ଯାଜପୁର: ଯାଜପୁର ଜିଲ୍ଲା ସିଦ୍ଧେଶ୍ୱର ନିକଟରେ ବନ୍ୟାଜଳ ହଠାତ୍ ବଢ଼ିବାରୁ ଦୁଇ ଜଣ କର୍ମଚାରୀ ଦୀର୍ଘ ସମୟ ଧରି ଫସି ରହିବା ପରେ ଅଗ୍ନିଶମ ବାହିନୀ ଦ୍ୱାରା ଉଦ୍ଧାର ହୋଇଛନ୍ତି। ଉଦ୍ଧାର ହୋଇଥିବା ଦୁଇଜଣଙ୍କ ମଧ୍ୟରୁ ଜଣେ ବିଦ୍ୟୁତ୍ ବିଭାଗର କର୍ମଚାରୀ ହୋଇଥିବା ବେଳେ ଅନ୍ୟଜଣ ପମ୍ପ ହାଉସ୍ର କର୍ମଚାରୀ।
ଦୁଇଜଣ ଶୁକ୍ରବାର ରାତିରେ ବିଦ୍ୟୁତ୍ କେନ୍ଦ୍ର ଓ ପମ୍ପ ହାଉସ୍ରେ ନାଇଟ୍ ଡ୍ୟୁଟିରେ ଥିଲେ। ରାତି ପ୍ରାୟ ୩ଟା ସମୟରେ ହଠାତ୍ ବନ୍ୟାଜଳର ସ୍ତର ବଢ଼ିବା ଆରମ୍ଭ କରିଥିଲା। ସକାଳେ ବାହାରିଯିବେ ବୋଲି ଭାବିଥିଲେ ମଧ୍ୟ ଜଳସ୍ତର କ୍ରମାଗତ ଭାବେ ବଢ଼ିବାରୁ ସେମାନଙ୍କ ପାଇଁ ବାହାରିବା ରାସ୍ତା ବନ୍ଦ ହୋଇଯାଇଥିଲା।
ପରେ ବନ୍ୟାଜଳ ଛାତି ପର୍ଯ୍ୟନ୍ତ ପହଞ୍ଚିଯିବାରୁ ଦୁଇଜଣ ସେଠାରେ ଫସି ରହିଥିଲେ। ପ୍ରାୟ ୫ ଘଣ୍ଟା ଧରି ବଢ଼ୁଥିବା ପାଣି ମଧ୍ୟରେ ସେମାନେ ଉଦ୍ଧାରକୁ ଅପେକ୍ଷା କରିଥିଲେ।
ପମ୍ପ ହାଉସ୍ ଭିତରକୁ ମଧ୍ୟ ପାଣି ପଶିବା ଆରମ୍ଭ କରିବା ପରେ ଘଟଣା ସମ୍ପର୍କରେ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା। ସୂଚନା ପାଇବା ପରେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଦୁଇ କର୍ମଚାରୀଙ୍କୁ ସୁରକ୍ଷିତ ଭାବେ ବାହାରକୁ ଆଣିଥିଲେ।
ବର୍ଷା ପରେ ବୈତରଣୀ ନଦୀର ଜଳସ୍ତର ବଢ଼ୁଥିବାରୁ ଯାଜପୁରର ବିଭିନ୍ନ ଅଞ୍ଚଳରେ ବନ୍ୟା ଆଶଙ୍କା ଜାରି ରହିଛି। 🌧️🌊
ଭାରତୀୟ ଅର୍ଥନୀତି ପାଇଁ ଆସିଛି ଭଲ ଖବର।୨୦୨୬-୨୭ ଆର୍ଥିକ ବ...
ହଲିଉଡ୍ର ଲୋକପ୍ରିୟ ସାଇ-ଫାଇ ସିରିଜ୍ **‘Silo&rsqu...
ଅଭିନେତ୍ରୀମାହି ବିଜଶେଷରେBigg Bossଘରେ ପ୍ରବେଶ କରିଛନ୍ତି...
ଦୁଇ ଦଶନ୍ଧି ପୂର୍ବରୁ ଆରମ୍ଭ ହୋଇଥିବାBigg Bossଭାରତର ସବୁ...
ଆମେରିକାରେ ଚାକିରି କରିବା ସହିତ ନିଜ ପ୍ରତିଭାକୁ side bus...
ଘରୋଇ LPG ଗ୍ରାହକଙ୍କ ପାଇଁ ବଡ଼ ଆଶ୍ୱସ୍ତି।ଘରୋଇ LPG refi...
‘Taali’ ସିରିଜ୍ରେ ଟ୍ରାନ୍ସଜେଣ୍ଡର ଆକ୍ଟିଭି...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଆମେରିକା ଓ କାନାଡା ମଧ୍ୟରେ ଚାଲିଥିବାଟାରିଫ୍ ଯୁଦ୍ଧଏବେ ଏର...
