ଇରାନରେ ସର୍ବୋଚ୍ଚ ନେତୃତ୍ୱକୁ ନେଇ ରାଜନୈତିକ ଟଣାପୋଡ଼ ତୀବ୍ର ହେବାରେ ଲାଗିଛି। ଦେଶର କଠୋରପନ୍ଥୀ ଗୋଷ୍ଠୀ ରାଷ୍ଟ୍ରପତିମାସୁଦ ପେଜେସ୍କିଆନ, ସଂସଦ ବାଚସ୍ପତିମହମ୍ମଦ ବାଘେର ଗାଲିବାଫଏବଂ ବୈଦେଶିକ ମନ୍ତ୍ରୀଆବାସ ଆରାଘଚିଙ୍କ ବିରୋଧରେ କ୍ଷମତା ଦଖଲ ପାଇଁ ଷଡ଼ଯନ୍ତ୍ର କରୁଥିବା ଅଭିଯୋଗ ଆଣିଛନ୍ତି।

ଅଭିଯୋଗ ଅନୁସାରେ, ଏହି ନେତାମାନେ ଆମେରିକା ସହ ଆପୋଷ ବୁଝାମଣା କରି ଦେଶର ସର୍ବୋଚ୍ଚ ନେତୃତ୍ୱର ନୀତିକୁ ଦୁର୍ବଳ କରିବାକୁ ଉଦ୍ୟମ କରୁଛନ୍ତି। ଏହାକୁ ନେଇ କଠୋରପନ୍ଥୀ ଗୋଷ୍ଠୀ ପକ୍ଷରୁ ସେମାନଙ୍କୁ ସାର୍ବଜନୀନ ଭାବେ ସମାଲୋଚନା ଓ ଧମକ ଦିଆଯାଇଛି।

ଅନ୍ତିମ ସଂସ୍କାର ବେଳେ ବଢ଼ିଲା ଉତ୍ତେଜନା

ଏକ କାର୍ଯ୍ୟକ୍ରମ ସମୟରେ ରାଷ୍ଟ୍ରପତି ପେଜେସ୍କିଆନଙ୍କ ବିରୋଧରେ ସ୍ଲୋଗାନ ଦିଆଯାଇଥିବାବେଳେ ବୈଦେଶିକ ମନ୍ତ୍ରୀ ଆବାସ ଆରାଘଚିଙ୍କୁ ବିରୋଧର ସମ୍ମୁଖୀନ ହେବାକୁ ପଡ଼ିଥିଲା। କିଛି ବିକ୍ଷୋଭକାରୀ ତାଙ୍କୁ ‘ଦେଶଦ୍ରୋହୀ’ ବୋଲି ଅଭିହିତ କରିଥିବା ସହ କାର୍ଯ୍ୟକ୍ରମ ସ୍ଥଳ ଛାଡ଼ିବାକୁ ବାଧ୍ୟ କରିଥିବା ଦାବି କରାଯାଇଛି।

କଠୋରପନ୍ଥୀ ଗୋଷ୍ଠୀର ଅଭିଯୋଗ ହେଉଛି, ଆମେରିକା ସହ ସମ୍ଭାବ୍ୟ ଅସ୍ତ୍ରବିରତି କିମ୍ବା ପ୍ରତିବନ୍ଧକ ହ୍ରାସ ଚୁକ୍ତି ଇରାନର ବିପ୍ଳବୀ ନୀତି ବିରୋଧୀ।

ନେତୃତ୍ୱକୁ ନେଇ ବଢ଼ୁଛି ପ୍ରଶ୍ନ

ନୂତନ ସର୍ବୋଚ୍ଚ ନେତୃତ୍ୱକୁ ନେଇ ଚାଲିଥିବା ଆଲୋଚନା ମଧ୍ୟରେ କଠୋରପନ୍ଥୀ ନେତାମାନେ ଦାବି କରିଛନ୍ତି ଯେ, ସରକାରର କିଛି ଶୀର୍ଷ ନେତା ସର୍ବୋଚ୍ଚ ନେତୃତ୍ୱର ନିର୍ଦ୍ଦେଶକୁ ଅଣଦେଖା କରି ନିଜସ୍ୱ ନିଷ୍ପତ୍ତି ନେଉଛନ୍ତି।

କିଛି ସାଂସଦ ଏହାକୁ "ରାଜନୈତିକ କ୍ଷମତା ଦଖଲ" ବୋଲି ବର୍ଣ୍ଣନା କରିଥିବାବେଳେ ସୋସିଆଲ ମିଡିଆରେ ମଧ୍ୟ ଏହାକୁ ନେଇ ବିଭିନ୍ନ ଦାବି କରାଯାଉଛି।

ସରକାରଙ୍କ ପଦକ୍ଷେପ

ଅନ୍ୟପଟେ, ସରକାର କଠୋରପନ୍ଥୀ ନେତାଙ୍କ ପ୍ରଭାବ କମାଇବା ଦିଗରେ କିଛି ପଦକ୍ଷେପ ନେଇଥିବା ଖବର ମିଳିଛି। ବିଶେଷଜ୍ଞମାନଙ୍କ ମତରେ, ବର୍ତ୍ତମାନର ନେତୃତ୍ୱ ଦେଶରେ ରାଜନୈତିକ ସ୍ଥିରତା ଓ ପ୍ରଶାସନିକ ନିୟନ୍ତ୍ରଣ ବଜାୟ ରଖିବାକୁ ଚାହୁଁଛି।

ତେବେ ଇରାନରେ ବଢ଼ୁଥିବା ଏହି ରାଜନୈତିକ ମତଭେଦ ଆଗାମୀ ଦିନରେ ଦେଶର ପରିସ୍ଥିତି ଉପରେ କେଉଁ ପ୍ରଭାବ ପକାଇବ, ତାହା ଉପରେ ସମସ୍ତଙ୍କ ନଜର ରହିଛି।