ରଣାଳୀ ଅଧୀନରେ ୬ଟି ପଞ୍ଚାୟତର ୩୦ଟି ଗାଁ ପ୍ରଭାବିତ ହୋଇଛି। ସେହିପରି ଖରସ୍ରୋତା ନଦୀ ପ୍ରଣାଳୀ ଯୋଗୁଁ ୩ଟି ପଞ୍ଚାୟତର ୨୦ଟି ଗାଁ ପ୍ରଭାବିତ ହୋଇଛି।
ବନ୍ୟାଜଳ ଧାନ ଜମି ସମେତ ବିଭିନ୍ନ ପନିପରିବା ଚାଷକୁ ନଷ୍ଟ କରିଦେଇଛି। ଅନେକ ସ୍ଥାନରେ ଚାଷଜମି ଏବେ ବି ପାଣି ଘେରରେ ରହିଥିବାରୁ ଚାଷୀଙ୍କ ଚିନ୍ତା ଦୂର ହେଉନାହିଁ।
ଫସଲ ନଷ୍ଟ ହେବା ପରେ ଚାଷୀଙ୍କ ଆର୍ଥିକ ସ୍ଥିତି ଦୟନୀୟ ହୋଇପଡ଼ିଛି। ଅନେକ ଚାଷୀ ଋଣ କରି ଚାଷ କରିଥିବା ବେଳେ ବନ୍ୟାରେ ଫସଲ ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ଏବେ ଋଣ କିପରି ଶୁଝିବେ ଏବଂ ପରିବାରର ଗୁଜୁରାଣ କିପରି ମେଣ୍ଟାଇବେ, ସେନେଇ ଚିନ୍ତାରେ ଚାଷୀ।
ରସୁଲପୁର ବ୍ଲକର ଚାଷୀ ରାଜୀବ ସାହୁ କହିଛନ୍ତି ଯେ, ଗୁରୁବାର ରାତିରୁ ବନ୍ୟା ଆସିଥିଲା। ସକାଳୁ ଉଠିବା ବେଳକୁ ସାରା ଅଞ୍ଚଳ ପାଣିରେ ବୁଡ଼ି ଯାଇଥିଲା। ଫସଲ ନଷ୍ଟ ହେବାରୁ ଲକ୍ଷ ଲକ୍ଷ ଟଙ୍କାର କ୍ଷତି ହୋଇଛି। ଚାଷ ହିଁ ତାଙ୍କ ପରିବାରର ଆୟର ମୁଖ୍ୟ ଉତ୍ସ ହୋଇଥିବାରୁ ସରକାର ସହାୟତା ଯୋଗାଇଦେବାକୁ ସେ ଦାବି କରିଛନ୍ତି।
ବନ୍ୟାରେ ହୋଇଥିବା ଫସଲ କ୍ଷତିର ଆକଳନ ପାଇଁ ରାଜ୍ୟ ସରକାର ସମ୍ପୃକ୍ତ ବିଭାଗକୁ ନିର୍ଦ୍ଦେଶ ଦେଇଛନ୍ତି। କୃଷି ବିଭାଗ, ରାଜସ୍ୱ ବିଭାଗ ଓ ବ୍ଲକ୍ ପ୍ରଶାସନର ମିଳିତ ଟିମ୍ ଏବେ ଗ୍ରାଉଣ୍ଡ ଲେଭଲରେ ସର୍ଭେ କରୁଛନ୍ତି।
କୋରେଇ ବିଡିଓ ଅବନୀକାନ୍ତ ସାହୁଙ୍କ ସୂଚନା ଅନୁଯାୟୀ, କୋରେଇରେ ବୈତରଣୀ ଓ ଖରସ୍ରୋତା ନଦୀ ପ୍ରଣାଳୀ ଯୋଗୁଁ ୯ଟି ପଞ୍ଚାୟତ ଓ ୫୦ଟି ଗାଁ ପ୍ରଭାବିତ ହୋଇଛି।
କୃଷି ଓ ରାଜସ୍ୱ ବିଭାଗ ସହ ବିଡିଓଙ୍କ ଟିମ୍ ଫସଲ କ୍ଷତିର ରିପୋର୍ଟ ପ୍ରସ୍ତୁତ କରି ସରକାରଙ୍କୁ ପଠାଇବ। ତିନି ଦିନ ମଧ୍ୟରେ, ଅର୍ଥାତ୍ ମଙ୍ଗଳବାର ସନ୍ଧ୍ୟା ସୁଦ୍ଧା, ଫସଲ କ୍ଷତି ଓ ଅନ୍ୟାନ୍ୟ କ୍ଷୟକ୍ଷତିର ରିପୋର୍ଟ ସରକାରଙ୍କ ନିକଟରେ ଦାଖଲ କରାଯିବ। ଏହା ପରେ ସରକାରଙ୍କ ପକ୍ଷରୁ ପରବର୍ତ୍ତୀ ପଦକ୍ଷେପ ନିଆଯିବ।
ଭୁବନେଶ୍ୱର: ବନ୍ୟା ପରିସ୍ଥିତିକୁ ନେଇ ଚାଉଳ ବଣ୍ଟନରେ କୌଣସ...
ନୂଆଦିଲ୍ଲୀ: ୨୦୨୦ ମସିହାରେ ଘଟିଥିବା ଦିଲ୍ଲୀ ସାମ୍ପ୍ରଦାୟି...
ନିଟ୍ ପ୍ରଶ୍ନପତ୍ର ଲିକ୍କୁ ନେଇ ଦେଶବ୍ୟାପୀ ଚର୍ଚ୍ଚା ଚାଲିଥ...
ଚେନ୍ନାଇ: ତାମିଲନାଡୁର ଶାସକ ଦଳ DMK କଂଗ୍ରେସ ବିରୋଧରେ ଗୁ...
ଓଡ଼ିଶା ସରକାରଫୁଲବାଣୀ ମେଡିକାଲ କଲେଜର ନାମ ପରିବର୍ତ୍ତନ କ...
ସଂସଦରେPublic Examinations (Amendment) Bill, 2026ପା...
ଓଡ଼ିଶାରେ ପିଜି ମେଡିକାଲ୍ ପରୀକ୍ଷାର ପ୍ରଶ୍ନପତ୍ର ଲିକ୍ ଅଭ...
NEET-PG ୨୦୨୬ପରୀକ୍ଷା ପାଇଁ କେନ୍ଦ୍ର ସରକାର ପକ୍ଷରୁ ସୁରକ...
