ୟୋଡିନ୍ ଅଭାବ ମସ୍ତିଷ୍କ ଓ ଜ୍ଞାନୀୟ ବିକାଶରେ ପ୍ରଭାବ ପକାଇପାରେ। WHO ମଧ୍ୟ ଗର୍ଭସ୍ଥ ଶିଶୁ ଓ ଛୋଟ ଶିଶୁଙ୍କ ସୁସ୍ଥ ମସ୍ତିଷ୍କ ବିକାଶ ପାଇଁ ଆୟୋଡିନ୍କୁ ଅତ୍ୟାବଶ୍ୟକ ବୋଲି ଦର୍ଶାଇଛି।

କିପରି ରୋକିବେ ଆୟୋଡିନ୍ ଅଭାବ?

ଆୟୋଡିନ୍ ଅଭାବ ରୋକିବାର ଏକ ସହଜ ଉପାୟ ହେଉଛି ଦୈନନ୍ଦିନ ରୋଷେଇରେପର୍ଯ୍ୟାପ୍ତ ଆୟୋଡିନ୍ଯୁକ୍ତ ଲୁଣବ୍ୟବହାର କରିବା। WHO ମଧ୍ୟ ଲୁଣରେ ଆୟୋଡିନ୍ ମିଶ୍ରଣକୁ ଜନସ୍ୱାସ୍ଥ୍ୟ ସ୍ତରରେ ଆୟୋଡିନ୍ ଅଭାବ ରୋକିବାର ଏକ ପ୍ରଭାବଶାଳୀ ପଦକ୍ଷେପ ଭାବେ ସୁପାରିସ କରେ।

ଲୁଣକୁ ଶୁଖିଲା ଓ ଢାଙ୍କି ରଖିବା ଉଚିତ। ତେବେ ଆୟୋଡିନ୍ ଅଭାବ ରୋକିବା ପାଇଁ ଲୁଣର ପରିମାଣ ବଢ଼ାଇବା ଠିକ୍ ନୁହେଁ। ଅଧିକ ଲୁଣ ଖାଇବା ଉଚ୍ଚ ରକ୍ତଚାପ ସମେତ ଅନ୍ୟ ସ୍ୱାସ୍ଥ୍ୟ ଝୁମ୍ପ ବଢ଼ାଇପାରେ। ତେଣୁପର୍ଯ୍ୟାପ୍ତ ଆୟୋଡିନ୍ଯୁକ୍ତ ଲୁଣ, କିନ୍ତୁ ମାତ୍ରାରେ ଲୁଣ—ଏହି ସନ୍ତୁଳନ ଜରୁରୀ।

ଭାରତରେ ଆୟୋଡିନ୍ ଅଭାବ ରୋକିବାକୁ ପଦକ୍ଷେପ

ଭାରତ ସରକାର ୧୯୬୨ରେ National Goitre Control Programme ଆରମ୍ଭ କରିଥିଲେ। ୧୯୯୨ରେ ଏହାକୁ ବ୍ୟାପକ କରିNational Iodine Deficiency Disorders Control Programme (NIDDCP)ନାମ ଦିଆଯାଇଥିଲା। ଆୟୋଡିନ୍ଯୁକ୍ତ ଲୁଣର ବ୍ୟବହାର ବଢ଼ାଇବା, ଲୁଣର ଆୟୋଡିନ୍ ସ୍ତର ଯାଞ୍ଚ, ସର୍ଭେ ଓ ଜନସଚେତନତା ଏହି କାର୍ଯ୍ୟକ୍ରମର ମୁଖ୍ୟ ଅଂଶ।

ସରକାରୀ ତଥ୍ୟ ଅନୁଯାୟୀ, ୨୦୨୦-୨୧ରେ ଭାରତର ୯୪.୩ ପ୍ରତିଶତ ଘରେ ପର୍ଯ୍ୟାପ୍ତ ଆୟୋଡିନ୍ଯୁକ୍ତ ଲୁଣ ବ୍ୟବହାର ହେଉଥିବା ରେକର୍ଡ ହୋଇଥିଲା। ତଥାପି ଆୟୋଡିନ୍ର ଉପଯୁକ୍ତ ମାତ୍ରା ଓ ସନ୍ତୁଳିତ ଖାଦ୍ୟ ସମ୍ପର୍କରେ ନିରନ୍ତର ସଚେତନତା ଆବଶ୍ୟକ।

ଆୟୋଡିନ୍ ଅଭାବ ସନ୍ଦେହ ହେଲେ ନିଜେ ଆୟୋଡିନ୍ ସପ୍ଲିମେଣ୍ଟ ଆରମ୍ଭ କରିବା ପରିବର୍ତ୍ତେ ଡାକ୍ତରଙ୍କ ପରାମର୍ଶ ନେବା ଉଚିତ। ବିଶେଷକରି ଗର୍ଭବତୀ ଓ ସ୍ତନ୍ୟପାନ କରାଉଥିବା ମହିଳାମାନେ ନିଜ ଆୟୋଡିନ୍ ଆବଶ୍ୟକତା ସମ୍ପର୍କରେ ସ୍ୱାସ୍ଥ୍ୟ ବିଶେଷଜ୍ଞଙ୍କ ସହ ପରାମର୍ଶ କରିବା ଉଚିତ।